من الغبنه ماني قادرة امارس يومي طبيعي
ودي اتهاوش مع كل الناس ..

انا شكلي لازم اقلب و اوريهم الوجه الثاني

لو بتكلم عن التعب اللي فيني و الله ما راح اقدر اشرحه او اوصفه
لكن عندي وحدة مهما تعبت عشانها .. يهون التعب لعيونها
خالتي حبيبتي اتعنى لها لو اني في اشد الحاجه للراحه
لو اني بموت من التعب .


توني خلصت لها الشغل اللي تبيه و راجعه بيتنا
الله يخليها لعيالها و لا يحرمني من الناس اللي احبهم

الفقدان احياناً يخليك ما تقدر تستمتع بحياتك مهما كانت حلوة ..
لان الاشياء اللي تعودت عليها على مدى عشر سنوات او اكثر .. لا تزال تسكنك

لكن نعيش .. و نتناسى هالشعور ..

يا كم مكان لازلت احن له .. و ادري انها فترة ما ترجع ..
الحنين شعور يشبهه الموت البطيء .. شعور يتملكك بدون تحس ..
تحس قطعه من قلبك .. مو معك ..

انا عندي هذا الشعور .. و كل ما احكيهم عنه ما القى فيهم احد يشبه شعوري ..
ما بكيت بالطريقه المناسبه عشان اسلى و اعيش ..
و يمكن هالمواقف تعصر القلب لكن ما تبكيه

نفسي ارجع امارس كل شي احبه عشان احس روحي تتعافى
نفسي اصمم ، اصور ، ارسم ، اكتب ، ارجّع الطفله اللي بداخلي تعيش زي ما تبي ..

كل شي حولي جميل و رائع و ملهم .. لكن انا ابي ارجع وراء
بيني و بينكم ما يعجبني هالتطور اللي صاير .. لكن نعيش و نشوف ..

فضفضة صباحية ..


صباحكم سعادة

الايام تمضي و دفة الحياة تسير ،، و نحن نرقب ما حولنا و نحاول ان تشبث بالايام الجميلة ،
كل شيء حولي جميل ،، و ادعوا الله ان يتم نعمته علي ،،


اليوم الاول من رمضان مضى ،،
كان كل شي رائع ، مطمئن ، يبعث على السعادة

لكل الاشخاص الرائعين حولي ، ممتنه لجمالكم ،، ممتنه لوجودكم

و لكل الاشخاص ، اللذين يذكرون " النور" بالخير اصدق تهنئة بحلول هذا الشهر الكريم
و كل عام و انتم بخير ،،

عودة للدوام بعد اجازة مدتها اسبوع ..
اسبوع كان حافل بكل شيء جميل .. ارتحتنا من هم الدوام ..و جلسنا لأشغال البيت الجديد ..
على قد ما الاحساس جميل على كثر ما احس اني للآن مكركبة

و االحلو في هالاجازة .. اسبوع من نهاية شعبان و دخل علينا رمضان
حسيت انها طويله مررة

و من الحين انا جالسه احسب لأجازتي الجايه اللي بتكون بعد العيد


صباحي و صباحكم سعيد .. و عساه يكون يوم جميل

من الجميل ان تعلم من تكون .. و تعلم ماهي اخطائك و تقر بها و تصححها.. لا ان تكابر و تنكرها ..