الفصل الرابع: أنا من هناك
الرقم المجهول صار يبعت كل يوم رسالة.
“أنا كنت بتحب اللون الأصفر… ليه تركتيه؟”
“أنا كنت بخاف من العتمة… بس إنتي سكرّتي النور.”
“أنا ما رح أسامحك إذا نسيتيني أكتر من هيك.”
رند صارت تكتب على دفتر جديد، تحاول تتذكر.
كل تفصيل.
كل شخص خرج من حياتها فجأة.
كل موقف كانت تحسه “ما صار”.
وبين يوم وليلة، ظهرت وحدة جديدة قدام المرايا…
بنت تشبهها، نفس ملامحها… بس شعرها أطول، وعيونها حزينة أكتر.
قالت:
“أنا النسخة اللي دفنتيها مشان تعيشي مرتاحة…
بس إنتي؟
ما عم تعيشي… عم تراقبي.