أنا المايل عن وعودي إذا حسيت بالتهميش
وأنا الثابت على الكلمه إذا شفتك تقدرني .

لاتسأل المشتاق وشلون حاله
اسأل اللي غاب وشلون ما حن

كلّ ما ادوّر طريقٍ ! … ترجع العثرات ثاني
وين ابلقى لي طريقٍ عثرتي به مستحيله

ياللي قسمت الروح نص بنص
ما انريد غيرك دوم
انت وبس

انت اللي انريدك اتكون اقسامي
بلاك ياغالي اتزيد آلامي
وبلاك عقلي اتقول صابه مس
وبلاك يبقن ضايقات اعلامي
وبلاك اتعثر خطوتي وانغص
وانت احلامي ياحدود غرامي
وانت اللي قلبي عليك حرص
انت وبس...يللي قسمت الروح نص بنص
ما انريد غيرك دوم

انت عيوني
وانت غلاي وشوق في مكنوني
وانت حياتي وراحتي وجنوني
وانت نبض في قلبي معاي يجس
وانت مكانك دوم بين جفوني
اغطاك رمشي ياحبيب القلب
وانت الوحيد في دنيتي وفكوني
انت وبس...يللي قسمت الروح نص بنص
ما انريد غيرك دوم

انت عمري
انت حنان وشايله في غمري
وانت مسمرني الليل انعس
وانت اللي اطفي لهايب جمري
وانت دواء لي جرح بيه انحس
وانت النجوم وانت سماي وقمري
يانور يشكع في الظلام بقص
انت وبس.....ياللي قسمت الروح نص بنص
ما انريد غيرك دوم

انت روحي
وانت اللي اضمد جميع جروحي
وانت عذابي وغايتي وطموحي
وانت حياتي ماعليك اندس
وانت اللي اتكفف الدمع وموحي
بلاك مانقدر انعيش بروحي
قلبي ندهلك ياعزيز همس
انت وبس....ياللي قسمت الروح نص بنص
ما انريد غيرك دوم

انت الغالي
وانت اللي ماريت كيف والي
وانت حبيبي
وانت اللي قلبي احداك كرس
وانت اللي انريدك تكون حلالي
اتعيش معاي تبقالي ونس
وانت اللي باني عليك امالي
وميت فيك يا أحزام الفرص
انت وبس...ياللي قسمت الروح نص بنص
ما انريد غيرك دوم
انت وبس