الفاضله / مشكلتي


بخصوص الناس اللي تقول عنك حساسه هما برضو حساسين
حتى الرجال حساسين
اللي يفرق هو اننا متفاوتين في الحساسيه لاغير
يعني لاتشيلي هم الحساسيه وكلام الناس وترهقين نفسك انتي كل مره تقولي انك
حساسه تزيد حساسيتك درجه
خلاص اعطيتي نفسك فوق طاقتها كل مره تزيدي حالك جرعه
Stop ايه توقفي عن ترديد ذلك واذا احد قالك انتي حساسه
قولي انا انثى ورقيقه وهذه حقيقه
وكذا ردك يريحك ويهدي نفسيتك شوي وتكوني متزنه داخلياً
بس انتي في داخلك لاتعيري الحساسيه هم اكبر وتعطيها اكبر من حجمها

من ناحية البكاء دمعتك لاتكون طارفه اتعودي تمسكينها شوي او تنعزلي
وابكي حتى تريحي راسك تدريج السالفه وتعتادين
لاتستخدمي مبرر طبع
ايه والله لان (( كل طبع يغلب عليه التطبع ))
والتطبع بيدك تدريجياً مو بيوم وليله منشان نتجنب التحطيم

اووووووهااااا معلمة ابتدائيه يعني انتي تدرسي الفراشات
والله ما الومك يومك حساسه انتي الجوريه اللي معطيه جو للفراشات
اهتمي بفراشات المستقبل وكوني قدوه قويه لهم

الحساسيه مو عيب التحسس منها يزيد عيبها
انشغال التفكير بها يزيدها سوء
شماعة الطبع ارميها واستبدليها بالتطبع


المشكله الثانيه
بالله عليك انا ماراح اموت العالم كله بمجله من حيوان وانسان
نهايتنا الموت
بس عايشين ومتعايشين لين الله يقول بقوله
فليه الخوف من الموت
الناس تخاف من العاقبه جنه ولا نار
لكن الموت في كل ليله ننامها مو متأكدين وظامنين اننا بنصحى
كنتي تحت تأثير المخدر
طبيعي تحسي بتثقال في الافاقه
لاهي غيبوبه ولا اغماء
في ناس اذا شمت ريحة الدم يغمى عليها

واحيان واحنى سليمين ولا عمليه ولا شيء تصحين ثقيله مو قادره تحركين اصبعك
وتمر هذه الوهله

وترا القيصريه صارت هينه كثير يولدون قيصري عادي ماصارت تحمل رعب اول
الاهم انك قمتي بالسلامه والنونو كويس

فلاتخافي من الموت كلنا بنموت فليه نخاف هذا شيطانك فاضي وحب يوسوس لك
ويرعبك ويدخلك في حيره ورهبه

انتي انسانه واعيه وام ومعلمة مستقبل لاتتركي همك هذه الاشياء
البسيطه فتغلبك وتقضي ع استمتاعك بالحياه
الله يوفقك يارب ويرزق راحة البال والطمأنينه والاستقرار النفسي


تقبلي ردي وعبق وردي مع خالص احترامي لسموك
آسيرة حرف