هلا وغلا بالجميع
جيتكم وكلي شوق اني أجاوب ع اسئلتكم <<والله اللي بالضمير عكس الكلام
المهم ما نطلع عن النص أنا بعد ما كلمت الوالدة الله يحفظها عن أشياء ما كنت اعرفها
تدرون فترة الطفولة عاد لي منها واجد هههههآي
طبعا ما قصرت والله اعطتني معلومات وجلست اضحك على نفسي
بس ما راح اقول ششيء أخليكم تضحكون علي ..ههههههههآآي
شوفوا الاجابات لأخوكم اللي كان صغير ههههههههآآي


[ المحطة الاولى ]

آوصف طفولتك بجملة واحدة

بصراحة أيام الكل يتمنى يرجع لها كلها لأنها طفولة وأمان واطمئنان وحب خالص وبراءة وعواطف نقية.
.
.

[ المحطة الثانية ]

ما هو أجمل موقف أو أجمل ذكرى تتذكرها من طفولتك ؟
أكيد لما أكون بالقرب من الوالدة ومن أهل البيت لأني الحين هالشيء افقده وانشاء الله
ربنا يجمعنا على خير ..

.
.

[ المحطة الثالثة ]

ما هو أصعب أو أحزن موقف مر عليك في طفولتك ؟
تقريبا أي موقف حزين يكون مقرون بوفاة أو مرض
بصراحة وفاة أكبر أخواني كان ضربة لي وأنا تقريبا عمري 13 سنة
مو طفل لكن هذا اللي اذكر انه أصعب شيء بالنسبة لي
مع ان الأحزن من كذا كان زواجه قريب من هاليوم وكان يتجهز لزواجه.((الله يرحمه)


.
.

[ المحطة الرابعة ]

ما هي أجمل هدية تلقيتهآ في طفولتك ولم تنساها لليوم ؟
الهدايا كثيرة ويمكن أحلاها كانت من الوالد وهي سيارة صغيرة افرفر فيها داخل البيت..

.
.

[ المحطة الخامسة ]

هل هناك انسان معين كرهته في طفولتك .. ولماذآ ؟
والله بالنسبة للكره ما اتوقع فيه كره لأحد لأني سألت الوالدة تقول انت
كنت ما تحب تقرب من أحد الا عشان مصلحة يعني سوق والا شيء.<<ناس ما يجون بالبساطة

.
.

[ المحطة السادسة ]

ما هي آصعب مرة آنضربت فيهآ ولا زالت محفورة في ذاكرتك وسبب الضرب وش كان؟
ههههههآآي مرة انضربت من الوالد عشان كان يجيب سيارة حكومية للبيت
وأنا ركبت فيها ودايما كنت العب بالسيارة بس هالمرة قلت ابي اسوي شيء
جديد شغلتها وعلى طول ع الجدار:ضحكه:

.
.

[ المحطة السابعة ]

هل كنت غيور بطفولتك من آخوانك وتحس فيه تمييز بينك وبينهم ؟
لا بالعكس لأن بعمري ما كان فيه أحد أقرب لي بالعمر الا اخت بس أكبر مني
وتعرفون البنات ماشاء الله طيوبات من صغرهم عشان كذا استغليت الفرصة.

.
.

[ المحطة الثآمنة ]

ما هي اكثر وآفضل لعبة كنت تلعبها و أنت صغير ؟
أكيد دباب اشتغلته تفحيط بالحوش بس مرة صدمت سيارة الوالد بالحوش
وأخذ مني الدباب واشترى لي السيارة اللي داخل البيت:ضحكه:
كلمت الوالدة قلت لها كيف رضيت ان ابوي ياخذ الدباب <<قالت انه قالي عشان الحرامية ما يجوني بالحوش..
بس أنا كنت عارف انه يلعب علي بس مشيتها ..

.
.

[ المحطة التاسعة ]


هل ستربي آولادك بنفس الطريقة التي تربيت بها في طفولتك؟
تقريبا كل شخص يطلعون أولاده على نفس تربيته .
وبالنسبة لي راح أحاول اني انشاء الله وبالتفاهم مع أم ريان مستقبلا<<حسستكم اني أكبركم ههههآي
انها تكون تربية وان كان بيكون انشاء الله فيها تدليع لكن في حدود المعقول .
يمكن والدينا الله يحفظهم كانوا يشوفون فينا أخطاء ويحاولون يعدلونها
واحنا لو شفنا أخطاء أكيد راح تتعدل الأهم انه يكون ولد صالح باذن الله ..

اششكرك أخوي عبوث ع الاستضافة واشكر كل من انتظرني
وأأسف ع التأخير لكن عشان ما كان ودي بعض الأسئلة تروح بدون اجابة
فحاولت اسأل الوالد والوالدة عن بعض الأشياء اسأل الله انه يطول بأعمارهم
وباذن الله تربيتهم ما تروح عبث ويشوفون انشاء الله ما بنوه في عيال عيالهم باذن الله ..

بالتوفيق لجميع الاخوان والاخوات اللي بيكونوا بعدي.