الدُّر المكنون .

[دُرة]

-

يُظلم الليل وتنامُ الأعيُن ويبقى الله
‏يستجيبُ لمن دعاه ، ويغفرُ لمن أستغفر
‏أستغفرالله العظيم وأتوب إليه
الوتر:نبض:

[دُرة]

-

عل ما باس ياللي تشتكي حب غالي
منوته شوف خلاً مايدور بديله

واجد الناس لكن مالي غيره مجالي
لاذكر ما مظاله والليالي الجميله

ياوسيع المعرفه ماجرالك جرالي
أسئل الي مجرب من سنين طويله

لاتحط التوجد والعنا راس مالي
ذي سوات الهوى دايم حموله ثقيله

الهوى مثل في الضلالي
لي تغير زمانه كل شي يزيله

[دُرة]

-

اللهُم صبّر قلوبنا وكن معنا واجعلنا لقضائك وقدرك صابريِن
مُحتسبين اللهُم امسح على قلوبنا من طمأنينتك.

[دُرة]

-

‏اللهم ارزقنا العفو و العافية بالدنيا و الآخرة

[دُرة]

-

الله يجعل لياليكم سعيدة
اللي يبي يريح مسمعه قبل يرقد
‏

https://download.tvquran.com/download/TvQuran.com__Maher/067.mp3


في أمان الله:نبض:

[دُرة]

-

يييت هني عشان اكتب اشياء ماعرف كيف اكتبها
الصدق ان بخاطري كلام اكتبه كثير لكني مهما كتبت
ماراح اكتب اللي بخاطري ابد

[دُرة]

-

حتى الحروف زعلانه مني اليوم ..

[دُرة]

-

في كل مرة تقرر فيها انك تنسى
راح تذكر اكثر ..

ليه كذا ياخي!
احس ودي اهاوش نفسي بس

[دُرة]

-

وان بغيت هموم قلبي
تنجلي
‏قمت اصور بالفكر همسة
شفاك
‏كل ماحسيت بك
تشتاقلي
‏اندفعت بهاجس اشواقي
معاك ..

[دُرة]

-

كل شي فهمته بالدنيا
الا الذكريات الحلوه
ليه تحزنا ..
طيب هي ذكريات حلوه ليه تضايقنا ؟!

[دُرة]

-

اكثر شي ممكن الشخص يندم عليه بعد مرور الوقت والسنين
ان كان شخص شفاف وصادق اكثر من الازم .

[دُرة]

-

اصعب شي اذا في يوم ازعجتك الذكرى بوسط فرحه

[دُرة]

-

تمرني الذكرى
تسالني عليك .

[دُرة]

-

اللهم بلغنا رمضان مُعافين مقبولين
مُحاطين بالأهل والأحبة في ظلال رحمتك وعفوك:نبض:

[دُرة]

-

لو علِم أحدكم فضل صلاة الوِتر
‏لما طابَ له جفن دون أن يصليها.:نبض:

" لاتنسون تصلون الوتر "

[دُرة]

-

باجر عندي دوام وانا مالي خلق اداوم
للحين ماتعودت على نظام دوام السبت :schmoll:

[دُرة]

-

رمضان قرب وبصراحه وايد مزعلني موضوع السبت
يعني ايام رمضان ونداوم بعد السبت فقررنا كلنا
نكلم الادارة يسهلون علينا شوي والحمدالله وافقوا
ان كل شخص يدوام السبت مرتين في الشهر فقط خلال شهر رمضان
وهذا الشي احسه هون علي كثير .. الواحد يقدر يتعبد ويحس بشعور
ايام رمضان شوي ..

المهم شسمه مبارك عليكم الشهر مقدما ي حلوين = )

[دُرة]

-

في كل مرة تمرنا الذكريات
تذكرنا ان الاشخاص والاماكن انتهى وقتهم في حياتنا
وان لازم مانتعلق باللي انتهى
ولكن فجاه وانت وسط احداث الذكريات غارق
تنسى انك تنسى من الاساس
حسافه ي ذكرياتي تحزنيني دايم
رغم انج كنتي احلى ذكريات مرتني

[دُرة]

-

احب كل ذكرى تمرني لو تزعلني
تبقى الذكرى اوفى شي لي
يكفي انها تمرني دايم
في كل مره تحس اني احتاج
فيها اني احيا بين احداثها.

[دُرة]

-

لاتهربون من الذكريات
ابد لانكم لو هربتوا
ماراح تمركم الا الذكريات
اللي تعور قلوبكم بس
حبوا ذكرياتكم عشان تحبكم دايم

[دُرة]

-

مبارك عليكم الشهر :نبض:

[دُرة]

-

يارب علِّمني كيف أدعوك بأحب الأسماء إليك، دُلّني على اسمك الذي إذا سئُلت به أعطيت وإذا دُعيتَ به أجبت، واجعلني غنيًا ومكتفيًا بك، يارب علِّمني كيف أدعوك في الرخاء كما أدعوك في الشدة، أن أكون في كل مكان كما لو أني في صلاتي أمامك، أن أُحبّـك وأخافك وأرجوك في آنٍ واحد.":نبض:

[دُرة]

-

صباح دوام السبت
مداومه وانا فيني رقاد الدنيا كلها :MonTaseR_70:

[دُرة]

-

اللهم لا تغيّر علينا إلا بما هو خير لنا،
ولا تقرّب لنا إلا ما ينفعنا، وأرضنا وأرض عنا:نبض: .

[دُرة]

‏- اللهَم اعتِق رِقابَنا ورِقاب آبائِنا مِن النّار.
‏- اللهَم إنك عفُو تحِب العفْو فاعْفُ عَنّا.
‏- ربنا آتِنا فى الدُنيا حسنةً وفى الآخرةِ حسنةً وقِنا عذاب النار.
‏- لا إله إلاّ انت سُبحانك إنى كنتُ من الظالمين:نبض:.

[دُرة]

-

الله ينزل في آخِر الليل ليستجيبّ الدعُاء ويغفِر الذنبَ ويسمْع النِداء فلا تتهاوُن بفضِل الوتر لعل سجّده قد تكُون استجَابه لكل الامُنيات."

‏لا تنسونا من دعواتكم:نبض:

[دُرة]

-

اللهم إن كانت هذه ليلة القدر فإجعل لنا فيها اجابة لدعواتنا وأمنياتنا اللهم احفظ لنا أحبتنا ولا تُرينا فيهم ضراً اللهم إقسم لنا من حظوظ الدنيا وخيرات الآخرة واختم لنا خير ختام واكتبنا اليوم من السعداء وارفع اللهم اسمائنا في صحائف العتقاء من النار يارب العالمين:نبض:

[دُرة]

صباح الخير
للحين باقي تعيدون ولا خلص عيدكم مثلنا ؟
لاني بصراحه انصدمت في ناس للحين يسون عزايم العيد
ومستمرين ماشاء الله :دانه:

[دُرة]

-

اصدقائي من فيكم ناوي يحج هالسنه ؟
بصراحه انا وكم واحد من هلي ناويين باذن الله
سجلنا اسمائنا اونلاين في الاوقاف للحج هالسنه باذن الله
واخوي راجعهم من كم يوم اكدوا له اسم امي وابوي انهم بيوافقون عليهم
اما الباقي قاله الموظف انتظروا لين ايينا الرد وانا كل يوم افتح الابلكيشن حقهم
وللحين ظاهر لي تم استلام حالة الطلب يارب توصلني الموافقه فخاطري وايد
اروح احس بتينيي صيحه لو وافقوا على الكل الا انا :دموع الورد:
معني سمعت صار الوضع اصعب في التسجيل للحج يعني عادي ماتوصل الموافقه للكل او توصل لاشخاص قليل من نفس العايله
دعواتكم :29:

[دُرة]

-

تعالوا اسولف معاكم شوي
كنت يالسه بيني وبين نفسي وفكرت بشي
سبحان الله كيف الناس تتعايش وتتعرف على بعض وتكون علاقتهم ببعض قويه لـ سنوات
ثم عقب سنوات يكونون غرباء فجاه وكلن يعيش بعالم يديد وحياه يديده
لو تلاحظ الموضوع تحس ان فعلا غريب بس الكل مر فيه ومستمر بحياته

دنيا والله دنيا

وبس والله قلت اخليكم تفكرون وياي شوي :29:

[دُرة]

-

اللهم ارحمنا برحمتك

[دُرة]

-

مرحبا اصدقائي
قبل ترقدون صلوا الوتر وادعوا بكل اللي بقلبكم طلعوا كل اللي بخاطركم
كل امنيه تبونها قولوها لـربي ربي كريم ماراح ينساكم بس لازم تصبرون وتدعون بيقين ولاتقطعون الامل
انا عندي امنيه عمرها 6 ويمكن اكثر للحين ادعي وعندي يقين انها بتصير
بس خلكم متفائلين ولا تحزن قلوبكم ي اصدقائي

تصبحون ع خير :نبض:

[دُرة]

-

الله احلى شي ممكن تسمعه
صوت الاذان بعد يوم متعب وطويل
وانت قاعد بغرفتك وهدوء
شعور مريييح

[دُرة]

-

احلى وقت بيومي :29: :zz:

https://e.top4top.io/p_268536of90.jpeg

[دُرة]

-

صباح الخير

بقلبي كلام ودي اقوله بخصوص بيئة العمل
اسوء شي بالحياة يوم يكون موظف معك في العمل
يراقب تحركاتك اكثر من مديرك ويسبب مشاكل
اذا تاخرت او غبت من الدوام والمصيبه
ان اغلب هالفئة اللي تدعي المثاليه هم نفسهم
يغيبون وفيهم لواته ويلفون ويدورن
جد ناس تنرفز اكره هالفئه كثير

[دُرة]

-

باجر يوم طويل بس اللي مصبرني ان بعده بيكون عندي اوف دي
كلمت ربيعتي نلتقي بصراحه كنت مواعدتها بعد العيد نطلع
لكن اللي صار ان كل ماتكون وحده فاضيه الثانيه تكون عكسها
عموما استقرينا على طلعه يوم الثلاثاء باذن الله وبس والله
وكالعاده صارت الساعه 2 ونص وانا للحين مارقدت :فيس يصيح:
- لا تنسون تصلون الوتر اصدقائي
نايتي :MonTaseR_74:

[دُرة]

-


من ترك شي لله عوضه الله خير منه :نبض:

[دُرة]

-

أستظلهم وإن بغوني صرت ظلهم
‏دنيتي رحبة دام أبوي وأمي فيها:نبض:

[دُرة]

-

اللهم إني أسألك من عظيم لطفك وكرمك وسترك الجميل
أن تشفي أمي وتمدّها بالصحة والعافية.:نبض:

[دُرة]

-

اللهم ارزق امي الصحة والراحة والسعادة

[دُرة]

-

كل انسان بدنيا تمر عليه ايام صعبه ويتضايق وايد منها
لكنه يتصبر ويحسب الوقت لين تمره الايام الحلوه
بس الصدق اني مستسلمه وايد هالمره تعب امي مسيطر علي
مو قادره اسوي شي ولا اركز على يومي وكل يوم اقوم من الرقاد
وانا متوتره مابي الخوف يسيطر علي ادري الواحد مفروض يتفائل
والله اني متفائله واحاول اكون قويه لكنها امي : ( مب اي احد
فيني ضيقه ولا اعرف شو اسوي

اللهم لك الحمد على كل حال

[دُرة]

-

وتبكي بكاء المضطر وتنام
‏والله لاينام عن تدبير أمرك
‏
الوتر

[دُرة]

-

‏اللهُم أنتَ الشافي المُعافي اشفي أمي شفاء لا يُغادر سقمًا

[دُرة]

-

‏"ولو علِم أحدكُم فضل صلاة الوِتر
لما طاب له جفن دون أن يُصليها"
‏صلاة الوتر :نبض:

[دُرة]

-

احس ان الدنيا بكبرها مالها قيمه من بعد ما تعبت امي: (
يا رب تبشرني بشفائها

[دُرة]

-

اللهم لك الحمد حتى ترضى ولك الحمد اذا رضيت
ولك الحمد بعد الرضا ولك الحمد علي كل حال
ولك الحمد حتى يبلغ الحمد منتهاه .

[دُرة]

-

شكرا لكم على دعواتكم الصادقة
اللهم امين ويشفي جميع مرضى المسلمين
ويحفظ لكم كل غالي :نبض:

[دُرة]

-

رتبوا دعائكم دايم
واستعدوا لـ ساعات الاخيرة من كل يوم
استقبلوا الليل بكل حماس وحب
وادعوا كل اللي بقلوبكم
ترا ربي قريب ويسمع اللي بتدعونه
قبل ما تدعونه :نبض:

[دُرة]

-

السنين تمر بسرعه
ولا شي يبقى على حاله .

[دُرة]

-

قبل أن تنام:
‏توضأ، صل الوتر، إقرأ آية الكرسي، إقرأ سورة الملك، ردد
أذكار النوم، جدد التوبة، اضبط المنبة لصلاة الفجر وقل:
‏"اللهم ايقظني في احب الساعات إليك كي اسألك فتعطيني
واستغفرك فتغفرلي إنك كنت بي بصيراً رحيماً"

[دُرة]

-

‏هل يكره الإنسان شخصاً كان يحبهُ يوماً؟.

[دُرة]

-
اللهم امين جزاك الله خير اخي الفيفي
شكرا لك واكيد مدونتي رائعه بطلتكم فيها :MonTaseR_205:

[دُرة]

-

عندي باجر دوام وكل العاده مالي خلق اداوم
كل اللي في البيت يحس بالويكند الا انا :MonTaseR_212:

[دُرة]

-

والله مشتاقين للشتاء واجوائه
خلاص تعبنا من الحر والرطوبه:دانه:

[دُرة]

-


سلام يا اصدقائي الحلوين
حبيت اطل عليكم واطمن
واقولكم تدفوا عدل من برد الشتاء
ولا تكثرون اكل خلوا مجال حق
اكل رمضان انتبهوا تصير السمنه
دبل عندكم :icon10:

طبعا الكلام مايشمل الناس الرشيقه والحلوه مثلي:MonTaseR_43::MonTaseR_65:

[دُرة]

-

يا سرع الايام مابقى شي على رمضان
الله يبلغنا اياه ونحنا بكامل صحتنا وعافيتنا :نبض: