سلامى على الى كان حاضر معنا
سلامى على الى خالى مكانه

.


رغم الشقى ومعافر الوقت ماطحت
‏" واقف وانا كلي شموخ ومهابه "


.

درتك عزيز وغالي
ودرتك اللي فالقلب شانك عالي
ودرتك ربيع سنيني
ودرتك رفيق اللي بيه تزها عيني
ودرتك دواء لجروحي
ودرتك الروح اللي ترافق روحي
ودرتك مسندي وذراعي
ودرتك نسوتي لاوجاعي
ودرتك مكان اسراري
ودرتك شريك افكاري
ودرتك ودرتك ودرتك
وانت ايش درتني ياغالي

يارب
ياللي خلقت الكون
ما انريد من غيرك سند لا عون
فيك الرجاء

ياللي خلقت الروح
وعارف اسرار العبد قبل ايبوح
واقصور جنتك فيها عطور اتفوح
للتايب اللي مايريد دونك دون

واقف علي بابك انريد سموح
انحبك وماعندي سواك حنون
يا الله يامنجي سفينة نوح
احشرني مع اللي في الحفظ والصون
اللي مؤمنين وصدرهم مشروح
وعلي جارهم مايمنعوا ماعون
اقراية احزابك في الكتاب ولوح
مكارم اخلاق وعقلهم موزون
ورادة مناهل فيض موش انزوح
وزخرف الدنيا عندهم مركون

الخاطر والعين ايريدنك
لكن وحلن كيف ايجنك

انت الغلا وانت شوقي كله
انت الحنان اللي غايتي نوصله
في عيوني صورتك مرسومه
يرعاك ربي ويحفظك في ظله
وتبقى دلالي اللي عليه مانتخلى