احييكي علي طرحك صراحة
نايس ..

فيه مصطلحات زي الكومفورت زون وغيرها
بحس فيها نوع من الفزلكة علي العقل البشري ..

المصطلح علي فكرة تسعيناتي .. مش قديم ولا حاجة
اكيد لسا في دراسات بتشرح اكتر فيه ..
واكيد عليه دراسات نقدية ..
بس هو مصطلح عالموضة زي ما بيقولوا ..

ويمكن هو رؤية لكاتبة ولا مفكرة ايا كان توصيفها
مبني علي وصف حالة بيمر بيها ناس في وقت من حياتهم ..

انا شدني رد ابو نورة ..فيه وجهة نظر ..

الصراع اللي بيمر بيه الناس
مش متشابه ..والاولويات تختلف ..
عشان تكون حلقات بتكمل بعد ..
بتساعد ان المجتمع نفسه يكون فيه تنوع ..
وده اساس استمراريتنا في الوجود حتي الان
فيه البعض بيعيش الكومفورت زون كتوصيف من الناحية العملية
بس هو بيجاهد في منقطة تانية وهو التركيز علي نشأة اسرته
وابنائه ... شايف انه استثماره في تربية اولاده والتركيز
علي متطلباتهم وانه يلاحظ سلوكهم ويهذبه ليه اولوية
عن فكرة فك القيود عن عقله
و يشطح في ملكوت الطموح
اللي بره فكرة الأمان بتاعه
واللي قد يمثل جزء منه تهديد لاسرته علي المستوي المالي والاجتماعي
اللي هي دايما كانت اولوية في عقله
سواء مثلا مخاطرة برأس ماله .. مخاطره انه يترك وظيفته
ويطارد فكرة او حلم او شغف ..
في وقت هو يمكن مايكونش قيم مخاطره صح
مايكونش قيم امكانياته صح ... يكون اتوهم في عقليته
من محاضرات التنمية البشرية انها تلائم الواقع الجديد اللي حابب يصنعه لنفسه ..

زي ما فكرة الخروج من الكومفورت زون اظهر نماذج ناجحة كتير
فنماذج كتير اندفنت وماحدش يعرف عنها حاجة في ظل محاولتها للخروج برضه ..

مش كل شطحة بتيجي في خيال ملهم او مفكر بتناسب كل الناس ..
والا كان كل الكوكب عايش في القمر وسايبين الارض من قرون ..

من رأي
الكومفورت زون هو جزء من الحلقة اللي بتصنع النخبة للمجتمع
طفل متربي كويس .. تم الاعتناء بيه في وسط هادئ وبسيط
هو مناخ قادر انه يخرج شخص قادر انه يبدع ...
وانه ينقل المجتمع للمستوي التاني ..

ودي شئ ما ينفعش نتغاضي عنه اعتقد ..