روحٌ هادِئة و نفسٌ لاترغبُ إلا بِالسلام .

[روحَ]

يقولون أبدأ يومك بشي حلو عشان يصير اليوم كله حلو
وأنا أحب أبدأ السنة بشي حلو وإيجابي
عشان تصير السنة كلها حلوة
أهم شي تكون مشاعري إيجابية
والحمدلله مع المطر والأجواء الحلوة مشاعري إيجابية :cupidarrow:


المهم
الشي اللي ما أفهمه
شو علاقة الكريسماس ب رأس السنة
الكريسماس يكون بتاريخ 25
وهذا مناسبة دينية ولها طقوس وكذا
لكن رأس السنة شو دخله
وايش الطقوس الدينية اللي بنسويها فيه !

>> مجرد سؤال فقط

[روحَ]

بعلق ع التقييم هنا عشان تعرفون كيف أفكر
سنتك تبدأ بشهر محرم وما عليك من السنة الميلادية .. لا تزعلين بس ذي الحقيقة لانه لازم نعتز بقيمنا وثقافتنا وتاريخنا ..
اها .. يعني عشانها سنة ميلادية
والله ما فكرت إذا هجرية ولا ميلادية وما دققت
أشوفها بداية سنة جديدة وبس
>> كلن على نياته

وعلى فكرة
من يوم وأنا صغيرة
في المدرسة يكتبون التاريخ الهجري والميلادي على السبورة
يعني هم اللي عودونا على التاريخ الميلادي
>> يعني تفاهموا معاهم أنا مالي دخل

يمكن أنتوا عندكم غير مو مثلنا
بس والله ما عمري فكرت فيها ب هالطريقة
ولا فكرت أني ما أعتز بقيمنا وثقافتنا وتاريخنا




تدرون تذكرت شي
مرة حطيت صورة ل القرقيعان بمنتدى
جت وحدة سبتني وقالت أنتِ شيعية
وأنا على نياتي أقول ايش دخل الشيعة بالقرقيعان :MonTaseR_112:
طول عمري أشوف القرقيعان عادات وتقاليد وشي تراثي وكذا
حتى ف المدرسة كان في معلمات تربية إسلامية
وما عمرهم قالوا لنا لا تحتفلون بالقرقيعان وما يجوز :x12x:

المهم لا تشوفوني كأني ملاك
أو كأني أعرف كل شي بالدنيا
صح مسلمة بس مو كاملة ولا معصومة من الخطأ
وأبوي الله يرحمه كان من الناس اللي ما راح درس بجامعة وكذا
كان يروح المسجد ويحفظ ويتعلم القرآن وبس
لكن مع هذا ما كان كامل أو معصوم
نحن درسنا في المدرسة
وصار في فرق بين اللي هو تعلمه واللي نحن تعلمناه
وحتى أخواني وخواتي مو كلنا نفس التفكير
>> مرات يشوفوني متحفظة بزيادة ومعقدة ترى


المهم أحسنوا الظن وبس
وعادي لو تقولون رايكم بأي شي ما بزعل =)

>> أهم شي لحد يهاوشني :MonTaseR_203:

[روحَ]

قاعدة أشوف الرد اللي فوق
وأقول يا كثر كلامي لما أكتب في مدونتي
وفي الواقع بس كلمة وكلمتين :17:
> أسمع أكثر

وفي ناس يرتفع ضغطهم لأن يبوني أتكلم
يبون يعرفون كيف أفكر
بس مافي >> لازم أصير غامضة وأرفع الضغط :icon10:
أنا أتكلم بمزاجي ما أحب أحد يجبرني

هو بصراحة التعبير بالكتابة أسهل من الكلام
يعني الله يعينكم على فلسفتي الزايدة
> بس ترى أنتو تتابعوني أنا ما أجبر أحد :MonTaseR_159:


المهم
احفظوا أسراري لا تعلمون حد عنها :v:

[روحَ]

https://vm.tiktok.com/ZSeHKqnBy/

يتكلم عن جهاز المناعة

والله صح كلامه >> من تجربة

لا تاخذون بنادول ومضادات حيوية
لأن المناعة بتضعف
ركزوا على الغذاء اللي فيه فيتامينات ومعادن وبس

ومن تجربتي بعد
الناس اللي تعبوا من اللقاح وكورونا والأدوية
أنا جربت البقدونس ونفع >> سوو لكم سلطة بقدونس
أهم شي الاستمرار
لأني قبل وقفت ما استمريت ع البقدونس
والحين رجعت له مرة ثانية ولاحظت فرق


وبس

[روحَ]

من الكتب اللي لفتت انتباهي لما رحت المكتبة
كتاب " بروتوكولات حكماء صهيون "
مدري ليش لفتني العنوان وقلت بشتريه
أكيد فيه أشياء لازم أعرفها

اليوم ببدأ فيه إن شاء الله

>> بروح أشوف أسرار ومخططات العدو :reading:

[روحَ]

" مهما كان النص عظيماً
إذا قرأه عقل صغير سوف يصبح النص صغير"

#أدونيس

[روحَ]

أقولكم شي من خبرتي المتواضعة في هذه الحياة
ومن تجارب الناس اللي حولي ؟

غالباً اللي يتشرطون كثير
يجيهم الشي عكس شروطهم
خاصة بموضوع العلاقات والارتباط

يحطون في بالهم صفات معينة ويجيهم العكس
أو يمكن يشوفون بعض من الصفات اللي يبونها
والباقي غير

بس تكون الصفات المختلفة مناسبة لهم

ترى الله مو دايماً يعطينا الناس اللي يشبهونها
ولا اللي نحبهم
بس يعطينا الناس اللي يكونون مناسبين لنا
والشخص المناسب مو شرط يكون مثلنا يمكن يكون مختلف
سواء بالشخصية أو العمر أو الثقافة
أو الجنسية أو المستوى الإجتماعي .. وغيره
بس اختلافه ينفعنا ويضيف لنا ويرفع مستوى الوعي وهكذا ..

>> أهم شي الاستخارة بمثل هالمواضيع

والخيرة فيما اختاره الله لنا

وبس :34:

[روحَ]

كل الناس يمكن عندهم معلومات مهمة
بس مو كلهم عندهم أسلوب حلو في توصيل المعلومة
بشكل سهل ومبسط و واضح ومفهوم

الناس يختلفون وأنماطهم تختلف
يعني في نمط حسي ونمط سمعي ونمط بصري
وكل واحد فيهم يستقبل المعلومة بطريقة مختلفة
يعني لازم يكون في تنويع وابتكار في طرق الشرح

أنا الطريقة اللي أبداً ما تعجبني وأحسها مملة جداً
لما يكون أسلوب الشرح عادي وفيه جدية زايدة
كرسي وطاولة والمعلمة تتكلم وتكتب على السبورة
وكل الشرح كلام وكلام وبس
وأسلوب الكلام مو حلو ممل ويجيب النوم
والمعلومات تكون كلها ورى بعض ل درجة ما تاخذ نفس
تحشي راسنا بمعلومات كثيرة بس ما نفهم شي
ونتشتت من كثر المعلومات > يعني بس نتعب لكن ما نستفيد شي !

ودي أقولها خذي نفس واشرحي حبة حبة ليش مستعجلة !

علي بن أبي طالب رضي الله عنه قال
خاطبوا الناس على قدر عقولهم


أدري أنا مرات أكتب كلام كثير
بس ما أكتب ردود كثيرة ورى بعض
لازم أنتظر وأخذ نفس و أعطيكم مجال تفكرون بالكلام

و أحب أغير
مرة رد قصير ومرة رد طويل و هكذا
ومو طول الوقت أتفلسف

[روحَ]

الحين ليش مو مسموح لي أعدل الرد ؟
> زعلانة :دموع الورد:
ترى مرات أتذكر المقولة
وألخبط في مين هو القائل
> المهم أن الفكرة وصلت استروا على الأخطاء
حتى الأخطاء الإملائية سوو نفسكم ما شفتوها :icon10:


إدارتنا الحلوة
عدلوا ردي لو سمحتوا إذا تقدرون :خجول:

[روحَ]

علاقتي بالواتس أب صايرة مو حلوة
ما أرد على الرسائل ل فترة طويلة
>> إن شاء الله ما يحسبوني مت :28:
لأن إذا اختفيت فجأة يدورون علي يحسبون صاير شي
بس أكون مشغولة بأشياء ثانية

نظام القروبات بعد ما يعجبني
كل مرة أشارك بقروب لازم في النهاية أطلع منه
كثرة الرسائل و التنبيهات تشتت :لا بالله:

بشكل عام مواقع التواصل كلها ما أحب أشارك فيها
إلا نادراً وأكثر شي أتابع فقط
خاصة إذا كنت ضايفة أهلي وأقاربي وصديقاتي
أي كلمة أكتبها يتحسسون وعبالهم الكلام عنهم

المنتدى المكان الوحيد اللي أحب أشارك فيه :cupidarrow:

قد فكرت أخترع لغة خاصة فيني
ومحد يفهمها غيري
عشان أكتب كل شي بدفتري > أفكاري وخططي
وما أحد يفهم الكلام غيري
> أهم شي الفضوليين ما يعرفون شي :MonTaseR_56:

بعدين لو مت يجيهم انهيار عصبي
يحاولون يفهمون الكلام اللي في دفتري بس ما يقدرون
> كذا بصير غامضة صدق :in_love:

مدري كيف أخترع لغة خاصة
> جاري البحث و التفكير بالموضوع :MonTaseR_112:

[روحَ]

غيرت لون الخط
يقولون الوردي باهت ويعور العيون
هو في درجة من درجات الوردي تعجبني أكثر من هذيك الدرجة
بس مو موجودة في القائمة

خلاص اخترت هاللون
أهم شي يكون واضح وما تنعمون :MonTaseR_38:

[روحَ]

يحكى قديما أنّ أحد الحكام في الصين وضع صخرة كبيرة على طريق رئيسي فأغلقه تماما،
ووضع حارسا ليراقبها من خلف الشجرة ويخبره بردّة فعل الناس.

مرّ أول رجل وكان تاجرا كبيرا بالبلدة، فنظر إلى الصخرة باشمئزاز منتقدا من وضعها…
فدار هذا التاجر من حول الصخرة رافعا صوته قائلا:
سوف أذهب لأشكو هذا الأمر، سوف نُعَاقِب من وضعها.

ثمّ مرّ شخص آخر وكان يعمل في البناء فقام بما فعله التاجر
لكن صوته كان أقلّ علوا لإنّه أقلّ شأنا في البلاد.

ثمّ مرّ ثلاثة أصدقاء معا من الشباب الذين ما زالوا يبحثون عن هويتهم في الحياة،
وقفوا إلى جانب الصخرة وسخروا من وضع بلادهم…
ووصفوا من وضعها بالجاهل والأحمق والفوضوي ثمّ انصرفوا إلى بيوتهم.

مرّ يومان، حتى جاء فلاح عادي من الطبقة الفقيرة ورآها فلم يتكلم
وبادر إليها مُشَمِّراً عن ساعديه محاولا دفعها طالبا المساعدة ممن يمر،
فتشجّع آخرون وساعدوه فدفعوا الصخرة حتى أبعدوها عن الطريق، وبعد أن أزاح الصخرة…
وجد صندوقا حُفِرَ له مساحة تحت الأرض، في هذا الصندوق كان هناك قطع
من الذهب ورسالة مكتوب فيها: من الحاكم إلى من يزيل هذه الصخرة،
هذه مكافأة للإنسان الإيجابي المبادر لحل المشكلة بدلا من الشكوى منها.

هذه القصة الرمزية تُجَسِّدُ روح المبادرة التي تمتّع بها الفلاح،
بدلا من أن ينتقد أو يشكو، سارع إلى البحث عن الحل وبدأ في العمل،
والنتيجة؛ أنّ الله لا يضيع أجر من أحسن عملا.

[روحَ]

ما اقتنعت كثير بلون الخط
أحسه يفقع العيون
> يعني مافي حل وسط هههه

شكلي بقعد أجرب كل الألوان :MonTaseR_148:

[روحَ]

على فكرة موضوع الألوان جداً مهم عندي
و أحسه يأثر على النفسية
خاصة لون الصبغ بالمكان اللي أكون فيه

مرة أختي الصغيرة قالتلي
وش رايك نصبغ الغرفة باللون الأسود ؟

أنا استغربت
أقول شفيها ع الأسود
يعني ما لقت إلا هاللون !

فكرت يمكن نفسيتها تعبانة من الدراسة :MonTaseR_38:
> هو في حد يصبغ الغرفة باللون الأسود ! :200:

قلت لها تبيني أموت من الكآبة
مافي أسود

قالت طيب رمادي
الرمادي حلوو ومودرن

قلت لها ولا حتى الرمادي مافي يعني مافي :MonTaseR_54:

وقلت إما أبيض أو بيج ولا انسي الموضوع أحسن

أنا مُصرة على الأبيض ومابي أغير رايي
وهي مُصرة على الأسود أو الرمادي وما تبي تغير رايها

قعدنا فترة على هالحال وأنا مابي أستسلم :MonTaseR_159:

وقبل كم يوم هي من نفسها كلمتني
وقالت شوو رايك نبي نغير لون الصبغ
بنختار أبيض أو بيج
> خلاص الأخت نست موضوع الأسود والرمادي وغيرت رايها

وانتصر الأبيض على الأسود والرمادي :MonTaseR_224:

> أهم شي أني ما استسلمت :85:


بالي طويل ولازم يصير اللي أبيه يعني يصير :icon10:


~~~~


ترى اللون الأسود حلو في بعض الأشياء فقط
مثل الملابس يعني
مرات الأسود يطلع حلو وفخم وأنيق باللبس

بس لون الصبغ أسود > لا
لو استايل المنتدى أسود > لا

ما أقدر أتقبل :26:

[روحَ]

دخل طفل صغير لمحل الحلاقة

فهمس الحلاق للزبون :
هذا أغبى طفل في العالم…إنتظر وأنا أثبت لك !

وضع الحلاق دولاراً بيد و 25 سنتاً باليد الاخرى
نادى الولد وعرض عليه المبلغين
أخذ الولد ال 25 سنتاً ومشى

قال الحلاق :
وفي كل مرة يكرر نفس الامر
وعندما خرج الزبون من المحل
قابل الولد خارجاً من محل الآيس كريم
ساله :
لماذا تأخذ ال25 سنتاً كل مرة ولا تأخذ الدولار ؟

قال الولد:
لانه فى اليوم الذي آخذ فيه الدولار سوف تنتهي اللعبة..!!

الغبي فعلاً هو الذي يعامل الناس على أنهم أغبياء !

[روحَ]

أذكر مرة حضرت محاضرة
وكانوا يتكلمون عن طريقة التعامل مع الأبناء
خاصة إذا كانوا أطفال أو مراهقين

المهم
قالوا لا تكثرون نصايح

مو طول اليوم نصايح وحكم ومواعظ
افعل هذا لا تفعل هذا
اجلس أوقف اسكت تكلم ... وطول الوقت أوامر و أوامر
و نتحكم فيهم و نحركهم مثل الدمى
لأن هذا الأسلوب مُنفر وما راح يتقبلونه و راح يعاندونكم

بس قالوا
خلوكم قريبين منهم وصادقوهم
وشاركوهم اهتماماتهم واضحكوا معاهم
عشان يتقبلونكم وما ينفرون منكم
وبعدين انصحوهم لكن نصيحة وحدة أو نصيحتين في اليوم فقط

وعطوهم مجال يفهمون الكلام و يستوعبونه ويطبقونه
بعدين عطوهم نصيحة ثانية

وإذا تبون تختصرون كل هذا
ادعوا لهم وبس


بما أني الأخت الكبيرة
جربت الدعاء و شفت نتيجة أفضل من كثرة النصايح
وطبقت الكلام بأني أشاركهم اهتماماتهم وكذا
والحمدلله عايشين في هدوء وسلام


أهم شي عندي أكبر عقلي مو على أي شي تافه أسوي مشكلة
لما ناخذ المواضيع بجدية زايدة بتصير الحياة صعبة
وبنشوف المشاكل بأبسط الأشياء ..

[روحَ]

https://mrkzgulfup.com/uploads/164180389001831.jpeg (https://mrkzgulfup.com/)

يا زين الناس اللي يسهلون حياتنا 😁

> ما أحب الحلول الصعبة والمعقدة 🥺

والله لو سمعت نصايح بعض الناس أحس ودي أنتحر
استغفر الله
بس يصعبون الحياة كثير 😒

[روحَ]

العلاقات اللي يكون فيها حب تملك
ما أفهمها الصراحة
خاصة في الصداقة
كيف صداقة وفيها حب تملك وغيره !

يعني الصديقة اللي بس تبي اهتمام طول الوقت
كأنك أمها وهي البيبي
وإذا ما اهتميتي طول الوقت يعني أنتِ ما تحبينها
وأنتِ مو صديقة حقيقية ومو وفية

ما تفكر أنك تحتاجين وقت لنفسك
ووقت لأهلك ووقت لأقاربك
ووقت لأهدافك
و وقت لهمومهك ومشاكلك
وأنك مو كل مرة بتكونين موجودة

دايماً تدقق
قلتي كذا يعني تحبيني
ما قلتي كذا يعني ما تحبيني
تصرفتي هالتصرف يعني تحبيني
ما تصرفتي هالتصرف يعني ما تحبيني

> تحسين نفسك في المحكمة وقدام القاضي :دموع الورد:

و طول الوقت سوء ظن وشك

بصراحة مثل هالصديقة أحسها أنانية
وما تفكر إلا بنفسها وبس
وما عندها ثقة
وحتى لو عطيتها كل اهتمامي بعد ما راح ثق بنفسها
وما راح تشوف نفسها مهمة

أنا صديقتي لو تقولي أنها تحبني ومهتمة فيني
على طول أصدقها
وما أنتظر منها كل شوي دليل وإثبات

ومو لازم طول الوقت تكلمني
لأنها يمكن تكون مشغولة بأشياء أهم
وعندها أولويات مثل
( الأهل - الأقارب - الزوج - الأبناء - الدارسة - العمل )
وعادي يمكن ما تكلمني
بس تذكرني وتدعيلي وما تنساني

> هذا معنى الوفاء
مو أنها تكون قدامي 24 ساعة !

[روحَ]

رجعت للون الوردي :Dl3:

> مو قادرة أتقبل لون ثاني مدري ليش ! :)

[روحَ]

لفت انتباهي هالمقطع

https://youtu.be/wpb2j_Qz1A4

[روحَ]

أخيراً اخترعت لغة خاصة فيني 😁👏🏻


هذا الكلام بلغتي

+"<"+@ '") .@ ( €} @؛ +" "$


> الذكي بيعرف شنو كتبت :icon10:

[روحَ]

“الخروج من الشرنقة”

كان رجل يراقب فراشة وليدة في شرنقتها وهي تتأهب لتخرج إلى الحياة.. بعد بعض الوقت بدأت الشرنقة تشقق وينفتح جزء صغير منها..

جلس الرجل يتأمل عن كثب هذه الفراشة الوليدة وهي تحاول أن تخرج إلى النور، وكانت تجاهد بقوة محاولة إخراج جسمها الكبير من الثقب الصغير.

توقفت الفراشة فجأة عن الحركة وبدا كأنها فشلت في الخروج ويئست من المحاولة.. قرر الرجل المتعاطف مساعدة الفراشة على الخروج.

فما كان منه إلا أن أخذ يوسع الثقب، حتى أزال الغشاء الذي كان يحول بين الفراشة وبين الخروج إلى الحياة..
وبسهولة خرجت الفراشة إلى الحياة بعد تفتيت الغشاء، لكنها بدت ضعيفة ومرهقة؛

كان جسمها هزيلاً وأجنحتها لا تقوى على حملها.. ظل الرجل يراقب الفراشة باهتمام متوقعاً أن تبسط جناحيها الضعيفين وتتأقلم مع الجو وتطير..

لكن شيئاً من هذا لم يحدث، فلم تقوّ الفراشة على الطيران والتأقلم، وبدأت تزحف بجسمها الهزيل وجناحيها الضعيفين، ولم تتمكن من التحليق في الآفاق.

ما لم يدركه هذا الرجل الطيب العطوف الذي أراد مساعدة الفراشة بإخراجها إلى النور بسرعة، هو أنه حرم الفراشة من المعاناة
ومن بذل الجهد اللازمين لإكساب جناحيها قوة تؤهّلها للطيران ومواجهة الحياة، عندما تتمكن من اختراق شرنقتها والخروج إلى العالم الواسع بعد جهد جهيد.

“الإعاقة الحقيقية هي عدم القدرة على تخطي المعوّقات؛ فلن نتمكن من الطيران والتغلب على الصعاب إلا إذا اشتدت أجنحتنا وقوي عودنا وعانينا أشد المعاناة”.


> ب هالطريقة يصير الإنسان اتكالي
لما يساعدونه بالأشياء اللي لازم يسويها بنفسه

المهم
يعجبني المثل اللي يقول
" لا تعطني سمكة بل علمني كيف أصطادها "

[روحَ]

مرة أخوي سألنا سؤال
قال لو صار حريق فالبيت شنو أول شي بتسونه ؟
تعرفون شو لازم تسوون ؟

كلهم قالوا بنهرب
لما سمعتهم شكلي صار كذا > :200:

أنا أول شي فكرت فيه أني أنقذ أختي الصغيرة
لأنها تخاف بمثل هالمواقف و ما تعرف تتصرف
وأنا بمثل هالمواقف ردة فعلي تكون هادية مدري ليش !
أصير هادية وأفكر كيف أتصرف

فكرت يمكن ما تقدر تهرب وتنقذ نفسها
وفكرت أطفي الحريق
مدري كيف كنت بسوي هالشي بس هذا اللي خطر ف بالي


والله اكتشفت نفسي من هالسؤال
طلعت أختي الصغيرة مهمة صدق مو بس كلام :MonTaseR_72:
> أهم شي ما قلت بهرب :icon10:

المهم
آخر شي أخوي قال كلكم غلط
أول شي روحوا عند كيبل الكهربا وطفوه بالكامل
عشان ما ينفجر البيت :26:

ما كنت أعرف هالمعلومة
بس زين علمنا شي مفيد :2:

[روحَ]

في كتاب حلو فيه قصص
عنوانه " زيارات ليلية "
لـ الكاتب عبد الوهاب السيد الرفاعي

أكثر قصة عجبتني هي أول قصة وعنوانها ( زيارات ليلية )

شوفوا هذا الكلام عن القصة

" فتاة تظهر باستمرار في أحلام شاب فماذا تريد يترى ما هو السر حولها ؟؟؟
أكثر شيء أعجبني في القصة هي المعلومات الجميلة و القيمة التي تحتويها
و أيضا التطرق لموضوع العنف الأسري و عجز الضحية عن مساعدة نفسها
و تأثير ذلك العنف على نفسية الشخص"


جداً عجبتني هالقصة
وفيها سر
وفيها كلام عن الأحلام
وعن ظاهرة الخروج من الجسد ..

اللي يحبون الظواهر الخارقة بتعجبهم


وهذا اقتباس

https://up4net.com/uploads4/up4net.com164244210802251.jpeg (https://up4net.com/)

[روحَ]

الحين ليش محد فهم لغتي ؟
ترى سهلة جداً

بس حولت الحروف لرموز
و اعتمدت على الرموز اللي ف الجوال

يعني مثلاً
حرف الألف = +

بس ما أقدر أغششكم أكثر من كذا :icon10:

اعتمدوا على نفسكم :26:

[روحَ]

https://youtu.be/mjJWfs0_A2o

أكثر وحدة أحب سوالفها وتضحكني :icon10:

وجهة نظرها في اللبس نفس وجهة نظري
> ما أحب اللبس المقطع :26:

[روحَ]

الحين ودي أعرف ليش دايماً يقولون الجمال مو مهم
خاصة إذا شافوا وحدة جميلة !
وعلى طول يحاولون يدورون على عيب
يعني يقولون هي جميلة بس فيها كذا وكذا
يذكرون صفات سلبية يمكن ما تكون فيها
وأكثر صفة يلصقونها بالجميلة هي صفة الغرور

أنا شخصياً شفت ناس جميلين
مع هذا متواضعين ومافيهم غرور أبداً
بس يمكن لأنهم متحفظين و مو أي حد يكلمونه
أو انتقائين ويختارون اللي قريبين من تفكيرهم فقط
هذا مو غرور هذا شي عادي وحرية شخصية

المهم
الواقع يقول العكس
الجمال مهم وكل الناس يهتمون للجمال
بس المقاييس تختلف
اللي نشوفه جميل غيرنا يشوفه عادي والعكس

يعني معقولة في حد بيختار شخص مو شايفه جميل !
> لا تحاولون تقنعوني ترى ما أصدق

[روحَ]

من الأشياء اللي ما أفهمها
ليش بعض الناس عبالهم أننا مخلوقين عشان نرضيهم !
نحن مو مخلوقين عشان نرضي أحد
بس نسوي الشي اللي يعجبنا ويريحنا

ممكن نراعي الناس مرة ولا مرتين من باب الذوق
لكن إذا زودوها بنسحب عليهم

لأن صعب الإنسان يكون عكس نفسه
عشان يرضي الناس
ف النهاية بيرجع لطبعه و ما راح يستمر

أحلى شي العفوية والتلقائية
ولما الإنسان يظهر ردود أفعاله وانفعالاته مثل ما هي
يضحك أو يحزن أو يعصب عادي
لأنه إنسان وهذا الشي طبيعي
ليش لازم يتصنع !

اللي مو عاجبهم اي شخص
لازم يتحكمون بنفسهم وما يتابعونه من الأساس !

[روحَ]

عاد أنا اليوم قررت أعصب
بدون سبب
> بكيفي محد له دخل 😡


ابعدوا عني ولا بتوحش عليكم :MonTaseR_56:

[روحَ]

https://encrypted-tbn0.gstatic.com/images?q=tbn:ANd9GcT8joNfTflzIdKvkly17UIkQG8Er4sCG 6uKb0-klDfCbMtQ_DHs&s
بالضبط 😂✌🏻

[روحَ]

بعض الوجوه جميلة حتى في عتابها
وبعض الوجوه مريبه حتى في ابتسامتها،
الجمال ينبع من أعماق النفوس
لا علاقه له بتقاسيم الوجه ..


^ هذا اللي أقصده لما أتكلم عن الجمال
مو نفس اللي فهمتوه :19:
أدري فهمتوني غلط تحسبوني مدري :MonTaseR_68:
> أقرأ أفكاركم ترى :icon10:

[روحَ]

الحين اللي عندهم موهبة الكتابة
ليش ما يستفيدون منها
ويكتبون قصص أو روايات هادفة
يعني يتكلمون عن الأشياء اللي ما تعجبهم في المجتمع
والمشاكل والقضايا ويحطون لها حلول
يعجبني أسلوب القصص والروايات في النصيحة
يكون فيها حكم وعبر ومعلومات مهمة

المهم
يقدرون يوصلون أفكارهم للناس ب هالطريقة
لأن الروايات لها متابعين كثير
دايماً أشوف عدد المشاهدات على الروايات بالملايين

المشكلة أن بعض الناس
إذا اشترينا رواية وطلعت تافهة يقولون ايش هذا ترى تافهة
طيب شو نسوي هذا الموجود

حتى بالشعر و الخواطر تقدرون توصلون أفكاركم
يعني مو شرط تكون كلها عن الحب و الفراق والحزن

و بس
حبيت أقول رأيي فقط
و طبعاً في النهاية بكيفكم

[روحَ]

طبعاً كلامي للناس اللي عندهم موهبة كتابة القصص والروايات
وعندهم خيال واسع ويقدرون يخترعون شخصيات

و اللي ما عندهم أفكار لقصص أو روايات
تقدرون تطلبون من الناس يرسلون لكم قصصهم
بدون ذكر الاسم > يرسلونها على الإيميل مثلاً
وتكتبون قصصهم ب أسلوبكم
وتنشرونها وتوصلون تجاربهم للناس
و دايماً أي شي يكون من تجربة يكون مؤثر أكثر
لأن يكون فيه احساس وشعور يوصل للقارئ بسرعة

وتقدرون تكتبون عن تجارب مريتوا فيها
وأشياء تعلمتوا منها وهكذا ..

وكل ما كان الأسلوب بسيط
والكلمات واضحة والمعاني مفهومة يكون أفضل
لأن الناس ما يحبون التعقيدات
يعني ما راح يكون لهم خلق يبحثون عن معاني الكلمات الصعبة

وطبعاً لازم يكون العنوان حلو ويعبر عن المحتوى
والغلاف جذاب
لأن هذا أول شي راح يلفت الانتباه
ويأثر على العقل الباطن ويجبرنا نشتري الكتاب أو الرواية

وبس

ننتظر إبداعاتكم :الحلا ذبحني:

عاد إذا صرتوا مشاهير وعالميين
لا تغترون وتشوفون نفسكم علينا :icon10:

[روحَ]

ما نفعله بحب يحيا طويلاً
طويلاً أكثر بكثير من أعمارنا ..

[روحَ]

هذه القصة تحكي عن امرأة كانت تصنع الخبز لأسرتها وكل يوم تصنع رغيف لعابر سبيل جائع، وتضع الرغيف الاضافي على شرفة النافذة ليأخذه اي فقير يمر


وفي كل يوم كان يمر رجل فقير أحدب يأخذ الرغيف وبدلا من إظهار ..امتنانه لأهل البيت كان يدمدم بالقول .. الشر الذي تقدمه يبقى معك، والخير الذي تقدمه يعود إليك وبقي الاحدب كل يوم يمر ويدمدم بنفس الكلام ..


الشر الذي تقدمه يبقى معك، والخير الذي تقدمه يعود اليك! .. المرأة العجوز شعرت بالاستفزاز .. لان الرجل لم يظهر العرفان لها .. وفي احدى الايام مر هذا الاحدب وهو يردد جملته الشهيرة فقالت المرأة ماذا يقصد بذلك .؟؟


وفي احدى الايام ضمرت العجوز بنفسها وقررت ان تتخلص منه عن طريق اضافة بعض السمّ إلى رغيف الخبز الذي صنعته له وكانت على وشك وضعه على النافذة ، لكن بدأت يداها في الارتجاف ”ما هذا الذي أفعله .. قالت لنفسها فورا وهي تلقي بالرغيف ليحترق في النار، ثم قامت بصنع رغيف خبز آخر ووضعته على النافذة.


وكما هي العادة جاء الأحدب واخذ الرغيف وهو يدمدم ” الشر الذي تقدمه يبقى معك، والخير الذي تقدمه يعود إليك وانصرف إلى سبيله وهو غير مدرك للصراع المستعر في عقل المرأة .



كانت العجوز كل يوم تصنع فيه الخبز كانت تقوم بالدعاء لولدها الذي غاب بعيدا وطويلا بحثا عن مستقبله ولسنوات عديدة لم تصلها أي أنباء عنه وكانت دائمة الدعاء بعودته لها سالما .. وفي ذلك اليوم الذي تخلصت فيه من رغيف الخبز المسموم دق باب البيت مساء وحينما فتحته وجدت لدهشتها ابنها واقفا بالباب ..

كان شاحبا متعبا وملابسه شبه ممزقة، وكان جائعا .. ومرهقا وبمجرد رؤيته لأمه قال ” إنها لمعجزة وجودي هنا ..على مسافة أميال من هنا كنت مجهدا ومتعبا وأشعر بالإعياء..لدرجة الانهيار في الطريق وكدت أن أموت لولا مرور رجل أحدب ..بي رجوته أن يعطيني أي طعام معه، وكان الرجل طيبا بالقدر

الذي أعطاني فيه رغيف خبز كامل لأكله!! وأثناء إعطاءه لي قال أن هذا هو طعامه كل يوم واليوم سيعطيه لي لأن حاجتي اكبر كثيرا من حاجته..


وما ان سمعت الام كلام ولدها خرت على الارض من الانهيار والخوف فتذكرت رغيف الخبز المسموم الذي صنعته للاحدب فصدمت ان هذا الرغيف كان لولدها الذي غاب عنها سنوات .. فعلمت لحظتها ما قصده الاحدب ..وان الشر الذي تقدمه يبقى معك، والخير الذي تقدمه يعود إليك

[روحَ]

الحين مو يقولون وجه المرأة عورة
طيب ليش هم نفسهم يحطون صور ومقاطع
و فيها وجه المرأة مكشوف ؟!
خلوكم من الوجه مرات مو بس الوجه حتى الشعر ظاهر

تدرون ليش ؟
لأن الإنسان ينسى
وعادي يعرف الغلط ومع هذا يغلط
و لأنه مو معصوم

عشان كذا اللي منتبه يذكر اللي مو منتبه
بدون ما يهاوشه
لأن أكيد لو حد عاملكم بنفس الأسلوب
وعصب عليكم ما راح يعجبكم

وبس

[روحَ]

اشتري لحبيبك دبدوب واحشيه مخدرات
وإذا تركك بلغي عنه
إلى متى أجلس أعلمكم ؟

^
^
هذي حتى إبليس ما يقدر عليها :icon10:

[روحَ]

دايماً اللي يتفلسفون بدون تجربة
بعد التجربة يغيرون كلامهم

نفس اللي ما تكون متزوجة وما عندها أطفال
وتتفلسف وتسوي نفسها يعني أنها القوية اللي تقدر تسوي كل شي وحدها
وما تحتاج شغالة والمرأة لازم تخدم زوجها وعيالها
آخر شي بعد التجربة تغير كلامها وتقول تعبت أبي شغالة تساعدني

جربوا معاناة الأمهات أول بعدين تفلسفوا
خاصة في هالزمن لما الوحدة تعيش في بيت بروحها مع زوجها وأطفالها

المهم
من أمس بنت أختي عندي
لأن أمها تعبت تبي إجازة يوم واحد فقط وترتاح شوي
قلت لها مو مشكلة خليها عندي

والله من أمس ما قدرت أسوي شي لنفسي ولا عرفت أنام زين
عشان لازم أنتبه عليها وما تصير كارثة

خواتي وحدة منهم تدرس وتذاكر صعب تنتبه عليها معاي
والثانية معلمة ومشغولة بالتحضير والتدريس
والشغالة مشغولة بشغل البيت

مافي إلا أنا مع لولو الصغيرة
وهي ما شاء الله عليها حركية
طول الوقت تلعب وتتحرك و تجنني
مع هذا ما زلت محافظة على هدوئي ما عصبت حتى الآن

طفلة وحدة و ماخذة كل وقتي .. كيف لو أكثر !

الزبدة
كونوا واقعيين
واتركوا عالم الخيال والأحلام :MonTaseR_166:

ترى الكلام الي تقولونه الحين بكرة راح تغيرونه :MonTaseR_31:

وبس

>> باااي بروح أنومها :MonTaseR_70:

[روحَ]

الثقل مو بطريقة الرد أو تأخيره ،
الثقل ثقل العين اللي ما يمليها أي أحد
والقلب اللي ما يهزه من هب ودب ..

[روحَ]

أمس الشغالة عطتني علبة صابون
وقالت حق شنو هذا ؟
قلت لها أنه حق تنظيف الغسالة
وكنت أبي أفتح العلبة
عشان أوريها الكمية اللي لازم تحطها

بس ما قدرت أفتح العلبة
حاطين صمغ قوي
والشغالة تشوفني وتضحك
وتقولي أنا بفتحها >> تحسبني ضعيفة ودلوعة
بس ترى ماله دخل لأن صدق الصمغ كان قوي

بعدين انتبهت أنه مكتوب على العلبة " افتح هنا "
طلعت الطريقة سهلة وأنا مصعبة حياتي :19:

أنا حاولت أفتحها بالطريقة العادية يعني من فوق
لأن عقلي متبرمج على الطريقة القديمة والعادية
ما فكرت أنه ممكن تكون في طريقة سهلة
وما ركزت في الكلام اللي على العلبة

الزبدة من الكلام اللي فوق
هذا اللي يصير لما تكون عقولنا مبرمجة على الأفكار القديمة
نمشي على الطرق القديمة ونصعب حياتنا
مع أنه ممكن نبتكر طرق جديدة وتسهل حياتنا :2:

أنا أشكر المبتكرين اللي يسهلون حياتنا :MonTaseR_222:
لأن في أشياء ما تستاهل نضيع عليها وقت وجهد:MonTaseR_112:

[روحَ]

لولو الصغيرة راحت
والحين أفتقدها 🥺
دايماً كذا
إذا كانت موجودة و أزعجتني وطلعت لي قرون
أقول خلاص تعبت روحي عند ماما
وإذا غابت أفتقدها بسرعة البرق 🥲💔

لاحظت أني أفتقد
اللي يزعجوني
واللي يكونون نشبة
واللي أتضارب معاهم
يعني أحبهم وما أحبهم مدري كيف
>> انفصام هههه

أنتو مثلي ولا أروح أتعالج ؟ :icon10:

[روحَ]

مرت سيدة مع طفلتها الصغيرة على شاحنة محشورة في أحد الأنفاق ورجال الإطفاء والشرطة حولها
عاجزين عن إخراجها من النفق بعد أن جربوا عشرات الطرق والوسائل لحل تلك المشكلة !!

فقالت الطفلة لأمها : أنا أعرف كيف يمكن تخرج الشاحنة من النفق !
فرد الام : هل يعقل أيتها العبقريه أنك قادره عن إيجاد الحل الذي عجز عنه كل الإطفائيين ورجال الشرطة !!
ثم تقدمت ولم تكلف نفسها سماع فكرة طفلتها .

اقتربت الطفلة باتجاه ضابط المطافئ وقالت له : سيدي أفرغوا بعض الهواء من عجلات الشاحنة وستمر.
ثم تابعت سيرها مع الأم .
وفعلا بعد أن تم إفراغ بعض هواء عجلات الشاحنة مرت وانحلت المشكلة .

ترى كم من موهبة وأدت وكم من عقليه احبطت؟ وكم من أفكار عظيمة حقرت ؟
فلنجرب أن ننصت لصغارنا قليلاً ونحيط أفكارهم بالرعاية والاهتمام ..

[روحَ]

أقولكم سر عن اللقاح ؟

مرة حلمت أن اللقاح مضر ويسبب أمراض
وكنت فالحلم أبي أحذر وحدة من البنات
وأقولها لا تاخذين اللقاح لأنه مضر

بس طنشت الحلم لأني فكرت أني يمكن أكون مسوسة :24:
حسبته مو صدق
و بعد اللي شفته وسمعته عن أضرار اللقاح
وبعد تجربتي تأكدت أنه صدق مضر
وحتى اللي أعرفهم ما صار فيهم كورونا إلا بعد ما خذوا اللقاح


الحين مابي آخذ الجرعة الثالثة
وإن شاء الله محد يجبرنا :26:

[روحَ]

حلو لما الإنسان يختبر قدراته قبل ما يسوي أي شي
عشان ما يبلش نفسه ويحمل نفسه مسؤوليات يمكن ما يقدر يتحملها

عندي قناعة
اللي ما يقدر يهتم بنبتة أو حيوان أليف
ما راح يقدر يهتم بطفل

لأن النبتة تحتاج أنك تفهمها وتعرف احتياجتها
وتعطيها الاهتمام اللي يناسبها

ونفس الشي الحيوان الأليف لازم تفهمه أول عشان تهتم فيه
لأن لو تهتم فيه بدون خبرة يمكن تسوي شي غلط و تقتله

وبس

[روحَ]

بصراحة مدري ليش شايلين هم كبير
ويفكرون إذا المرأة بتخدم زوجها أو لا !
أشوف الموضوع ما يستحق النقاش حتى

لأن إيش دخلهم في بنات الناس كل وحدة حرة بنفسها !
وفي النهاية كل وحدة بتاخذ نصيبها واللي تستحقه

الواحد لازم يركز على نفسه ويكون صالح أول
والله بيرزقه بوحدة تهتم فيه وتراعيه وتصبر عليه

وإذا طلع من نصيبه العكس يمكن يكون ابتلاء
ولازم يصبر وكل شي له حكمة

التفكير بمثل هالمواضيع وإعطائها فوق حجمها
أشوفه تضيع وقت فقط وفيه سوء ظن

في أمور أهم في الحياة تستحق أننا نفكر فيها ..

[روحَ]

تدرون أني أحب الجدات جداً
بس ما عندي جدة
بس لو عندي كنت أتمنى تكون الجدة اللي تحكيلي قصص

عشان كذا قررت أخترع جدة في خيالي
صار عندي جدة أسطورية خيالية من اختراعي

وكل مرة أشتري كتاب قصص
وأقرأ قصة قبل النوم وأتخيل أن جدتي هي اللي تحكي القصة
> أهم شي أسوي اللي أبيه بأي طريقة حتى لو بالخيال :ياعبيط:

وحتى عندي جد أسطوري وخيالي
متخيلة شخصيته وكل شي

مرات أفكر وأقول يمكن في نفسهم بالواقع
يعني يمكن خيالي يصير حقيقة
وأشوف نفس الشخصيات اللي اخترعتها بالواقع

أحس عادي تصير
مرة في وحدة رسمت صورة لشخص مو حقيقي
وبعدين شافت نفس الشخص بالواقع ويشبهه

سبحان الله !

[روحَ]

العلاقات بين الناس مثل العلاقات بين السيارات
لازم نترك مسافة عشان ما تصير حوادث و كوارث

على فكرة
ترى اللي ما يعرفون يسوقون
و متهورين وعندهم مخالفات كثيرة

أحسهم حتى بحياتهم بشكل عام متهورين
و في قراراتهم متهورين

و حتى لما يصرفون الفلوس مسرفين ومبذرين
لأنهم ما يفكرون بالعواقب

[روحَ]

أنا وصلت لقناعة لو شنو تسوي المرأة بيقولون
المرأة فتنة وعورة

حتى لو متغطية بالكامل وما يبين منها ولا شي
بيطلع لنا شخص يقول جذبتني لأن جمالها غامض ومستور
يعني بعضهم مالهم حل وما راح يغضون بصرهم

أنا لازم أهاجر و أروح كوكب زمردة 🙂

مرات أقول بصبغ لوني أسود أحسن
بس أذكر مرة حطيت مناكير لونه أسود مع أني ما أحب المناكير
أتنرفز أحس كأنه في شي لاصق على أظافري وما أكون مرتاحة

المهم أنه كان أسود يعني مافي ألوان
مع هذا وحدة من البنات شافته واليوم الثاني قلدتني

يعني لو أصبغ لوني أسود عادي يصير موضة :1:

المشكلة أصلاً ما أشوف هذا الجمال اللي يشوفونه
أنا أشوف كل شي أسويه عادي مو واو وأحس أنه لازم يكون أحلى

ف النهاية
أهم شي عندي أسوي الشي اللي يريحني
يعني عشان نفسي مو عشان الناس

مثلاً لو يجيني شخص يقول أحب الشعر الطويل
أروح أطوله ؟!
مو بكيفه لأن يمكن أنا ما أحب الشعر الطويل
أصلاً ما أدري منو قرر أنه حلوو
ترى مو شرط لأن القصة تكون على حسب اللي يناسبك
يعني ماله دخل > سوو الشي اللي يناسبكم وبس

والله هذي حرية شخصية محد له دخل وبكيفي :سكر:

يعني مو معقولة بأبسط التفاصيل يتدخلون ويتحكمون !

>> ترى حتى هم ما يرضون نتدخل بأي شي يخصهم ويعاندون :MonTaseR_212:

عشان كذا بعاند ولن أستسلم :ياعبيط:

[روحَ]

تدرون أني زعلت وقلت خلاص بشيل أغراضي
وأروح مكان ثاني
بس رجعت لأن وصلتني رسالة من المنتدى ع الايميل
وكان فيها تنبيه لرسالة خاصة
وكانت من وهم الذكريات > يازين اللي يفقدوني :blushing:

المهم سجلت بمنتدى ثاني > من قوة الزعل هههه
اخترته كذا من البحث
وسبحان الله حتى هناك طلع في ناس أعرفهم
> كشفتهم ما يقدرون يخبون شي عني :icon10:
وما أحس أنها صدفة !
بس يمكن ما يعرفوني لأني غيرت الاسم واللهجة
> أحسن بحرق أعصابهم ههههه :b090:

بس أحس أسلوبي نفسه وصعب أغيره
يعني أكيد بنكشف :MonTaseR_112:

ترى حتى لما سجلت بمسك الغلا
ما كنت أعرفه من قبل وما وصلتني دعوة
ولما سجلت اكتشفت أنه في ناس أعرفهم
سبحان الله مدري كيف اخترته من بين كل المنتديات !

الحين خلاص لما تزعلوني بروح هناك أنور لهم المنتدى
وأوفر عليهم فاتورة الكهربا
ولما هم يزعلوني بجي عندكم تراضوني .. وهكذا
> النظام نظام :35:


واللي يدلعوني ويهتمون فيني أكثر بحبهم أكثر شي وبقعد معاهم
خلاص الحين ما أهتم بالكلام بس أصدق الأفعال

> ترى أمزح بس يمكن أسويها جد ما تدرون :x59:

[روحَ]

أنا اليوم استوعبت أني عايشة في قوقعة
لأن تصير أحداث ومدري عنها إلا متأخر
يعني تخيلوا القصف اللي صار ف الإمارات
ما دريت عنه إلا متأخر
لأن ما أشغل التلفزيون إلا نادراً وما أتابع شي عليه و يزعجني صوته
أكثر شي أشوف الأخبار على مواقع التواصل
وما أحبه يكون مشتغل طول الوقت
بس من فترة ما تابعت مواقع التواصل عشان كذا مدري
أمس بس مريت ع السناب وشفت حد كاتب الله يحفظ الإمارات
قلت ليش شنوو صار وبعدين عرفت عن القصف > صباح الخير 😩

والحين عرفت منكم عن الطفل ريان
ورحت أشوف الأخبار بتويتر 🥺

الله يحفظه ويحميه وإن شاء الله يطلعونه بسرعة
ويرجع لأهله بالسلامة يارب 🤍🤍

[روحَ]

كنت متأملة ومتوقعة يطلع وهو حي ويصير بخير
وفرحت لما قالوا طلعوه وهو حي لكن قدر الله وما شاء فعل
الحمدلله على كل حال
الله يرحمه ويصبر أهله

ملامح الأم تحكي
ترى مهما يسوون الأم والأب
ما يقدرون ينتبهون على أطفالهم طول الوقت ويحمونهم من كل شي
الله الحافظ اللي يحفظهم ويحميهم من كل شي

أهم شي استودعوا الله أولادكم وأنفسكم والناس اللي تحبونهم
ولا توسوسون وتخافون بزيادة وتتوقعون الشر
لأن الوسوسة فيها سوء ظن

ف النهاية
و العبرة من هالقصة
" إذا استعنت فاستعن بالله ،
واعلم أن الأمـة لـو اجـتمـعـت عـلى أن يـنـفـعـوك بشيء
لم يـنـفـعـوك إلا بشيء قـد كـتـبـه الله لك،
وإن اجتمعـوا عـلى أن يـضـروك بشيء
لـم يـضـروك إلا بشيء قـد كـتـبـه الله عـلـيـك "

[روحَ]

نادراً أشوف عدد الزوار

اليوم انتبهت للعدد
الذين يشاهدون محتوى الموضوع الآن : 53 ( الأعضاء 1 والزوار 52)

الحين هذا الرقم صدقي ولا أشباح
> بسم الله علي أرعبتوا قلبي :crying:

ترى أنا مقررة ما أكتب كثير
لأن أدري في ناس يدرسون وناس عندهم مشاغل وهكذا
ما أبيهم ينشغلون بمتابعتي
ترى أهم شي الدراسة والعمل ومستقبلكم المشرق

يعني روحوا ذاكروا :MonTaseR_112:


حتى أنا مثلكم وراي مذاكرة ومشاغل وإلتزامات :eiwp:

[روحَ]

ترى الناس دايماً يتعاملون مع حقيقتك
ما يتعاملون مع القناع
يعني لما تظهرون لهم الطيب وتخفون العداوة
ما راح يحبونكم
يعني بتشوفون منهم عدواة ما بتشوفون حب

ل هالسبب في ناس ما أتقبلهم
لأن أحس ب مشاعرهم السلبية وكذبهم ونفاقهم
مع أن غيرهم عادي أتقبلهم وأموري طيبة معاهم لأنهم صادقين

ترى مو مجبورين تمثلون علينا الطيبة
نحن نحس ونعرف منو يحبنا ومنو يكرهنا
واللي يكرهنا لأنه عاجز أنه يفهمنا لأن نحن فوق استيعابه
ل هالسبب يتنرفز من أبسط تصرف نسويه وطول الوقت انتقادات
لماذا أنتم كذا ؟ ولماذا تفعلون كذا ؟!
طبعاً أكيد راح تسألون مثل هالأسئلة وما تعرفون السبب
لأن نظرتكم سطحية مافيها تعمق

ونصيحة لا تتسرعون وتحللون وتفسرون تصرفات الناس على كيفكم
لأن راح تسيئون الظن وسوء الظن إثم

وكونوا حقيقين إذا تبون الناس يحبونكم
لا تنافقونهم وتظهرون الطيبة وأنتم كارهين

[روحَ]

اكتشفت أني لما أقعد مع ناس عندهم نفس اهتماماتي
أتطور بسرعة > أهم شي يكونون طيبين ويحبون يعلمونك
المهم
خلال كم يوم فقط تعلمت أشياء عن الرسم ما كنت أعرفها
وحتى رسمت لوحة وطلعت أعرف والله
يعني مو صعب بس الموضوع يحتاج تكرار وممارسة

وحتى تعلمت التطريز
وطلع سهل مو صعب ومع التكرار والتعود يصير أسهل

ولاحظت أن التطريز يساعد كثير على الهدوء والتركيز
ويصير ذهني صافي ونفسيتي حلوة وحتى نومي صار أفضل
مو نفس قبل كل شوي أصحى

بصراحة أنصحكم تجربون
خاصة اللي يحبون الأعمال اليدوية =)

[روحَ]

علقت على موضوع ووصلني طلب صداقة من العضو
استغربت الصراحة
ترى لما نعلق على الموضوع هذا راينا بالموضوع
يعني ماله دخل بصاحب الموضوع
يمكن يكون شين أصلاً ومو عاجبنا
عشان كذا لا تتحمسون وترسلون طلب صداقة
ترى محد صديقي

وآخر شي يقولون البنات عاطفيات !

ترى أنا مو أي حد يعلق على مشاركاتي
أو يرسل تقييم أفكره ميت علي

سلامات يعني محور الكون ولا ملكة جمال الكون
عشان أحسب كل الناس ميتين علي

ترى التعليق أشوفه تعليق فقط
وحتى التقييم
وحتى صباح الخير
أشوفها تحية فقط لا أكثر ولا أقل

وأصلاً كلكم ما تؤمنون بالصداقة بين الجنسين
عشان كذا اقعدوا ساكتين وبس :26:

[روحَ]

أختي الصغيرة تقول
صديقتك اللي تهاوشك هذي صدقيها
لأنها تحبك صدق

عكس اللي تقولك كلام حلو طول الوقت
لا تصدقينها هذي عدوتك

مدري صح كلامها ولا
بس الظاهر عندها نظرة أختي

بصراحة مرات تبهرني بحكمتها الزايدة فالحياة
وأحس نفسي بريئة قدامها
مع أن عمرها نص عمري بس أحس كأنها عجوز
أو كأنها أمي وأنا بنتها وتعاتبني وتعيش الدور كأنها أمي

بس عادي أتقبل منها أي شي وكل شي
حتى الأشياء اللي ما أتقبلها من غيرها هي عادي أتقبلها منها
عندها واسطة قوية
أنا أسميها مدير كبير لأنها مسيطرة وذكية

مرات تقرأ أفكاري
وأقولها كيف عرفتي يالجنية
حتى مرات لما أحط باسوورد لجهازي تعرفه
مهكرة عقلي مو بس جنية :icon10:

[روحَ]

كلام أختي أحس أنه صح
و ينطبق على بعض الناس
لكن مو كلهم كذا
بس اللي يكونون سريعي الغضب
لأنهم لما يهتمون يعصبون بسرعة ويهاوشون
ويكون أسلوبهم دفش

> طبعاً ما أتحمل هالأسلوب :19:

وأختي كذا سريعة الغضب سريعة الرضى
ل هالسبب تقول اللي تهاوش يعني تحبك
تحسب الناس يعبرون ويهتمون بنفس طريقتها

عكس طبعي
بطيئة الغضب وسريعة الرضى
قبل ما أعصب أكون استحملت كثيير
بس محد يدري
أنا أشوف اللي يستحملك كثير
ويسامح بسرعة ويصبر عليك يعني يحبك

الناس يختلفون بأطباعهم

مرة قرأت بكتاب " عندما التقيت عمر بن الخطاب "
أتوقع كان للكاتب أدهم الشرقاوي
المهم في بداية الكتاب كان مكتوب كلام عن اختلاف الأطباع
وردود الأفعال وكذا ..

[روحَ]

https://www13.0zz0.com/2022/02/14/16/125868634.jpeg (https://www.0zz0.com)

هذا الورد للناس اللي محد عطاهم وجه
ولا حد جاب لهم ورد وما عندهم حد يهديهم

اشمعنى هم يحتفلون وتوصلهم هدايا وأنتو لا
ما أبي حد يزعل :blushing:


ترى أمزح لا تصدقون بس :icon10:

هذا الورد خذناه لأختي مع هدية
وبالصدفة كان قبل يوم الحب
وأختي الصغيرة اختارت الورد الأحمر
كان في غيره
بس بصراحة هذا كان أحلى شي
واتفقنا عليه وعجبنا :blushing:

وأما التصوير
هذا تصويري الفنان :85:

وأما البيانو اللي داخل بالموضوع
هذا بيانو أختي الصغيرة
اللي كانت تبيه من زمان
وأنا معارضة لأني مابي إزعاج
وآخر شي سوت اللي ف راسها واشترته
نادراً تعزف عليه بس حاطينه كذا ديكور

المهم
أذكر واحنا صغار في مثل هذا اليوم
أنا وقريبتي نتفق مع بعض
ونلبس أسود عشان نخرب على المحبين
مدري ليش !
أهم شي نصير عكسهم مو مثلهم
بس كذا عناد :icon10:

ومن يومها وصاير حظي شين :MonTaseR_38: :30:

> شكله من الأسود اللي كنت ألبسه
وأخرب عليهم :138:

[روحَ]

أنا اكتشفت أني ما أحط صور من تصويري
إلا نادراً
طيب ليش في قسم تصوير بالمنتدى !
> مو عشان نطلع إبداعاتنا :MonTaseR_178:

أحب أشوف تصوير غيري وإبداعاتهم
ما شاء الله بعضهم فنانين ولقطاتهم مميزة وخطيرة

نموا موهبتكم في التصوير أنا أشجعكم :خجول:

ترى في صور تقدرون تستفيدون منها
وتبيعوها
لأن في مواقع مخصصة لـ هالشي
ويحتاجون الصور ويستخدمونها في التصاميم

استمروا وما عليكم من المحبطين
ما يقدرون الفن والإبداع
آخر شي إذا احتاجوا صور
يروحون قوقل ويسرقون صوركم
ولا يدورون مصورين محترفين عشان يتصورون

والمحترف ما يصير محترف إلا لما يجرب
ويصور كثير ويغلط ويعدل أغلاطه
ب هالطريقة ينمي موهبة التصوير

وبس :MonTaseR_222:

[روحَ]

من أصدق ما قيل في قصف الجبهات :

‏لا تحاول إرشادي الى طريق ‏الصواب
لأنك لو كنت تمشي فيه كان ما لقيتني ☺

[روحَ]

صباح الخير :ah11:

كل يوم أصحى الصبح
وأسوي لنفسي فطور خبزة وجبنة
من كثر الغرور و التكبر اللي فيني 😌

عاد اليوم قلت لنفسي كفاكِ غرور
قومي تواضعي قليلاً وسوي لنفسك بانكيك
وقررت أسوي بانكيك 😋

وهذي النتيجة


‏https://www4.0zz0.com/2022/02/15/10/223454901.png (https://www.0zz0.com)
صورة من بعيد 😊✨


https://www9.0zz0.com/2022/02/15/10/395051739.png (https://www.0zz0.com)
صورة من قريب لتدقيق والتأمل 😍😋

> متعوب على التزين ترى 🥰


لو انتوا دقيقين مثلي
بتلاحظون أنها مو دائرية جاية ملخبطة شوي
لكن عادي أصلاً منو قرر أنها لازم تكون دائرية !
بالعكس حلو لما نسوي الأشياء بطريقتنا الخاصة
> تسلك لنفسها هههه



كان ودي أنزل الصور مع الطريقة بقسم الطبخ
لكن استخدمت الخليط الجاهز
ما أحب أتعب نفسي > لازم أختصر 😁


لو كنتوا أصدقائي كنت عزمتكم
لكن لأنكم شريرين وتزعلوني سألتهمها وحدي


وترى آخر مرة أسوي بانكيك
> حرقت إصبعي وأنا أسويها 😭😭💔

[روحَ]

مساء الخير
كيف حالكم ؟؟

تصدقون لكم وحشة
حتى زواري الجميلين فقدتهم :110:

أنا كنت مختفية لأن قاعدة أنمي مواهبي وأتعلم وكذا :الحلا ذبحني:

من فترة وأنا أحاول أرسم وردة وكل مرة أخبص وأعيد الرسم
لأن ما عندي خبرة بالألوان المائية ولاشي بس أجرب :دموع الورد:


و هالوردة أحبها ل هالسبب قررت أرسمها =)

واليوم الحمدلله أخيراً ضبطت


وهذي النتيجة
‏http://g-lk.com/up/do.php?img=11992 (http://g-lk.com/up/)

من زمان أحس بداخلي فنانة صغيرة تبي طلع
بس محد مصدقني :MonTaseR_112:
لكن مو مشكلة أهم شي أنا أعرف نفسي وهذا الأهم :blushing:

لو حد يعلمني الرسم
متأكدة برسم لوحات خرافية :ياعبيط:

[روحَ]

أحب أقعد مع الناس اللي يعرفون كيف يستمتعون بالأشياء
ويقدرون كل شي وكل النعم اللي موجودة الحين
مو إذا راحت يتندمون ويتحسفون عليها
الحين عرفت ليش كنت أحس بملل
المشكلة مو في الأشياء
المشكلة في الناس اللي فقدوا روحهم
ما أعرف أقعد مع أموات الصراحة

لما غيرت الناس والمكان صرت أحس بسعادة
وأستانس بكل شي أسويه
لأنهم مو كئيبين ويعرفون كيف يعيشون اللحظة
وكيف يفرحون بالموجود ويتأقلمون مع كل شي


الله يبعد عنا الكآبة :icon10:

[روحَ]

http://g-lk.com/up/do.php?img=12079 (http://g-lk.com/up/)

شايفين كيف التطور السريع
فرق بين الرسمة الأولى وبين هذي الرسمة

حبيت الألوان المائية ورسم الورود
أستمتع وأنا أرسم
من زمان ودي أرسم ورود وأحط الرسمة في برواز
وأعلقها في غرفتي :رحيق:
أحب لما أسوي لنفسي شي بدياتي :سكر:

[روحَ]

ستدرِك في وقتٍ متأخّـر منَ الحيَاة أنَّ معْظم المعارك الّتي خضتَها
لمْ تكُن سوى أحداث هامشيّة أشغَلتك عـَن حياتِك الحقيقِية.

‏- غازي القصيبي

-------


السلام عليكم :MonTaseR_25:

صباحكم ورد :MonTaseR_222:

الحين أنا غبت و رجعت
ولين الحين أشوف نقاشات عن النسويات والذكورين ! :MonTaseR_210:
حسبتكم خلاص حليتوا مشاكلكم وتصالحتوا :icon10: !

هذا أكبر دليل على أن بعض النقاشات
ما منها فايدة وما تحل المشاكل بس تزيدها
يعني تضيع وقت وبس :23:

[روحَ]

فرق كبير بين شخص أعجب بك وشخص أحبك ،
الأول سيحدث الجميع عن جمالك والثاني سيقتل من يتحدث عنك ..!


^ أنا اقتنعت .. أما أنتو مدري عنكم :MonTaseR_31:

[روحَ]

https://up6.cc/2022/07/165684866520591.jpeg

الصورة عميقة ... لكن لمن يفهم فقط

[روحَ]

مرة سمعت مقطع يتكلم عن " كتلة الألم "

الموضوع يقول أن اللي عاشوا حياتهم في ألم
خاصة ف الماضي
يحسون بالملل إذا اختفى الألم وما يرتاحون
إلا لما يصير شي يسبب لهم ألم
ويكون مرتبط بألم قديم
يعني شي يستفزهم ويذكرهم بألم قديم عاشوه من قبل

و لا إرادياً يصيرون يدورن على الألم ف كل شي
في العلاقات وفي الشغل وف كل مكان
ويسوون مشكلة من ولا شي بس عشان يحسون بالراحة

ل هالسبب في ناس يحبون الشخص اللي يعذبهم
ويسبب لهم ألم واللي يتضاربون معاه

وإذا زعل واختفى يفقدونه ويقولون ليش راح
ونحن ما سوينا شي ويحزنون وما ينسون بسهولة
ويرجعون يعيشون في ألم وهكذا
حياتهم كلها تكون في دائرة الألم


يمكن ما ينطبق ع الكل لكن الأغلب كذا

إلا الشخص الواعي واللي فاهم شنو قاعد يصير معاه

[روحَ]

مساء الخير :icon10:

كل عام وأنتم بخير وعيدكم مبارك
وإن شاء الله تكون أيامكم كلها أفراح وأعياد :MonTaseR_7:

[روحَ]

https://up6.cc/2022/07/165756970195651.jpeg

[روحَ]

تدرون إني مدري ليش رجعت أشارك
مع أني كنت زعلانة من بعض الناس
وما كنت ناوية أرجع أشارك

بس دايماً أراقب شعوري لما أكون بأي مكان
إذا حسيت بشعور سلبي أمشي
وإذا حسيت بشعور إيجابي أقعد

عشان كذا مشيت قبل :MonTaseR_103:

بس هالمرة لما رجعت
حسيت بطاقة إيجابية وانشراح
ما أعرف شنو السبب !
وحتى اللي كنت أتضايق منهم
خلاص ما صاروا يضايقوني وعادي =)

هو مدري في حد كان يتذكرني
ولا نسيتوني !
اثنين بس اللي سألوا عني .. وأشكرهم :MonTaseR_2:

> شكلكم تكابرون وما تبون تعترفون :icon10:

كنت أفكر يمكن عشان تذكرتوني رجعت لكم :MonTaseR_112:


ترى عندي حدس خارق للطبيعة وكذا :MonTaseR_212:

[روحَ]

المفروض أن العلاقات تُبنى
على الصدق والصراحة
مو على الكذب والمجاملة !

يعني لما الواحد يحب الجمال
المفروض يختار وحدة جميلة
مو يقول أهم شي الأخلاق ومو مهم الجمال
ترى عادي في بنات خلوقات وجميلات بنفس الوقت

طبعاً أهم شي تكون جميلة بعينه
لأن الجمال له مقاييس مختلفة

ولما يختار الجميلة خلاص ما راح يهتم لغيرها
بس لو يختار وحدة مو شايفها جميلة
يمكن بعدين يندم ويتحسر
ويمكن يضعف لما يشوف الجمال ويمكن يخونها
حتى لو كانت خلوقة .. والأمثلة والقصص كثيرة ..

يعني ماله داعي للتظاهر بالمثالية
من البداية كونوا على حقيقتهم
وقولوا الصراحة واظهروا رغباتكم الحقيقية
واطلبوا اللي تبونه من الله وكونوا واثقين
أنه راح يجيكم اللي تبونه
لا تكتمون وبعدين تعيشون مكبوتين وتنحرفون ..


وبس والله .. هذا رايي =)

[روحَ]

"- هل هناك طريقة لقول "اغرب عن وجهي" بلباقة؟
- نورك ساطعٌ كالشمس، وما أجمل غروبك."



^ هذي أنا لما أبي أسب
بس أدبي يمنعني وكذا :icon10:

[روحَ]

بعض النهايات تكون واضحة من البداية
مثلاً
قصة الفنانة شرين
شفت لها مقابلة مرة وكانت تتكلم عن حسام
من كلامها توقعت أن نهاية علاقتهم بتكون سيئة
وصدق كانت نهاية سيئة ومدمرة لها

المشكلة أن هي عاطفية وتصدق بسرعة
يعني حتى لو الناس حذروها منه ما بتصدقهم
وبتحسب أنهم يحسدونها ويغارون منها
مدري على شنو نحسدها
على واحد نرجسي ونصاب !

ترى نحن اللي خارج الدائرة دايماً نشوف كل شي واضح
بس هي لأنها داخل الدائرة ما تشوف شي
وعيونها معمية وتحسب أن هذا الحب وأنها خلاص بتعيش في جنة
و ف النهاية كله وهم وبس ..

إذا تبون نصيحتي
اشتروا كتاب " عقدك النفسية سجنك الأبدي "
روعة لأن فيه كلام عن الشخصية النرجسية
وكثير معلومات مهمة ومفيدة ..
أو تقدرون تتابعون حساب الكاتب ع الانستا
اسم الكاتب / د . يوسف الحسني

[روحَ]

^ ترى أنا بس اشتريت الكتاب
لكن حسابه ما تابعته بصراحة
بس أعرف أن عنده حساب
انستقرامي فيه مشكلة
مو راضي يسجل دخول من فترة كذا :69:

[روحَ]

https://up6.cc/2022/07/165853451734841.png

من زمان ما رحت البحر
ما أحب أروح إلا بأيام البرد > عكس الناس

أحب طاقة الماء

و أكثر شي أحبه ف البحر لما الأمواج تكون قوية
وتضرب الصخور وتحطمها ..

أستانس إذا شفت هالمشهد
مدري ليش !

[روحَ]

موضوع النقاش اللي عن الولد
ذكرني بقصة شفتها من زمان
مب نفس القصة غير شوي
بس تتكلم عن أسلوب التعامل ف مرحلة الطفولة
وكيف يأثر على الشخص لما يكبر


كان في شخص
عاش طفولة قاسية
لأن أمه كانت تعامله بقسوة
حتى لما يطيح ويتعور وينزف ما كانت تسوي له شي
بس تقوله قوم أوقف بنفسك واعتمد على نفسك وصير قوي
ما كانت تعطف عليه ولا تعامله بحنية
هي عبالها ب هالطريقة بتخليه يصير رجال وقوي وناجح !

لما كبر صار مثل ما تبي
صار معتمد على نفسه وناجح ف شغله
بس صار كأنه روبوت أهم شي عنده العمل وبس
يعني ما كان عايش حياته صح

حتى صار جامد وجدي جداً
ما يضحك ولا يبتسم ولا شي كأنه رجل آلي مو إنسان

وصار عنده كره للنساء وخوف
ويحسب كلهم قاسيات

مع أن هو أصلاً كان طيب وزين
بس ما يظهر هالشي
بس يظهر أنه جامد وقاسي وجدي


المهم
ف النهاية تغير ورجع إنسان طبيعي
يضحك وعادي يتصرف بشكل طبيعي ما صار روبوت

لأن البطلة في القصة كانت عكس أمه مب قاسية
مع أن في البداية كان يصير سوء تفاهم بينهم
بسبب كرهه للنساء ويحسبها شريرة


طبعاً هنا يمكن تكون الأم تربت على معتقدات خاطئة
وتحسب أن هذي هي طريقة التعامل الصحيحة
يعني ما بقعد أتكلم عن الأم وألومها
وكأنه ف النهاية صلح علاقته ف أمه > ما أذكر التفاصيل




^

هالقصة أنا ما كنت أعرفها

بس في وحدة كل مرة تشوفني تضحك
ولما سألتها ليش
قالت تذكريني بشخصية بمسلسل

جاني فضول أعرف مين هالشخصية
وطلعت صدق تشبهني :24:

[روحَ]

ما تلاحظون أن في سالفة منتشرة هالأيام
وخاصة عند الشباب

طول الوقت يقول لبنت الناس أنا أخوك وأنا أخوك
وإذا تركته وراحت يقعد يصيح ويقول ليش تركتني
أنا كنت أحبها > ويتقطع عشان ترجع


يالنفسية
مو أنت اللي طول الوقت تقولها أنا أخوك
يعني شو كنت منتظر منها مثلاً !
تخترق عقلك وتعرف شنو فيه وتجي تخطبك !
> هذا اللي ناقص بس :icon10:

لا تصير منفصم ومزدوج ونفسية
من البداية كون واضح واترك التلاعب
ترى المتلاعب ف النهاية محد بيصدقه
وكل الناس بيتركونه
أو أنهم بيلعبون عليه مثل ما يلعب عليهم
وأحسن يستاهل :x37:

[روحَ]

ذهب احدهم الى عالم دين مشهور بالحكمة والتجربه
يشتكي ويقول :
حين أعجبت بزوجتي ، كانت في نظري كأن الله لم يخلق مثلها في العالم !..
ولما خطبتها : رأيت الكثيرين مثلها
ولما تزوجتها : رأيت الكثيرين أجمل منها
فلما مضت بضعة أعوام على زواجنا رأيت أن : كلُّ النَسَاءِ أحْلَى مِنْ زَوجَتِي !،
فقال الحكيم : أفأخبرك بما هو أدهى من ذلك وأمرّ ؟!

قال الرجل : بلى ! فقال الحكيم : ولو أنك تزوجت كل نساء العالمين ..
لرأيتَ الكلاب الضالة في شوارع المناطق الشعبية؛أجمل من كلّ نساء العالمين !!،
قال الرجل: لماذا تقول ذلك ؟فقال الحكيم : لأن المشكلة ليست في زوجتك!
المشكلة أن الإنسان إذا أوتي قلباً طمّاعاً، وبصراً زائغاً، وخلا من الحياء من الله ؛
فإنه لا يمكن أن يملأ عينه إلا تراب مقبرته ..،يا رجل !
مشكلتك أنك لا تغضّ بصرك عما حرّم الله.
أتريد شيئاً ترجع به امرأتك إلى سالف عهدها (أجمل نساء العالم) ؟؟
قال الرجل : نعم ..
فقال الحكيم : اغضض بصرك ..


^
المشكلة حتى غض البصر فاهمينه غلط

ترى عادي يكون الشخص مفتح عيونه
مع هذا غاض بصره
والثاني عيونه مغمضة مع هذا ما يغض بصره
وتفكيره شين
حتى لو الوحدة متغطية تكون نظرته لها مو زينه
وتخيلاته قليلة أدب

يعني المشكلة في العقل مو في العيون

[روحَ]

https://up6.cc/2022/07/165901575277781.png

عجبني المنظر
بس هذا من تصوير أخوي الكبير
مو تصويري

[روحَ]

مرات تحسبين نفسك خسرتي
بس ف النهاية تكتشفين أنك ربحتي
وبعد مب أي ربح
إلا ربح كبير وفوق توقعاتك


حلو هالشعور
وعلى نياتكم ترزقون =)

[روحَ]

مسابقة التصوير
ما كان في بالي أني أشارك فيها
بس لقاء الأرواح أرسلت لي ع الخاص
وهي قالت لي شاركي
وقررت أشارك

والصور كلها مصورتها من زمان
مافي ولا صورة جديدة
بس قلت بشارك فيها وأشوف

وبصراحة تفاجأت بالردود
ما توقعت أشوف كل هالردود الحلوة !

لأني أحب التصوير يكون احترافي
و خرافي وخطير
وهذا التصوير بالجوال

المهم
شكراً للجميع :31:

[روحَ]

مرات أحس بعض الناس متناقضين
لو يشوفون حد شكله متغير
يتنمرون عليه
وينتقدونه بالوجه وقدام الناس
بلا احساس ولا مشاعر

وإذا عرفوا أنه مريض بمرض خطير
مثل مرضى السرطان
فجأة يتغير أسلوبهم وتتغير ردة فعلهم
ويصيرون يتعاطفون معاه وما ينتقدون شكله

أبي أفهم الحين شنو الفرق !
مو هو إنسان في الحالتين
ولازم ما نضايقه ولا نأذيه بالتنمر
خاصة إذا ما ضايقنا ولا تنمر علينا !
> و إذا ضايقنا عادي لأنه يستاهل :26:

المهم
هذا التعاطف كذبي ومو حقيقي
ومحد يحتاج لمثل هالتعاطف
وترى يدل على عقلية تافهة وسطحية
ما تتعمق ف الناس ولا تحاول تفهم ظروفهم وتعرف حالتهم

واللي مثل كذا أحسن يعيشون وحدهم
لأنهم يعاملون الناس كأنهم دمى
وكأنهم لازم يصيرون كاملين ومثاليين طول الوقت
وعلى ذوقهم و مزاجهم
ما يبونهم يتعبون ولا يمرضون ولا يتغيرون
يبونهم مثل الوردة البلاستيكية اللي مافيها روح

ترى الأسواق مليانة دمى
روحوا اشتروا الدمية اللي تعجبكم
وحطوها قدام عينكم واعبدوا جمالها
أو اصنعوا لنفسكم دمية على ذوقكم
وفكوا الناس من شركم !

وأصلاً الأشياء الجميلة مو كاملة
بس نحن لما نحب الشي ونتقبله نشوفه كامل ..

وبس


وخذوا هذا الكف :l: < البعض ما يفهم إلا بالتكفيخ

[روحَ]

هالفترة لما جاء المطر لاحظت شي
طبعاً من قبل ملاحظة أني أتحسس من الغبار كثير

بس الحين انتبهت لهواء المكيف
لما جاء المطر حسيت بفرق كبير
وصار الهواء أفضل وحتى شعوري غير
وأحسن من قبل
يعني حسيت براحة أكثر

ولا قبل المطر ماكنت أحس كذا
وطلع كله من هواء المكيف المغبر
وترى حتى لو نظفنا المكيف مافي فرق كبير
بعد أحس الهواء مغبر ومو نظيف

لازم الهواء اللي برى يتغير ويصير نظيف
يعني أنا ما أقدر أتنفس صح
إلا لما يجي المطر وينظف الهواء من الغبار


الحين اللي مثل حالتي وين يعيشون بالضبط !

أحس مافي هواء نظيف و كل مكان ملوث :19:

[روحَ]

بعض الناس قلق الصراحة
كنت نايمة بعمق وصحيت فجأة
لأن وصلتني مشاعر سلبية
يعني في ناس يذكروني ومشاعرهم سلبية
المشكلة أن قرون استشعاري قوية وبسرعة أتضايق وأتنرفز


المهم كنت بقول شي

وجودنا في حياة بعض الناس مجرد تذكير فقط
عشان نذكرهم برغباتهم الدفينة
يعني مثلاً شخص يبي ينجح بس مع هذا مهمل
وكسلان وما يذاكر
ودايماً يقول بينه وبين نفسه
أنا كسلان لازم أشد حيلي وأذاكر عشان أنجح
راح يسمع نفس الكلام من الناس اللي حوله
و بيقولون له
أنت كسلان لازم تذاكر ولا ترى ما بتنجح وبتصير فاشل

طبعاً راح يستفزه هالكلام جداً

بس ركزوا على الرسالة و الكلام اللي يستفزكم
واتركوا الشخص اللي ذكركم
لأن هو بس جاي للتذكير فقط

الكلام المستفز يكون صح
أكثر من الكلام اللي يعجبكم واللي يكون فيه مدح
مو كل الناس يمدحون بصدق بعضهم يجامل
ركزوا على الكلام المستفز واشتغوا على نفسكم
ولما تنجحون بتلاحظون أنه خلاص محد صار يستفزكم ..

[روحَ]

بصيرة الإنسان إحساسه الداخلي..
‏إن المرء يشعر بكل شي في أعماقه
‏يشعر بمن توقف عن حبه
‏ويشعر أيضًا بمن ينتظر منه كلمه.
‏وأعتقد أن الشخص ممكن أن تصل إليه الإجابة
من غير أن يسأل، والسبب أنه يشعر بأعماقه..


^ البعض ينكرون لما أقولهم عن شعوري
بس متأكدة في النهاية هم بنفسهم
راح يثبتون لي أن شعوري صادق
وهم اللي كذابين

[روحَ]

https://up6.cc/2022/08/166057250491851.png

الأجواء الآن من نافذة الغرفة :icon10:

على حظنا الأسبوع كله بيكون في أمطار
> مستانسة :35:

[روحَ]

https://up6.cc/2022/08/166091419383291.png

ما أقدر أشوف الورد وما أشتري



https://up6.cc/2022/08/166091419386062.png

خذت هذي
> الوردي وراي بكل مكان :icon10:

[روحَ]

من الأشياء اللي تعجبني لما أسافر

مثل هالمناظر الحلوة

https://mrkzgulfup.com/uploads/166117776796821.png

هذا تصويري وأنا على الأرض





https://mrkzgulfup.com/uploads/166117776799122.png

وهذا تصويري لنفس المكان بس من فوق






https://mrkzgulfup.com/uploads/166117776801213.png

https://mrkzgulfup.com/uploads/166117776803514.png

حلو الشعور لما تكونين فوق بين السماء والأرض

بصراحة وناسة
كثير أشياء كان بخاطري أجربها
وجربتها كلها ب هالسفرة
مع أني ما كنت مخططة وما أعرف شي عن هالدولة
وما كان في بالي أسافر لها

أصلاً ما أحب أعرف شي قبل ما أروح
أحب أروح وأعيش التجربة وأكتشف كل شي بنفسي =)

[روحَ]

ودي أشوف نفسي وأنا أتكلم كثير
بس ولا مرة صارت
مع أن عقلي يكون فيه زحمة كلام
بس آخر شي ما أقول كل شي !
> عكس الكتابة

المهم
ع الواتس
يرسلون لي فويس نوت مدته دقيقة أو دقيقتين
وأرد عليهم بثواني فقط
و أحس كلامهم طويل لكن مكرر
يعيدون نفس السالفة أكثر من مرة
وأنا أختصر وأرد رد قصير كأني مستعجلة
وما يكون قصدي أضايق حد بس كذا طبعي

أصلا أفهم ومو لازم يعيدون الكلام
وبعضهم من أشوف التنبيه أعرف شنو يبون يقولون
بدون ما أفتح المقطع لأن خلاص تعودت

أحس الفويس نوت لازم ما يكون أكثر من دقيقة !

[روحَ]

قبل كم يوم كنت أقول
ودي أطير وأروح عند لولو الصغيرة
لأنها مسافرة وفقدتها

وصار هالشي بس فالحلم
حسيت كأني سافرت سفر روحي
كنت مع لولو الصغيرة بمكان جميل جداً
وكله مناظر حلوة وخيالية
وكنا نتمشى مع بعض وكل شوي نشوف منظر أحلى
وأجمل من اللي قبله
وشفت الغيوم من قريب بعد
وكان شكلها حلو وكأنها نفس القطن

استانست وكانت رحلة حلوة
وأحلى شي أن الشعور كأنه حقيقي مو حلم

> أفكر أسافر سفر روحي مرة ثانية

[روحَ]

من زمان ما صار أكشن ف بيتنا
واليوم فجأة الشغالة اختفت !🙂

وما ندري وين راحت
كلنا مستغربين
لأنها زينة وتسوي الشغل زين
ونحن بعد ما نضايقها
يعني لو تبي شي عادي تقول

والله توترت بقوة لما قالوا اختفت
أخاف صار لها شي مو زين
أو حد لعب عليها وخدعها أو شي 🥲

حتى ما سرقت ولا شي قبل ما تروح
وهي من قبل ما تسرق ولا تاخذ شي مو لها
مع أني مرات أحط الفلوس بأي مكان وعادي
بس ما تشيلها
وحتى الذهب بدولاب ملابسي في صندوق
ومافي عليه قفل ولا شي
بس ما سرقت
وكنت واثقة أنها مو حرامية وما بتسرق
وطلع ظني صح 👍🏻

بس مستغربة
يعني شنو ممكن يكون السبب ؟
وليش طلعت بدون ما تقول !

[روحَ]

https://up6.cc/2022/09/166260149869991.png

" رب خير لم تنله كان شراً لو أتاك "

فعلاً في أشياء نحسبها خير
وتكون شر =)

[روحَ]

حلمت ف الشغالة اليوم
أعوذ بالله خوفتني ف الحلم
سألتها وين رحتي وليش طلعتي !
مدري شنو كانت تقول
بس حسيتها مو طبيعية
كأنها تبي تأذيني
وحسيت بشعور مو زين

> شكلي بقفل الأبواب طول اليوم
ما أبيها ترجع

وأذكر شفت حلم ثاني قبل هذا
بس من فترة طويلة و أمس جاء في بالي
كانت ف الحلم تقول كلام مو مفهوم وتتصرف بغرابة
نفس الناس اللي يسوون طقوس غريبة وكذا
بس طنشت الحلم بوقتها وقلت بحسن الظن

الظاهر فيها شر وأنا على نياتي
هي بالظاهر أشوفها تصلي وتصوم وتقرأ القرآن وعادي
وما تضايقنا بشي
ل هالسبب ما أحب أسيء الظن
وأقول عادي الله بيحفظني لو في شي


أنا وخواتي الحين حاسين براحة عجيبة
بعد ما راحت
وكأن بيتنا تحفه الملائكة
وما ندري ليش !
شغالة أختي موجودة بعد بس هي عادي
هذيك بس اللي لما راحت ارتحنا


الظاهر فيها شر وأنا على نياتي
هي بالظاهر أشوفها تصلي وتصوم وتقرأ القرآن وعادي
وما تضايقنا بشي
ل هالسبب ما أحب أسيء الظن
وأقول عادي الله بيحفظني لو في شي

> فيني فضول أعرف شنو السر !

[روحَ]

تصويري

https://up6.cc/2022/09/166263976467591.png

https://up6.cc/2022/09/166263976469492.png

https://up6.cc/2022/09/166263976471093.png

حصان البحر شكله زعلان
مدري منو زعله :MonTaseR_38:

[روحَ]

توني أنتبه أن في كلام تكرر
في الرد اللي فوق
شكله صار نسخ ولصق بالغلط :MonTaseR_112:

[روحَ]

تعجبني البساطة وأحب البسطاء
مثل ما أحب الفخامة والناس اللي ذوقهم فخم

و أكره اللي يتصنعون البساطة
وكل شوي يحاولون يثبتون لنا أنهم بسطاء ومتواضعين
بس عشان الناس يقولون عنهم أنهم بسطاء
مع أن أصلاً فيهم كبر

طيب خلاص صدقنا أنكم بسطاء لا تبكون :26:

[روحَ]

https://up6.cc/2022/09/166275933117751.png

:MonTaseR_112:

[روحَ]

حبيت هالمكان
كأننا داخل غابة
أحب مثل هالأجواء :icon10::نبض:

كنت بنزل الصور بموضوع بس مشوار
أنقلها للاب وأحط الحقوق وسالفة طويلة
> تحب تختصر

https://up6.cc/2022/09/166281687947291.png

https://up6.cc/2022/09/166281687949642.png

https://up6.cc/2022/09/166281687951723.png

https://up6.cc/2022/09/166281687953454.png

https://up6.cc/2022/09/1662816879555.png

https://up6.cc/2022/09/166281710449381.png

وبس
يازين الطبيعة :MonTaseR_169:

[روحَ]

يااااهـ المكان جميل جميل جميل جدا والله .. ليتك وضحتيلنا فين ذا المكان

شكراً هذا من ذوقك 😊

هذا المكان في السفاري ب تايلاند

حلو نجلس في قارب و هو نفس اللعبة
ونروح في جولة كأننا داخل غابة

الكائنات مو حقيقية كلها مجسمات
بس النباتات حقيقية

استمتعنا فالمكان بصراحة ويناسب العائلات 👍🏻