راجيتك ياما راجيتك
فرحي مايكون الا ارجوعك
دزيت رسيل وناديتك
مازلت امضوي قنديلي
ما زيت القنديل كمل
مازلت امراجي في ليلي
ما لحظه مرجاك انمل
عاود للعين وشاكيها
عاود يكفيها اللي فيها
نفرح بقدومك ياغايب
نضوي لك م الفرح شموعك

راجيتك والمرجا طال
امغير امتى الحنين ايشدك
مراجاتك تمت مشغال
مشغول انراجي في ردك
بين حيرة ودمعة وارياف
وتنهيدة خافت من صدك...راجيتك

راجيتك والعقل اختار
لي عين اتراجي ما ملت
راجيتك والفكر احتار
يافرحة غابت ما هلت
بين ظن وتمويح وموح
وخطوات ارجوعك كي ظلت...راجيتك

راجيتك والشوق دليل
عاود للعين واعدها
راجيتك غير شد رحيل
من قربك لا ماتحسدها
وبين امهاياتك والحيره
دمعات تسيل ونجحدها....راجيتك

راجيتك وضي القنديل
امضوي وامساير ويواسي
راجيتك موحال انميل....لغيرك...ماغيرك وناسي
بين دمعه اتداعب فالآه
وحيرة وان الليل ايماسي.....راجيتك

صوتي تشجّر حنين ... وظلل بعادي
يِغرقني الوقت بسنينه ، ولا اشعر به

ماعدت ذاك الغريب وحولي بلادي
فالصدر زحمة بلد ، واحبابي الغربة

مانِي إلغريْبةإللي سكِن صدرهاحُزن
أنا الحزيْنة إللي سكِن صدرهِاغريْب؟.

‏ماكِنت بغيّابك حزيْنةكُنت:
أمِوت ومايدرِي بمُوتي أحد