وانا صغير بعمر 10 سنوات
انا بعمل الساندويشات لحالي
ولأخوي وأصحابي بمدرسة يوميا
ولما امي تمرض انا بعمل شغل البيت
من تنظيف كامل للبيت واطبخ الغدا
وفي أيام الجامعة نفس الشي اعتمد على حالي
وكنت ارتب اغراض اصحابي بخزاين
ولما يسافروا ارتب اغراضهم بحقائب السفر
ولما احد اصحابي بيمرض انا بدارية واطبخلوا
واعطيه مواعيد الدوا وفي أيام اظل سهران عندوا
لحتى يطيب
ولا في حياتي حكيت لواحد من اهلي
انه بيعملي قهوة أو شاي او اطلب منه
شي من المطبخ
أنا بحب اعملها بيدي
طبيعتي ما بحب التواكل
بحب اخدم نفسي بنفسي واخدم الي حوالي
بقدر المستطاع
والى الآن محتفظ بعادة الإعتماد على النفس
تعلمت منها أكثر ما تعلمتوا
بمدرسة والجامعة واماكن العمل
اعتبر الاعتماد على النفس عبادة
مو معقولة انك تخلي أحد يصلي عنك
او يصوم عنك ويعطي عنك
وهذا الي كان الرسول عليه الصلاة والسلام
يريد ان يوصله الينا
لما كان يصلح حذائه
ويلم الحطب
ويوقد النار
ويزور مريض
ويبذل الخير لأجل أن نتعلم
منه اسلوب الحياة
وراء كل حركة فعل من الرسول
مهما كان بسيط جدا
وراءه معجزة علميه ودينيه
وجوهر وفائدة عظيمة