البارح القلب اهتدى
وجروح قلبه دانيه
كل النفوس الها مدى
من كل نفسٍ ثانيه
أنا الخبر يالمبتدا
تشرب قراحه هانيه
وانتي ترا ورد وندى
ادّرى عليك احضانيه
الليل ليله من بدا
جيتك انا والوانيه
غلاك بادي ما غدى
بالوقت يمشي ثانيه
يا غايبه عني فدا
ابغا ارتوي يا آنيه
اسمع شعوري له ندا
صوت الحنين ادمانيه
لو اعرضت عرض الردى
و ضاقت علي محانيه
ما اقول ما جيتي هُدى
اقول رب اعمانيه
فرقاك اكسيته ردأ
واصبح معاي انسانيه
كنتي دوا لو جيت دا
بعيوني انتي بانيه