الدُّر المكنون .

[دُرة]

-

لاتنسون تصلون الوتر قبل ترقدون
وتدعون بكل اللي بقلبكم
وتذكروا ان الله قريب دايم
وان يحبكم وبيختار لكم دايم
الافضل والاحسن بكل شي بدنيتكم
احبكم اصدقائي
نآيتي:MonTaseR_74:

[دُرة]

-

قد يكون ما تشعر به
يشعر بك :Dl3:

[دُرة]

-

https://j.top4top.io/p_23016olkf0.jpeg

[دُرة]

-

:67:

" رسالة قبل النوم "

في كل مرة ودك تنام فيها
تذكر ان اسوء ايامك مرت
وان الحياه تمر بحزن وفرح
وان الياي كله افراح باذن الله
وتذكر ان اللي فاتك مو لك
وتذكر ان قلبك الصغير
اللي ممتلي بزحمة امنياتك
الله وحده يقدر يحققها
عشان كذا حط راسك على وسادتك
وانت مرتاح ولاتنسى انك شخص
رائع وطيب في كثير نعم حولك
ممكن نسيت انك تحمد ربك عليها
وان في كثير ناس يحبونك يتريونك
باجر تقعد وتعطيهم لو شوي من وقتك

نآيتي:MonTaseR_74:

[دُرة]

-


https://i.top4top.io/p_2302asfde1.jpeg

[دُرة]

-

اليوم بفطر في بيت ربيعتي
عطيتها الاكلات اللي احبها كلها
احد قالها تعزمني :icon10:
الحين لازم ارقد شوي من فجر الله صحيييت
يلا انا اختفيت :دانه:

[دُرة]

-

الا القلب
اذا زعل القلب ما يسامح . !

[دُرة]

-

واذا مرت الذكرى على بالك في بداية فراق اي شخص بحياتك
ابكي كثير على كل الذكريات
وحاول تخبي الذكرى الحلوه واللي تضحك لبعدين
حاول تشبع عيونك وقلبك من البكى والحزن
عشان اذا مرت عليك الذكرى مره ثانيه بعد اعوام
تبقى تضحك كثير وتذكر الاشياء الحلوه بس
اما البكى مفروض وقتها انك اكتفيت منه
لان البكى عقب مده طويله صعب
ترا البكى عيب لو كان بعد البطى
" تعلم انك تضحك بعد اعوام من الذكرى" . .

[دُرة]

-

للحين احس اني صغيره على هالفرقى
وللحين احس ان قلبي ماتصالح مع جروحه ..

[دُرة]

-

بس الاكيد ان العمر مره
وان الاشياء اللي مرتنا مره بعمرنا بتبقى مره
ولا راح تنعاد مره ثانيه بس الاهم من هذا كله
ان قلب الشخص لازم يشعر ان الشي اللي لمسه
وحس به مستحيل ان يحس فيه مره ثانيه حتى لو كان
مع نفس الشخص بالمختصر لان العمر مره ومثل ماقلت لكم
كل شي فيه راح يبقى مره وحدة بس .

عشان جي سامح الفرقى لانها مره
وراحت بخيرها وشرها..

[دُرة]

-

احس اني كثير تفلسفت
يلا سامحوني :x30:

عموما اللي يبا يصلي القيام يكون مستعد
ويجهز ادعيته كلها ولا تنسون الالحاح بالدعاء
وباذن الله ربي بيستجيب كل ادعيتكم

يلا انا اختفيت :x38:

[دُرة]

-

ههههه ترا الفلسفه تزيد مع الايام وتندم على كلامك

شكرا رايق الرايق :x30:

[دُرة]

-

كنت اخاف من شي يستوي واستوى
الغريب اني للحين احس اني خايفه
لا يستوي رغم ان استوى وخلص !

[دُرة]

-

القلب الحنون ماعاد حنون . . !

[دُرة]

-

لازم تتقبلون النهايات
عشان تحبون الحياه وتحبكم . .

[دُرة]

-

يا رب اكتب لي عمره قريبه
احتاج مكه . .

[دُرة]

-

كل البيت اجازه الا انا عندي دوام
تعرفون الشعور الي احس فيه طبعا ؟! :دانه:

[دُرة]

" اخخخ بس … والله اسوأ شعور يوم اشوفهم نايمين وانا فيني نوم وجالس اتجهز للدوام ههههههه عوافي عوافي"


- هههههههههه
بضبط يا رايق تروح عنهم وهم سهرانين وانت بترقد
وتقوم وهم راقدين اسوء من كده مفيشش :دانه:

الله يعافيك :رحيق:

[دُرة]

-

لو ما نحسب دوام باجر يصير باقي لي 4 ايام دوام
ولو ما نحسب يوم الجمعه بما ان نص يوم يصير باقيلي 3
وتبدا اجازه العيد .. احاول اطلع الطاقه الايجابيه قد ما اقدر :x30:
يلا نايتي :MonTaseR_74:

[دُرة]

https://g.top4top.io/p_2306k4pcn0.jpeg

[دُرة]

-

اليوم يفوز بأسوء يوم بحياتي:دموع الورد:
انا تعبانه وكنت ناويه ما ادوام وقلت في نفسي
يلا ماعليه مابقى شي وتبدا اجازت العيد
المهم قمت من النوم ورحت الدوام وانا مافيني حيييل :13:
وانا في الدرب فجاه الدريول وقف السياره ع جنب وقال ماتشتغل
كيييف! وليشش مادري اتصلت ع اخوي يمرني وطبعا السياره طفت نهائيا
طبعا شو صار المكيف سكر وصيف بوظبي ورطوبتها واو مافي احلى منها + رمضان + تاخرت ع الدوام
يعني جي ولا جي ماستفدت لو انا نايمه في البيت كان ابرك وارحم بما اني تعبانه
المهم على بالكم اليوم السيء خلص؟ لالا وصلني اخوي الدوام وافتح الايميل انصدمت
ان دوامنا ماراح يكون فيه اجازه للعيد غير 3 ايام العيد فقط رغم ان الدولة كلها اجازه اسبوع كامل
" للابد القطاع الخاص عدو السعادة "

وبس والله انا حاليا اشعر اني ما اشعر بشي
بس اللي اعرفه ان لازم يمر هاليوم بسرعه وافتك منه لان تعكر مزاجي فيه
وكان يوم متعب جدا جدا جدا

" يوميات فتاة منحوسه " :دانه:

[دُرة]

-

اليوم ليلة 27 :نبض::نبض::نبض:
لاتنسون صلاة القيام وادعوا كل اللي بقلبكم رتبوا ادعيتكم
وحتى لو كان بسيط الدعاء تأكدوا ان الله يسمعكم
- الله يفرج همومنا ويسعد قلوبنا ويسهل امورنا
ويزين دنيتنا واخرتنا
- ويفرحنا ودايم ويبعد الحزن من قلوبنا
- ويحقق كل امانيتنا ويشفي جميع مرضانا ومرضى المسلمين
ويرحم جميع موتانا وموتى المسلمين
ويقبل دعائنا يا رب يا رب يا رب

وأكثروا من قول
"اللهم انك عفوًا تحب العفو فأعفو عنا"

[دُرة]

- ياحيي ياقيوم برحمتك استغيث اصلح لي شاني كله
ولاتكلني لنفسي طرفة عين فلاحول ولاقوة لي الا بك :نبض:

[دُرة]

-

باقي ساعتين تفصلنا عن الذهاب
للمكان اللي ما احبه :x38:
نايتي:MonTaseR_70:

[دُرة]

-

باقي ساعتين تفصلنا عن الذهاب
للمكان اللي ما احبه :x38:
نايتي:montaser_70:


صباح الخير
خلصت الساعتين وانا ماشبعت نوم
ودي اسحب يوم الجمعه مع الخميس
ابي اجازه خلاص :دانه:

[دُرة]

-

اخيرا طلت علينا شمس الجمعه
يلا هانت باقي كم ساعه وتبدا الاجازه
تدرون اكثر شعور احتاجه اني انام وبسس
اما بخصوص العيد احس اني للحين ماني
جاهزه للعيد ولا فعاليته الا اذا عطوني عيديه قبل العيد بيوم
ممكن اكون جاهزه وحماسي عالي :x38: ..

[دُرة]

-

اهلي كانوا بعد العيد بيسافرون لكني صدمتهم بخبر
دوامي ان الاجازه فقط 3 ايام العيد
وشكلها الرحله بتتأجل امي وايد متعاطفه وياي
بخصوص اجازتي وصار في ضغط من حكومة بيتنا ان السفره
تتأجل لـ عيد الاضحى لاني بكون وقتها ماخذه اجازه
يقولون اني قايله لها :x30: بس الصدق الصدق مايخصني
هذا اقتراحها هي بنفسها .. فديتها امي :رجل خجول:
- المهم والاهم اتمنى العيد يصادف يوم الاثنين
عشان اداوم بس يومين خميس وجمعه
لو صادف اول يوم عيد الاحد معناته بداوم من يوم الاربعاء :دانه:

[دُرة]

-

انا مستعده اصوم مع عمان اهم شي ما ادوام من الاربعاء :x30:

[دُرة]

-

يلا انا اختفيت يعني اوني بقدر انام ساعه قبل الدوام :x30:

[دُرة]

-

اللهّم في آخر جمعة من رمضان اجعلنا ممن عفوت عنهم ورضيت عنهم
و غفرت لهم و حرمت عليهم النار وكتبت لهم الجنة:نبض:.

[دُرة]

-


https://e.top4top.io/p_2310cv5o20.jpeg

[دُرة]

-

الناس كلها تقول احتمال كبير يكون العيد الاحد
وانا ماعاد فيني صبر اكثر ودي يغلطون الخبر المنتشر
لان لو صدق طلع الاحد بداوم 3 ايام :'(

[دُرة]

-


الحمدالله العيد الاثنين :نبض::نبض::نبض:

https://c.top4top.io/p_23115qc7q0.jpeg

[دُرة]

-

كنت الطف من النسمه على فؤادك
لكن مدري ليه هواك اوجعني ..

[دُرة]

-

ما استحق اي حاجه توجعني هذا اكثر شي احس فيه الان
رغم ان مشاعري هالصباح كثير مزعلتنيي
ممكن عشانه قرب العيد وانا صرت ما احب جو العيد
وودي اني ارجع احب اعيادي من يديد عشان جي على مايقولون
"عود نفسك على ما تتعود "
وهذا اللي قاعد يصير اعود نفسي احب عيدي من يديد
عشان اجيكم المره اليايه وعيدي يبدا من قلبي وداخلي قبل حكيي.. :x38:

[دُرة]

-

يومي كان طويييل ولا نمت مثل الناس
اتوقع انا اول وحده في العالم بتنام بدري
الليله وبتقوم قبل العيد لا يمرنا :x38:

[دُرة]

-
يا وحشة الدنيا لا صرت مشتاق
‏كن البشر ماهي على الكون حية ..

[دُرة]

-

خلص عيدنا بمعنى اخر عيدنا ع كل العايله الكريمه وادينا الواجب

- عيدكم مبارك اصدقائي :نبض:

[دُرة]

-

اتوقع ثالث عيد بنسبه لي بكون تجهيز لدوام
لان الخميس عندي دوام :دانه:
اما اهلي بكونون في دبي لين الويكند
واخوي بيقعد وياي والجمعه نروح لهم ان شاء الله
اصلا عادي بسيطه بسيطه :MonTaseR_38:

[دُرة]

-

احب كل كلمة في اغنيه مليون مره
احسها تلامس القلب كثير :نبض:
للابد راشد الماجد احساسه حلو :نبض:

[دُرة]

-

كيف اعلم الفرقى انك رحلت من زمان ؟
وكيف اعلم قلبي يمحيك من الاعماق ؟

[دُرة]

-

ضايق صدري الليله كثير
ولا لي غير الحروف تواسيني ..

[دُرة]

-

البيت هادي كثير الليله
كلهم راحوا يحللون الاجازه
مابقى الا انا واخوي المسكين اللي قاعد عشان دوامي
وصلت غرفتي بدري عشان اتهاوش كم ساعه مع النوم
واقدر افوز بكم ساعه راحه قبل تطل الشمس :دانه:

[دُرة]

-

صباح الخير
الشوارع فاضيه مافي الا كم سياره بس
لدرجه بديت اشك انهم كلهم موظفين بنفس دوامي :x30:

[دُرة]

-
أهلا رايق
وانت بخير وبصحه وسلامه
وينعاد عليك وعلى كل اهلك واحبابك بألف خير :رحيق:

[دُرة]

-

واحلى فقره في الحياه فقرة التجهيز
خلصت وجهزت وكل اموري تمام التمام
انتظر بس يخلص دوام باجر وعلى طول اروح دبي مع اهلي
يارب يمرنا باجر بسرعه

نايتي:MonTaseR_70:

[دُرة]

-

صباح الخير
واخيرا طلت علينا شمس الجمعه
باقي كم ساعه ويختفي شعور الهدوء من داخلي
ماحبيت البيت بدون اهلي حتى امس كنت اكلم امي فون
قلت لها خربتي خطة سفرتهم جان منعتيهم من دبي بعد ههههه
فديت قلبها:رجل خجول: والله احس الشوق مليوووون البيت بدونها مب شي
المهم من شوي تسجلي صوتها تقولي اذا في مجال تطلعين بدري اطلعي
امي تبيني اخلص دوام اكثر مني انا
رغم ان الدوام في يوم الجمعه قصير لين 12ونص :x30:

" طبعا في النهايه ما ننسى الجندي المجهول "
احب اشكر اخوي اللي ضحى بأجازة العيد عشان يقعد وياي:MonTaseR_38::نبض:

هابي فرايدي :MonTaseR_207:

[دُرة]

-
الحمدالله كانت رحله حلوه :نبض:
وخلصت الاجازه وبكره بنرجع للجد:MonTaseR_134:

[دُرة]

-
الحمدالله كانت رحله حلوه :نبض:
وخلصت الاجازه وبكره بنرجع للجد:montaser_134:

-
مستحيه اقولكم اني مارجعت للجد
ونمت اليوم وماراحت للدوام :دانه:

[دُرة]

-

مساء الخير
الاجازات الجماعيه دايم تكون حلوه
من قلب الحدث نلعب انا وعيال اختي اونو
اللي يبا يلعب ويانا يتفضل بس من الحين اقولكم
الفوز لهم دايم هذا قانون اللعبه + قانون قلبي :x38::x30: :نبض:



https://h.top4top.io/p_232058lna1.jpeg

[دُرة]

-

نحكي دايم لاشواقنا
كل الاشياء اللي مانقدر
نحكيها للي اشتقنا له ..

[دُرة]

-

سبحان الله يجي في بالي مواقف واحداث وذكريات كثيره
حلوه و مو حلوه تحزني لانها حزينه وتحزني لانها كانت تفرحني
لكني ماتوقعت انها بتكون في يوم من الايام مجرد ذكريات
وان كل شي فيها صار من الماضي وان الاشخاص ماتوا
من حياتي رغم انهم لازالوا على ارض الله عايشين
وانا بعد صرت ميته بحياتهم رغم اني لازلت اتنفس
بالمختصر نحنا اموات بحياة بعضنا ومستحيل اي ارض تجمعنا
وايد حزنننني هالشي ..

[دُرة]

-

احس اني رسمت بخيالي كثير اشياء وانعكست ضدي مع الوقت
واحس اني الوم نفسي لانني مظلومه ولا عرفت اشرح اللي بقلبي
يمكن وقتها كنت احتاج ان ينفهم اللي بقلبي بدون ما احكي
يمكن وقتها كنت احس ان مفروض الي قدامي يشرح اللي مفروض اقوله
وانا وقتها اكون مستمعه واقول فعلا هذا الشي اللي اقصده
وقتها ظنيت ان اللي بقلبي شي واضح وشفاف لهم مو ضروري اني اشرحه
لكن ضروري بأن ينفهم ! ..

[دُرة]

-

في النهايه
الحياه مستمره ولا يهمها حزنك
عشان جي ارجع حاول تحب الحياه
عشان ترجع تحبك ..

[دُرة]

صباح الخير :نبض:
حاليا قاعده في مكتبي الحلو رغم ان نفسيتي مو حلوه
لان فيني رقاد بس مداومه غصب :outhg!:
بس الحلو بالموضوع ان بعد الدوام بروح انا واختي بنسوي شوبنق
ممكن هذا اكثر شي محمسني اني اكمل يومي :MonTaseR_207:

[دُرة]

-

اكثر شي يجي في بالي ان كيف الشخص
يقدر يستبدل شخص ثاني ويتعايش معه
ويمحي تفاصيل شخص سابق وتستمر حياته
ويكون سعيد ومرتاح وينسى كل حاجه
يعني معقوله في اشخاص يقدرون يعيشون
نفس التفاصيل مع اشخاص جدد ويمحون
كل الذكريات ..

انا تعز علي ذكرياتي مهما اصحابها تردوا ..

[دُرة]

-

كل ذكرى تمرني تسرقني من يومي
عشان جي اجهل الشي
كيف في ناس تمرهم الذكرى مثل شي عابر
لا تجرح عيونهم ولا تلمس قلوبهم ...

[دُرة]

-

انا بعض الذكريات تزورني بالتوقيت الغير مسموح فيه
ولكني ارحب في كل ذكرى في كل مره كنت مشتاقه موت
وانا دايم مشتاقه موت ..

[دُرة]

-

الله يمسيك بالخيروالعافية وايوا نريدك هكذا يادرة الامارت متواجده
ونشيطه كماعهدناك اول مااشتركت حفظك الله ووفقك..


- صبحك الله بالنور والسرور اخوي الفيفي
اكيد اكيد ولا يهمك بس تعرف مشاغل الدنيا
تخلينا نفقد نشاطنا احيانا هنا
ربي يسعدك ويحفظك :رحيق:

[دُرة]

-

انا استاهل اخذ جائزة النوم لاني نمت من بعد صلاة العشاء
للفجر احس فيني طاقه شخصين مو شخص واحد
تبارك الرحمن عن احسد نفسي :x30: :نبض:

[دُرة]

-

‏لكن هذا الزمان وذي ظروفه
‏وبعض الاشياء تجي غصبٍ علينا

‏يا كم غالي سمحنا من وصاله
‏رضينا بغيبته لو مارضينا

‏وكم غالي بدون اسباب قفّى
‏وحنا ما خبرنا قصور فينا

‏سلينا عنه ماكنه جرحنا
‏بحفظ الله دامه مايبينا )؛

[دُرة]

-

اكثر شي يخلي بالقلب حسره انك شخص ماتعرف تعبر
عن اي شي تبي تشرحه ممكن بسبب هالشي تستوي مظلوم طول حياتك
اكره شي بالحياه ان يتم بقلبي كلام ماعرف اشرحه ماعرف اطلعه
ويظن البعض انهم كانوا على صح واني انا كنت على خطا
عشان جي احسس حسرة القلب تعوور وايد ..

[دُرة]

-

سمعت اشواقي تحكيلي عن ذكرياتي
لكني جاوبتها بصوت مسموع
اني ما اعرف هالذكريات
لاني زعلانه على اشواقي
ماودي تضرني ولا اضرها ..

[دُرة]

-

اكثر شي يمسح على قلبي
اني كنت صادقه بكل حاجه
واكثر شي يجرح قلبي
اني كنت صادقه بكل حاجه ..

[دُرة]

-

دورت لك عذر يسامحك
بس مالقيت اي عذر يقبلك ..

[دُرة]

-

مهما حاولت تنشغل طول يومك بس عشان ماتفكر
بشي معين بس عشان تهرب من افكارك
بتلقى نفسك بنص هالشغل تفكر بالشي
حتى لو مضغوط من الشغل راح يجي الموضوع في بالك
وقتها كثير
انا شخصيا تستوي لي هالحركه ولما افكر بشي احيانا اكون مضغوطه
وهالشي يزيد الضغط علي وابطل اشتغل مثل الناس
واحيانا العكس اكون مقهوره من شغله ويطري على بالي الشي احس كأنه
هالشي يواسي قلبي ويطبطب عليه ..

باختصار الاشياء اللي نفكر نهرب منها ماراح نقدر نهرب منها
عشان جي لازم نتقبلها ان زعلتنا بكينا
وان فرحتنا تراها تواسينا ..

[دُرة]

-

اذكر ان في حد حكى لي
" ان الذكرى حلوه واني لازم اتقبلها ما اهرب منها وانها تفرحنا يوم وتبكينا يوم "
وانا وقتها حكيت ان الذكرى مو حلوه لانها دايم تزعلني فصعب تكون حلوه
بس اليوم احس اني تصالحت مع مقولة الذكرى حلوه
لكني ماتصالحت مع انها تفرحني لان الذكرى الحلوه تبكي ومستحيل تفرح الشخص لانها حلوه وايد وايد ...

[دُرة]

صباح النشاط:MonTaseR_148:
من 5 الفجر قمت واحس فيني طاقه انجز كل شغلي اليوم
وبكل حُب باذن الله < ودي اصدق بس بنحاول يعني يكون هذا الانجاز بكل حُب
صباحكم سعاده وتوفيق:MonTaseR_209::نبض:

[دُرة]

-

لو كانت في كلمه تستحق اني اكتبها هالمساء
كان كتبت اشتقت موت
بس للاسف مافي شي يستاهل اني اموت اشواقي عشانه ...

[دُرة]

-

كان شعوري حلو لدرجة
اني احس الكلمات تلمس قلبي قبل لا اقراها ...

[دُرة]

- عوضوك بغيابي لا تقول اني وحشتك ..

[دُرة]

-

لما الشمس تروح تيجي بدالها نجوم :MonTaseR_126:
يبقى الوقت دا ايه ؟ يبقى دا وقت النوم
نامي ي عصفوره ونام ي عصفور يلا بينا يلا
يلا نطفي النور :MonTaseR_74:

[دُرة]

-

مايصير ارقد بدري واقوم هالوقت
عز الله اخترب الجدول من يديد :دانه:

[دُرة]

-

لاتصيرون اصدقاء الليل ترا الليل مو حلو ..

[دُرة]

-

اوسع خاطري بـ ذكرى قديمة
‏امررها على قلبي ويصحى جرحي الغافي.

[دُرة]

-

تصدقون اكثر حل شفته مناسب للهروب
من اي شي مزعج قاعده افكر فيه
هو النوم مهما كان الشي بسيط ولا كبير بنسبه لي
والله صرت اذا بغيت اهرب من شي نمت

[دُرة]

-

تصدقون اكثر حل شفته مناسب للهروب
من اي شي مزعج قاعده افكر فيه
هو النوم مهما كان الشي بسيط ولا كبير بنسبه لي
والله صرت اذا بغيت اهرب من شي نمت



ممكن يقول البعض هذا حل مؤقت
فعلا هو مؤقت بس لحد ينكر ان هو احد الحلول الزينه بعد .

[دُرة]

-

اكثر شي يجي في بالي ان كيف شخص
يقدر يمحي غلا وحب الشخص من قلبه
لان احس هالشي مستحيل يستوي
الا اذا كان الشخص من البدايه ما يكن لك اي مشاعر
والمسكين ما استوعب الا بالنهايه
لان حب وغلا القلب مستحيل ينمحي

[دُرة]

-

صباح يوم يديد :MonTaseR_148:
كلها كم ساعه ويبدا الويكند
مخططه اروح اشوف موفي مع ربيعاتي اليوم باذن الله:MonTaseR_34:

[دُرة]

-

اللهم ارحم والدنا الشيخ خليفه بن زايد وسكنه فسيح جناتك
احس اني للحين ماني مستوعبه الخبر
قلبي عورني):
لاحول ولا قوة الا بالله ..

[دُرة]

-

اللهم اغفر له وارحمه وعافيه واعفو عنه ..

[دُرة]

-

اللهم إنا نشهدك أنه كان خير الحاكم ونعم الولي
وكان الوالد الحنون الرحوم بشعبه
اللهم اغفر له وتجاوز عنه واعف عنه
اللهم إنا نشهدك أنه أرضانا ورضينا عنه
فاجعله في عيشة راضية يا رب العالمين.

[دُرة]

https://k.top4top.io/p_232458yaa0.jpeg

[دُرة]

-
‏اللهم اتبع عسرنا بيسر
‏و أبدل كسرنا بجبر
‏و أوسع بأرزاقنا
‏و اجعل لنا في كل أمر خير

[دُرة]

-

‏اللَّهُمَّ اغْفِرْ لي ولِلْمُسْلِمِينَ وَالْمُسْلِمَاتِ ،
‏وَالْمُؤْمِنِينَ وَالْمُؤْمِنَاتِ ، الْأَحْيَاءِ مِنْهُمْ وَالْأَمْوَاتِ

[دُرة]

-

مرحُوم ياللّي لك في الحَنايا دار وديار
‏خذاك المُوت وعقبك الدار مهجُوره .

[دُرة]

-

يارب إن عائلتي هي من أجمل هداياك
ومن أغلى مارزقتني فاحفظهم لي وأسعدهم ..

[دُرة]

-

أتعلمون ما معنى قول الله تعالى:
‏﴿إِنَّا أَخْلَصْنَاهُمْ بِخَالِصَةٍ ذِكْرَى الدَّارِ﴾
‏يجيب مجاهد رحمه الله فيقول:
‏"أي جعلناهم يعملون للآخرة، ليس لهم همّ غيرها".
‏اللهم لا تجعل الدنيا أكبر همنا ولا مبلغ علمنا.

[دُرة]

-

‏قال النبي ﷺ : "إذا بقي ثلث الليل ينزل الله عز وجل إلى السماء الدنيا،
فيقول: من ذا الذي يدعوني فأستجيب له؟
من ذا الذي يستغفرني فأغفر له؟
من ذا الذي يسترزقني فأرزقه؟
من ذا الذي يستكشف الضر فأكشفه عنه

- لاتنسون تصلون الوتر
ادعوا لأنفسكم ووالديكم وجميع المسلمين :Dl3:

[دُرة]

-

في جنة الخلد :31:

https://www.resizenow.com/ar/Job/Download?id=ecdebb27-78e1-4609-9ead-52e51d930599&name=8D8849C9-05A0-4C2F-A695-A7ABC35F3775_576x1024.jpg

[دُرة]

-

صباح يوم جديد :نبض:

‏اللهم صبَاحاً مُبشراً بكُل شيءٍ جميل اللهم بك أصبحنا وعليك توكلنا وأنت خير الحافظين . .

[دُرة]

-

رقدت امس متاخر لكني استغربت اني لقيت نفسي
قايمه هالوقت ..

[دُرة]

-

مدونتي حبيبتي
ماعرف وش اكتب ووش احكي كل الحروف ماتساعدني بشي
شكرا لانج احسن مكان بدنيا اذا جييته تستقبليني بدون تذمر
ولا شروط ولا حتى مواعيد انتي المكان اللي يلم مشاعري واحزاني
قبل افراحي ..
احبج مدونتي اللطيفه (:

[دُرة]

-

احيانا اقول ليش الاحزان اذا جت تجينا مره وحده ورا بعض
وايلس اتذمر بيني وبين نفسي ما احب اسمع اخبار تحزني
لان اللي فيني من الحزن بديت اتصالح معه واذا جاني خبر محزن
احسه يصحي جروحي واحزاني .
بعدين افكر فيها ان ربي كتب لنا الحزن لانها دنيا كلنا في نهايه بنروح منها
هذا اختبار وربي اختبرني لان يحبني واكيد واكيد ان الجاي افضل
مثل ماكتمت قلوبنا الاحزان اكيد ان الفرح بيلمنا

اكثر شي احبه في نفسي اني صرت انسانه طويلة بال للاسف ماكانت هالصفة فيني
لكن الحمدالله اني قدرت اكتسب صفة جميلة مثل طولة البال
واللي اكتشفته من هالصفة اني صرت احيانا اطول بالي من وايد امور ابيها لين اقنع منها
لان الحياه ماتجي على هوانا فالقناعة كنز لا يمتلكه الجميع

[دُرة]

-

الحياة دايم تطلب منا نكون على ماتعطينا من مواقف
موقف صعب ومحزن تحطه في ويوهنا وكأنها تقول لازم تتقبلونه
مهما كانت نفسيتك وقتها ومزاجك تتقبله غصب عنك
لكن بعد لا ننسى انها احيانا ترسل لنا فرحة تنسيك كل صعب
فجاه تلقى نفسك مذهول من الفرحة الفجائية اللي استوت لك
تيلس تشكر الله ان عطاك هالحياة اللي انت قاعد تتذمر منها

عشان جي صرت احس الحياة مثلنا نحنا البشر مره تحزنا ومره تفرحنا


" احب الحياه لانها اذا لسعتنا في يوم من الايام ماتنسى تداوينا "

[دُرة]

https://www.resizenow.com/ar/Job/Download?id=9be886b3-56ee-4ac9-8255-0f9fc1d957a5&name=A170678A-6E1E-419C-BC63-7DC94CB40220_633x800.jpg

بِلادي ستُصبح من أرقى،
الدول حضارةً وازدهارًا،
وستكونُ عونًا،
لجميع الدول العربية والإسلامية.


- خليفة بن زايد آل نهيان.
1970






- اللهم اغفر للشيخ خليفة بن زايد آل نهيان وأرحمه عافه وأعف عنه
وأكرم نزله ووسع مدخله واغسلة بالماء الثلج والبرد ونقيه من الذنوب والخطايا
كما ينقي ثوب الابيض من الدنس، اللهم جازه بالحسنات إحسانًا
وبالسيئات عفوًا وغفرانًا:31:

- رحمة الله عليك يا احن قائد :نبض:

[دُرة]

-

https://g.top4top.io/p_23261pe6e0.jpeg

[دُرة]

-

باجر داوم وانا رقادي معتفس للاسف
للحين ما رقدت ولازم اقعد بدري اليوم
عشان يترتب جدولي من يديد :دانه:

[دُرة]

-

احزن ان الذكرى اللي تلامس قلوبنا
صارت اقرب من اشخاصها

واحزن ان الشخص القريب صرت احسه مو قريب

واحزن ان الحاجز اللي بينا مهما حصل مستحيل يحسسنا بقربهم
لان الحاجز اللي بين القلوب صعب جدا يعيد الايام مثل قبل

وانا حاجز قلبي صعب يسامح ):

[دُرة]

-

https://a.top4top.io/p_232713lyo0.jpeg