+
صبآحكم,مسائكم رحيقّ --
اليوم طبختنا شهيه جدا بس كثير ناس ماتتقنها لان فيها صعوبه شوي
اول مره اسويها لحالي بس تحت اشراف امي طبعا -بتسويني طباخه غصب-
مشهور طبقنا عند اهل سوريا -لبا بس-
بسم الله نبدا.
-كبة باللبن-
المقادير.
1/لحم غنم مفروم.
2/بصل يابس.
3/طاسه جريش
4/طاسه برغل.
5/بهاراتّ
6/لبن المراعي.
7/روب غنم.
نبدا بالحشوة اول.
نغسل اللحم و نحطه بالصاج و نبدا نقلبه ع النار لما يبدا يتسوي
و بعدها نحط البصل و نبدا نقلبهم مع بعض و نحط البهارات
فلفل اسود و كمون و كزبرة و فلفل احمر و ملح
يعني لازم تكون كمية البصل تعادل كمية اللحم.
و نخليه يحمس نغطي عليه.
نحط شوي دهن عشان تصير دسمة شوي.
و بيصير شكلها كذا..
نخلص الحشوة و نحطها على جنب عشان تبرد.
و نبدا بالعجينة.
نحط طاسة جريش و طاسة برغل و نصب عليهم مويا حاره و نغطيها ساعه.
نجهز المكينة بعد ماترتاح العجينة بساعه نبدا نسويها بالمكينة
بالشبكه الناعمه مرتين نسويها لما يصير شكلها كذا
بعدها نحط قالب الكبه بالمكينة
و نبدا نفتحها و نحشيها بالحشوة.
لما نلفها و نخلص نبدا عاد باللبن
المهم نكون دقيقين عشان مايزل و يخرب
نجيب لبن الوسط و نحطه بالقدر و نحط صحن تقريبا روب غنم
و بنفس علبه اللبن نحط فيها مويا مرتين تقريبا
و نحطه على النار و نبدا نحركه
مانتركه لما يفور
بعد مايفور نتركه شوي يطبخ و نبدا ننزل الكبه على اللبن
حبه حبه.
و نتركهم يطبخو مع بعض.
و نحط نعناع يابس و فلفل اسود شوي و فلفل احمر.
و نحمس بصله مع شوي زيت و نصب على الكبه.
نتركه تقريبا نص ساعه
و بس بالهنا و العافيه.
الشكل النهائي.
اعذروني على التصوير الخايس.
بس جوالي منهبل
اتمنى تعجبكم طبختنا..
دونكم لا أكتمل.
خرآفية -
-