06-11-13, 02:23 AM
|
#1 |
| | | | | | | | | | |
دوائر التوست بحشوة الدجاج ... - 2 كيس توست - 3 صدور دجاج مسلوقة ومقطعه قطع صغيرة جدا ، انا اسلقها مع ( حبة بصل - حبة صغيرة جزر - قرفة - هيل - قرنفل - ورق غار ) - حبتين بصل مقطعة قطع صغيرة - حبتين فلفل رومي مقطعة قطع صغيرة - فصين ثوم مهروسة - حبتين او ثلاثة جزر/ مبشورة - ملح ، فلفل اسود ، بهارات مشكلة - ملعقتين او ثلاثة جبن سائل ( كرافت الذهبية ) - بيض وبقسماط للتغطية الطريقة : - نحمّر البصل مع الثوم بشوية زيت وقبل لا يذبل البصل نضيف الفلفل الرومي ونقلب - نضيف الدجاج المسلوق والبهارات كلها ونتركهم على نار خفيفة 5-10 دقايق - نضيف الجزر المبشور ونطفي النار ونغطي القدر عشان يذبل الجزر ع البخار - ع بال ماتبرد الحشوة نقطع التوست بأي قطّاعه ، بدون الاطراف طبعا ( انا اشيل الاطراف واستخدمها مع السلطات بالعادة ) - بعد ماتبرد الحشوة نضيف عليها الجبن السائل ونقلب - ندهن كل دائرة توست بشووية جبن ونحط فيها حشوة ونقفلها بدائرة ثانية ، وهكذا - نغمّس الدوائر في البيض بعدين في البقسماط ونقليها في زيت غزير . - وقت التقديم نقسمها لأنصاف دوائر ،، ملاحظة : 1- لما تستخدمي جبن كرافت الذهبية لاتحطي ملح لأن الجبنة مالحه 2- انا اضيف مع البيض نقطتين خل وشوية فلفل اسود وشوية قرفة . اقتراح : ممكن تستخدمي للتوست قطّاعة مرره صغيره بتكون ميني و حلوة في التقديم . وعوافي علي قلوبكم ي الغوالي |
| |