مافي داعي فوت منتدياتهم .. معبى نماذج تطاول بالشارع
كل شبرين بتسمعي كلمة كفر والعياذ بالله.. لدرجة بتخاف ع حالك باللاوعي
الله يسلمنا

برايي انه قلبهم طيب بس بدهم مين يسمعهم ويفهمهم ..ويكون قادر يدير دفة الحوار بطريقه صح





- موقفك عندما تقابل منكراً للأديان السماويه ؟

مابعرف شخصيا ماعمري اخدت دور الواعظ انا اقرب للشيطان مني للملائكة

- هل أنت ممن يناقش الملحدين أم تصمت عنهم ؟ ولماذا ؟

كنت زمان حاول احكي مع صاحبي بعدين بطلت .. .. من جديد راجع شوي الله يجزيهم الخير يلي وقفو معي

- هل الإلحاد حرية مطلقة ؟
اي حرية بس لا يجب السكوت عنها خاصة لو كان الشخص مرتد
يجب استمرار المحاولة لان يقع عليك اثم لو ماحاولت تردو لدينو

- لماذا لا يقبل الملحدون مناقشتهم حين يكون النقاش عن مواضيع تخالف منطقهم في حين أنهم ينادوا بحرية الأشخاص حتى في معتقداتهم ؟

مبلا بيقبل بس بتكون الحياة دعستو وكسرتلو راسو لقايل حاجة .. بيكون بدو يحكي ويبكي ومو قدران ولا عارف شلون يبلش

يلي بيبدا حديث معك بهالموضوع بكون مرتاحلك .. بس بدك وقت وحكمة لتقدر توصل للي فعلا بدو يحكي فيه

.. بحكي عن رفيقي انا

- كلمة أخيرة ؟
ماعندي ,, انا شخص مابطلع ع الاخر نظرة تعالي .. مابقول هاد ملحد وهاد شاذ
بحاول احتوي الكل خاصة الي برفضني ..ولي مابيشبهني
بحاول حط ايدي بايد اكبر عدد من الناس .. و ساعد لاني بعرف كتير منيح شلون انا بكون وئت احتاج مين يساعدني
هالاقتراب احيانا مالو منيح .. لاني بضيع معهم و فيهم .. بس الله مع الجماعه
وبنظري هدول الناس المعطوبة الكافرة المبتور دينها و ايمانها احسن مية مرة من كتير ناس بتصلي وتصوم بس بتخلي اي حدا يتعامل معها يكفر بالاديان كلها

استغفر الله العظيم



موضوعك جميل بتمنى ياخد حقه من النقاش