الدروب أتعبتني والوقوف اِضطراري
والذلول اِنكفت قبل أتمكّن رسنها

كيف أرد الطيوف العابثة والطواري
كل ما شع نجم من الليالي شحنها

.

خذينا من ليالينا مواقيف وعبر ودروس
‏تطيح وترتكي وتقوم .. ما ماتت عزايمنا

.

حـلمي كبير و رغبتي كـنها طـير
ما يطوي الجنحان لا شاف قمّه

ان قالها الله و الليالي مـداوير
لأرقى سنام طويق و الحلم اتمّه

لولا رحمة الله كان ماقمت يوم اطيح
‏ولا كان نفسي حطت الصبر مركاها

‏اكافح سرايا ضيقة الصدر بالتسبيح
‏مثل ماتكافح رمدة العين بدواها

‏تطيب الجروح الواجده والهموم تطيح
‏من القلب كان الله بـ لطفه تولاها

‏ عسى المقبله فيها من الجود هبة ريح
‏وعسى الماضيه تغفر من الله خطايانا

أنا آسف على عسف الشعور وقسوة المنطوق
يد التلويح لا ترقب صداها يطرق أبوابك

ترى أحبابك على موعد وأنا ماني بناقص ذوق
عسى الله يستر جروح الزمان و يحفظ أحبابك