صباح الخير
انا قررت بعد تفكير اكتب لكم مشكلتي
أول شي انا بنت عمري 25
راح أبدا من البداية واحاول اختصر..
الموضوع تعرفت ع شاب من موقع زواج
وهذا الشاب ماشفت شي منه الى اليوم طيب ويحترمني وحاله بشانه يعني ماتقولون انه راعي خرابيط حتى مقابله مايبي بس ارسلي صوره وشفته وارتحت له تعرفت عليه قبل 4 سنوات🤦🏾‍♀😭 ويشهد الله حبيته وحبيت جمال قلبه سبحان الله يريح مرره .. طلع بالصدفه سبحان الله بيننا قرابه بعيده وقال زين حتى تسهل الخطوبه بعدين قبل كان متوظف وراتبه عادي وقال اصبري تتحسن الأوضاع وكذا . المهم صبرت ع أمل يجي يوم وكذا . المهم بعدين غير وظيفته لان افتكر ياخذ دورات وكذا طبعا انا اعرف هالاشياء من الاقارب وكذا.. وظيفته وراتبه صارو حلوين المهم ياابن الناس متى بتخطبني وكذا يقول أول ببني بيت واجهز مستقبلنا وبتزوجك ومن هالكلام طيب خطبه شي ملكه يقول والله والله ودي ابدأ حبه حبه أصبري علي بس أصبرري ومالك إلا عيشه حلوه اللي يأنب ضميري يمدحونه داايماا .. ومعلقني فيه طيبة قلبه مع الناس أشوفه أي احد محتاج هو يروح يعطيهم وياكثر الناس اللي يحبونه ب الاقارب .. تخاصمت معه قبل فترره وسبيتهه لانه اتهمته بشي وطلع اتهامي غلط وغير رقم جواله ولااعطاااني صار يراسلني لاين قال شوفيني معاك بس رقمي ماافيه لين نتزوج ومقهوره ع هالحركه .. لكنه طيب معاي ماتغير بس الرقم مااعطاني وكذا وقلبي بينحرق ع هالحركه ، الشي الثاني انه يبني بيت
وكلمته قبل فتره متى تخطبني ياابن الناس قال لما يخلص بيتي بحدود سنه وشوي كمان .🙂بلعتها بقلبي وبكيت وتبهذلت والله والله ..
ويتكلم ولاكانو شي صاار.. اللي اسمعه من الاقارب انه عمله ضغط وحالته حاله ومايلحق ..
الصراحه أنا البارح إنهرت منه قلت هذا مايحبني شكله معشمني ع الفاضي
لايبي يخطبني قريب ولاوراني بيته شفته مع بنت اخته بالصور .. ورقمه مب معطيني
أنا حاليا تعبانه نفسيتي ممرره لاني انسانه اذا انقهرت القهر يبين ع كل جسمي ..
خبرتكم كرجال - هل تشووفنه صادق ويبيني انتظره ولااخلاص آروح بحال سبيلي
مسستحيل يجيب لي طاري احد من اهله حياته ولاشي ..احس اني غريبه
والله هو طيب ومحترم وماقد شفت منه شي
نادرا يكلمني جوووواااال .
بس دردشة كتابيه ، اول ماتعرفنا ع بعض السنتين الاولى يوميا نتكلم جوال وو
واحد من الجماعة خطبني وع طول ارسلي قلي من جد فلان خطبك قلت ايه كلمو اهلي
قاعد يقولي احلفك بالله ترفضين وتكفين والله والله ابيك وسوا لي قضيه يبكي ويتصل يتطمن شصار بالموضوع ويدعي يتكنسل بس اقول بنفسي ليه مايخطبني دام يبني ع الاقل يحجزني اتوقع خايف لان اقاربنا نظامهم خطبه ملكة زواج هو شكله لسا مايبي يتزوج الان يجيني ع طول جاهز .
ورفضت العريس الثاني عشان مااظلمه
تعبانه فيني قولون وفيني مغص وفيني بكاء وكل شي اش تنصحوني به تكفووون.