الدُّر المكنون .

[دُرة]

-

شعور غريب يوم تحس ان القريب صار غريب
وانتهى شعور القرب بيننا .

[دُرة]

-

خل الليالي تسهر وحدها
انا عيوني ما تحب السهر
يا خلي بعد ماصارت منت خلي
كل حاجه تمرني ما تودني ولا اودها
وكل حاجه تحبني ماعدت احبها
الاكيد ان افترقنا والمصيبه ان قلوبنا
ودعتنا ولا اتركتنا لبعضنا

كل شعور يمرني يحزني انك كنت شخص تسوى عيوني
وفقدت مكانتك بعيوني واللي تفقده عيوني ماترضى تقبله من يديد ): . !



فوضى مشاعر ..

[دُرة]

-

اصبحنا واصبح الملك لله
طلت الشمس من جديد
الله يكتب لنا في هاليوم توفيق وسعادة :رحيق:

المهم تركزوا على اهدافكم وتشتغلون زين
وتذكرون ان روتين الدوام نعمه من ربي
في غيرك ما حصل له يكون موظف
حاول ما تذمر كثير وتشبص بوظيفتك حتى لو ماكنت تدانيها :x30:

الصدق الصدق اني انا اكثر وحده اتذمر من ووظيفتي :دانه:
لكني احاول اردد هالكلام بيني وبين نفسي عشان غصب احبها وتحبني :MonTaseR_56:

[دُرة]

-

ياساتر ياساتر
الجو اليوم يخوف الدنيا كلها غبار الواحد مايشوف قدامه
احس لو انا اسوق حاليا بدعم كل اللي قدامي :دانه:

[دُرة]

-

اللي مايملي عينه الا التراب
يقدر يتفضل برا الغبار يناديه :MonTaseR_209:

[دُرة]

-

اذا غاب الوفاء غابت المحبة .

[دُرة]

-

للاسف توني اقوم من الغيبوبه:x147:
رسميا خرب نظام نومي

[دُرة]

-


معنى البعد الحقيقي هو بعد القلوب . !

[دُرة]

-

‏ والعذر في بعض الاحيان مايلقى قبول
‏ في وسع صدر تحمل الزعل لين امتلى .

[دُرة]

-

اكثر شي لازم يتعلمه الشخص هو تقبله للحياة وامورها
يعني لو في شي انتهى بحياتك لازم تتقبل هالشي
سوا كانت نهايه حزينه ولا سعيدة
لازم الشخص يتعلم ان مو كل شي مستمر
لازم يجي يوم وبعض الاشياء تنتهي
حب الحياة من جديد واترك كل شي انتهى وتقبل نهايته بسلام
وتذكر ان التقبل نعمه عظيمه

[دُرة]

-

سويت الجرعه الثالثه من التطعيم لكنها قويه مره
من سويتها وانا مو قادره اسوي شي حمى وصداع
من امس للحين وايدي احسها ثقيله
عسى مايطلبون جرعه رابعه بس:MonTaseR_31: ..

[دُرة]

-

- فيها الشفاء والعافية والله يقومك بالسلامة وماتخوفينا للحين مااخذناها

الله يسلمك ويعافيك اخوي الفيفي .
سوي نفسك ماقريت عشان ما تخاف لان جي ولا جي راح تسويها :x147:

[دُرة]

-

كنت تلمس تعبي وتحس فيه
والحين كل ليالي التعب اللي
تمرني ما تزورها..

[دُرة]

-

‏ ﴿ ربي أني مسّني الضُر وأنتَ أرحمُ الراحمين ﴾

[دُرة]

-

كانت النيه اني اداوم لكن التعب فاز علي
وقررت اخذ اجازه اليوم بعد .

[دُرة]

-
افضل مكافأة بعد التعب خبز بوري :x38::نبض:

https://j.top4top.io/p_2331nqqtg0.jpeg

[دُرة]

-

‏حاول تعيش العمر بـ إحساس السنين
‏عابر و إذا مرّيت .. ما ترجع لـ احد .

[دُرة]

-

كل ذكرى تمرك تعلمك
ان اصحاب الذكرى
ماتوا من حياتك وان الذكرى
اوفى شي بقى .

[دُرة]

-
ماقدر اسامح الشخص اللي يستغفلني
الا الاستغفال اكره شي بحياتي
ان حد يستغفلني مهما كانت مكانة
الشخص عندي

[دُرة]

-

قاعده استرجع اشياء كثيره كانت تمرني
وما كنت استوعبها وقتها ممكن لاني
احس مستحيل يصير الاستغفال
لاني احس ان الشي اكبر من هالافعال
وللاسف زعلانه كثير اني استوعبت
متأخر جدا ..
.

[دُرة]

-

مرت ايامه وسنينه بدوني
وعلمتني كل ايامي وسنيني
انها بتمر بدونه ..

[دُرة]

-

احب مدونتي لاني على كثر
ماتذمر فيها تستقبل كل حروفي
والاهم من هذا كله انها تستقبلها
اي وقت : ) .

[دُرة]

-

لا تزعلون على الذكرى
ولا ايامها وسنينها
ترا الاشخاص هم اللي تردوا
هم مالهم ذنب .

[دُرة]

-

لا نكذب على بعض في اشياء مستحيل
ننساها مهما صار بعض الاشياء مستحيل
تنسي .

بس انا اخاف اني ما انسى ولكن مايأثر فيني الشي
وانا يعز علي هالشي جدا ...

[دُرة]

-

ارجع اقول الف مره
اللي محزن قلبي اني ما استحق كل اللي حصلي

بس لازم استوي قويه (: ..

[دُرة]

-
‏
‏صرت أشبهك
‏أخذت من طبعك
‏كثير و لهجتك
‏حتى الكلام اذا
حكيته ابتسم بنص
‏الحكي و أتذكرك ..

[دُرة]

-


ماتت ايامنا
رغم ان كثير الحكي بقلبي ..

[دُرة]

-


ي قلبي اللي تقول انه على مله
‏ي عيني اللي تقول ان نومها جالي

‏الصدمه الي تجي من جيز خلق الله
‏تصدم جدار الثقه وتموت طوالي

‏غير البلا جات من خلٍ على خله
‏واليا تذكرتها ويلي على حالي

‏ينتابني شي مايعلم به الا الله
‏يجعلني اصد وجهي واجلس لحالي

من ضيقه الصدر اخاف تخوني زله
‏وتجرح لها واحد في خاطري غالي ..

.

[دُرة]

-

صباح يوم جديد
اكثر شي احتاجه حاليا
قهوه تدفي اطراف ايدي
لالا مو انا اللي اشرب قهوه عشان اصحصح
اكثر سبب لحاجتي للقهوه
هو اني ادفي نفسي :x38: :zz:
للاسف اطراف ايدي ماتعرف لا صيف ولا شتاء :دانه:

[دُرة]

-

بعد اول يوم دوام بالاسبوع
نمت مثل اليهال بعد صلاه العشا
على طول ولاحسيت بدنيا كلها
صرت ما اطل عليكم الا الصباح
كأني طابور الصباح :x30:
اتمنى لكم يوم سعيد

انا اختفيت وراي شغل قد الدنيا :nosweat:

[دُرة]

-
الله يبعد عنا الامراض يا رب احفظنا واحفظ من نحبهم من كل مرض :دموع الورد:
اللهم اني استودعتك اهلي ومن احب من كل سوء وكل مرض يا رب :27:

https://d.top4top.io/p_2335wmxwd1.jpeg

[دُرة]

-

الرحيل احيانا حب .

[دُرة]

-

احترم وجهة نظرك
لكني اشوف لما يصير كل شي مقفل بوجهك
ولما العلاقه تكون متعبه حتى لو فيها حب
فالرحيل اشوفه افضل
متأمل :رحيق:
.

[دُرة]

-

الواحد مايعرف يقول مساء ولا صباح الخير
المهم توني خلصت من غيبوبة الرقاد
كيف اعترف لنفسي اني لازم ارقد مره ثانيه لاني لازم اقوم الساعه 5
وانا شبعانه رقاد :thumbdown:

[دُرة]

-

ليته صريح معي مثل مانا أصارحه
‏مادمت معطيه فالوضعين حريّته
‏ هقيت من صدته ان العتب جارحه
‏ انا على نيتي وهو على نيته
‏ اثره ناوي يفارقني من البارحه
‏وانا من البارحه كنت انتظر جيته !

[دُرة]

-

لا بس اراويكم النكلس مالي اللي اكيت من الكيوووت ‏:MonTaseR_207::نبض:

https://www3.0zz0.com/2022/05/29/20/187018661.jpeg

[دُرة]

-

صديت عنك يوم اني عرفت انك ماعادك خلي الاولاني:30:

[دُرة]

-

يالله اسوء شي في الحياه الصداع النصفي
كل شي ممكن تتحمله الا هالشي :دانه:

[دُرة]

-

ايوالله انه اكيت من الكيوت على قولك .. جميل جدا ما شاء الله .. لبس الهنا يارب


- شكرا رايق الرايق .. كلك ذوق:5:

[دُرة]

-

ودي افضفض لكم اليوم بس الصدق اني يوعانه
ومافيني حيل حتى ادور لي شي اكله بس جي
قاعده اناظر سقف غرفتي واتريا الرقاد يمرني
ظنكم لو غنيت له
" سير علينا ي هوى البال سير علينا مشتاق لعيونك تعال سير علينا "
بيمرني ؟ :دانه:

[دُرة]

-

احبني كثير يوم تتغير كثير اشياء من حولي
وابقى انا مثل ما انا قويه واحب نفسي كثير
احب دُرة اكثر شي في العالم :نبض::نبض:

[دُرة]

صباح الشسمه
ايوا ايوا سحبت على الدوام
غلبتني الغيبوبه وانا راضيه بالانهزام :دانه:

[دُرة]

اللي يضحك اني قمت وشفت الصباح
بس وايد نفسي كسرت خاطري
فقررت اكمل احلى غيبوبه
الانهزام جميل في بعض الاحيانا :x30:

[دُرة]

كلج ذوق حبيبتي وسن :نبض::نبض:

[دُرة]

-

1 يونيو

احلى شهر بدنيا بدا :MonTaseR_207::نبض:

[دُرة]

-

كل احساس راح لشخص غيرك
وكل محبه راحت لشخص غيرك
وكنت تظنها انها ملك لك
تأكد وابصم بالعشره
ان الاحساس اللي كنت تحس فيه
والحب اللي حسسك فيه الشخص وقتها
كان كذب واكبر من الخيال بعد
لان المشاعر ماتنعطى مرتين !

[دُرة]

-

مع بداية شهر يونيو
وبما ان شهري المفضل
عطيت نفسي اجازه
باجر انا استحق
كل حاجه حلوه :x38:

[دُرة]

-

ي جماعة الخير ماودي اعترف اني صرت صديقة السهر
ثم يطيح الميانه معي ويزعل الرقاد علي واسير باجر الدوام
وانا نعسانه:x38:

السهر عدو السعاده وعدو الراحه
ماصرت احبه بس شو نسوي عاد
وقعنا في الفخ :outhg!:
والظاهر باجر بنقع في شي يسمونه الندم :outhg!:

[دُرة]

-


صباح الخير من قلب الحدث :MonTaseR_148:
مخي يقول لاتشغلين اليوم :x38:

رسالة مني لكم في بداية اليوم :

ان شاءالله دايم تصادفون بحياتكم ناس قلوبهم حلوه مثلي :x30: :نبض:
ويخلون حياتكم احلى واحلى :نبض::نبض:

https://d.top4top.io/p_2344ez6kz0.jpeg

[دُرة]

-

ههههههههه

ضروري يا رايق تصير جي

[دُرة]

-

قبال امي وقهوة امي احلى من الدنيا ومافيها :نبض:


https://g.top4top.io/p_2346p5o5r0.jpeg

[دُرة]

-

:Dl3:

بغير من عيني وانا شايفك
ودا اللي وصلت ليه
‏ولو اسمع اسمي بشفايفك
بقلك كرريه
وعمري ما هقدر اوصفلك
بحبك قـد ايه
‏

أرسمني في ليلك نجمة
ضيا يلمّع في العين،
‏أكتُبني في عُمرك كلمة
يحكوها الناسَ بعدين
أنا نفِسي أعيش فوق عمري
ياحَبيبي معك عُمرين


‏لو تطلبي مني عينيا
‏لو تطلبي عمري كمان
‏هديكي سنيني الجايه
‏و هكون راضي و فرحان
‏انتي الي وجودك جنبي
‏حسسني اني انا انسان

.:Dl3:

[دُرة]

-

هيا بنت اختي عطتني هديه ميلادي مقدما تقولي انا ابا اول وحده اعطيج
وتحمست واستقبلت الهديه بكل حب بس
الله لا يذوقكم اللي ذقته حامض حامض حامض+ حار
عقاب مو هديه :x30::نبض:
سالتني خالوه حبيتي الهديه ؟ قلت لها طبعا حبيتها واحلى هديه بعد
وانا ملامحي تقول عكس الحكيي:دانه::نبض::نبض:

https://f.top4top.io/p_2349e0pwg0.jpeg

[دُرة]

-

صباح الخير
اكثر الاشياء اللي تمرون فيها بيومكم
سببها شعوركم الداخلي عشان جي خليكم
مستانسين من داخلكم لـ بداية يوم سعيد باذن الله :نبض:

[دُرة]

-

اللهم إني توكلت عليك فأعنّي، ووفقني،
واجبر خاطري، جبراً أنت وليّه. يا رب،
أدعوك بعزتك وجلالك، أن لا تصعّب لي حاجة، ولا تعظم علي أمراً،
ولا تحنِ لي قامة، ولا تفضح لي سراً، ولا تكسر لي ظهراً
،اللهم اجعل دعواتنا لا ترد، وهب لنا رزقاً لا يعد،
وافتح لنا باباً للجنة لا يسد :نبض:.

[دُرة]

-

مساء الخير بتوقيتي:x30:
انتهت الغيبوبه كالعاده
اذا قرب الويكند كل شي يخترب
شكلي بداوم مواصله باجر بس يلا ماعليه
دام اخر يوم بالاسبوع بنتحمل

[دُرة]

-

يسعد مساك رايق ان شاء الله تكون رايق ومرتاح بالويكند :الحلا ذبحني:
صادق الحين الواحد يقدر ينام كم ساعه عشان يبدا الويكند صح ‏:MonTaseR_207::نبض:

:MonTaseR_74:

[دُرة]

-

11 يونيو :نبض:

[دُرة]

-


ليت جنح الليل يحملك أساي
نوح قلبي منك ليتك تسمعه

ليت حظي مره يصدق معاي
ليت شملي معك ربي يجمعه

من زمان وصلكم غايه مناي
من زمان النفس فيك مولعه

حبكم غصن تورق في حشاي
في شرايني غدا هوه منبعه

لا تمادى يا حبيبي في جفاي
صدكم والبعد قلبي يوجعه

لو تشوف عيني تحكي عن عناي
ناظري ما يوم وقف مدمعه

ليت جنح الليل يحملك أساي
نوح قلبي منك ليتك تسمعه . !

[دُرة]

-

لاتكون ذكرى راحت بحياة شخص تحبه
لاتسمح تكون ذكرى بحياة شخص تحبه
كون دايم المستقبل والجاي
لاتكون شي انتهى اذا كنت فعلا تحبه
اترك الذكرى للاشخاص السيئه
لاتكون ذكرى والقلب يحبك .

[دُرة]

-

اللهم أرزقنا بركة في العمر ، ونوراً في القلب وضياءً في الوجه
وسعةً في الرزق وثباتاً على الحق ورضآ في النفس ومحبةً في قلوب الخلق :نبض:

[دُرة]

-

اللهُم إجعل ايامي أجمَل مِمّا مضت و ارزقني
فرحة تغير مجرى حياتي ، اللهُم إني أسالك راحة في نفسي
ربي أكتب لي الخير أينما كان ثُم ارضني بهِ يارب:27:

[دُرة]

-

من امس احس اذني تعورني
الظاهر فيها التهاب وانا اخر من يعلم
لكني مسويه مو مهتمه عسى العوار يخف من نفسه
مافيني على عيادات وانتظار :دانه:

[دُرة]

-

احب هالوقت في اليوم
احس اكثر وقت اقعد فيه لحالي
هدوء تام مافي الا انا وافكاري
لكن باجر اقوم نعسانه واندم طبعا

[دُرة]

-

قال رسول اللهﷺ: ينزِلُ اللَّهُ عزَّ وجلَّ كلَّ ليلةٍ إلى سماءِ الدُّنيا
حينَ يبقى ثلُثُ اللَّيلِ الآخرِ فيقولُ مَن يدعوني فأستجيبَ لَه من يسألُني فأعطيَه من يستغفرُني فأغفرَ لَه .


لاتنسون تصلون الوتر :نبض:

[دُرة]

-

الله يسلمك ، الشر مايييك
شكرا رايق :رحيق:

[دُرة]

-

الذكريات تبقى للابد عكس اصحابها ..

[دُرة]

-

ليه دايم الشخص الصادق الحقيقي
يتعثر في مشاكل هالدنيا .. !
مادري احس دايم الشخص اللي يمشي سيده
لا الحياه تمشي معاه صح ولا اللي حوله رغم ان هو الشخص الصحيح فيهم
واللي يلف ويدور تمشي دنيته صح والناس اللي حوله تمشي اموره

عرفتوا وش اقصد يعني بشكل عام الشخص اللوتي حياته سهله :MonTaseR_173:

[دُرة]

-

ارسلوا لنا ايميل من فتره ان ممكن يكون في دوام السبت رسمي خلاص
واليوم اكدوا الخبر ان من شهر 7 راح يكون في دوام السبت
ضاق صدري بصراحه يعني يكفي اجازاتنا في المناسبات الرسمية مب مثل خلق الله
بعد السبت نداوم !
ومن ارسلوا الايميل وانا قاعده ابحث عن وظيفة ثانية وحصلت لينك في التلقرام يعرض الوظايف
وصرت اصبح وامسي على هالتلقرام ماخليت وظيفه مانزلوها ماقدمت عليها عسى بس يتصلون علي
لاني بصييح والله الا الويكند ماقدر ادوام فيه ):

[دُرة]

-

رديت اليوم منهاره على طول اشتكيت عليهم عند امي بس امي قالت لي
احمدي ربج غيرج يدور وظيفه وانتي زعلانه ماتبين تداومين
الصدق ان صح كلامها لكني مستعده ادوام
في وظيفه اقل راتب من راتبي الحالي
لكن يعطوني ويكند مثل الناس لان الحياه مب دوام بس ):

[دُرة]

-


‏‌‌"اللهُم اني وليتك امري فأعوذ بك من سوء حظي
وضيق صدري و فراغ صبري
واجعلني يارب ممن نظرت اليه فرحمته وسمعت دعائه فاجبته."

[دُرة]

-

اليوم مدير القسم وزع هدايا على الموظفين المميزين
وانا كنت من ضمنهم لو يدري اني اتحرطم كل يوم هنا
بسبب الدوام ممكن يسحب الهديه مني ههههههه
المهم اني استانست عليها وايد:x30::نبض:


https://a.top4top.io/p_2359eypvk0.jpeg

https://b.top4top.io/p_2359g8om41.jpeg

[دُرة]

-

أُمِّيْ وَمَنْ غَيْرُ قَلْبِ الأُمِّ يَسْتَمِعُ ؟!
‏لِنَبْضِ قَلْبِيْ صَحِيحًا أَمْ بِهِ وَجَعُ !

‏أُمِّيْ، أَيَا حُبُّ لا يَنْفَكُّ يَغْمُرُنِيْ،
‏يَا دِفْءُ لَيْسَتْ لَهُ الأكْوَانُ تَتَّسِعُ !

[دُرة]

-

"ما شاء الله .. الف مبروك الهديه .. ودوم نشوفك متميزه يارب"

الله يبارك فيك رايق شكرا لك وايد :x117:

[دُرة]

-

‏" اللهم اجبر خاطري جبرا أنت وليه
فإنه لايعجزك شيئا في الأرض ولا في السماء
ربِي اشرح صدري وأرح قلبي
وأزح من قلبي كل خوف يسكنني
وكل ضعف يكسرني وكل أمر يبكيني
ولا تفجعني في مستقبلي في راحتي
و نفسي وفي املي وحلمي وفي أهلي
ولا تعسر أمري وافتح لي أبوابي المغلقة. "

[دُرة]

-

في كل مره احس امور كثيره مضايقتني او مزاجي متعكر من شي حتى لو كان بسيط
افرش سيادتي واصلي واقول كل الكلام لله صح دعائي مايكون مرتب وقتها لكني متاكده
وعندي يقين تام ان الله يسمعني ويعرف ان في هاللحظه كلامي طالع من اعماق اعماق قلبي
في كل مره افرش سيادتي في اخر يومي عشان اخبر ربي بكل اللي صار معي سوا حلو ولا مو حلو
احس ان صدق انا اللي محتاجه الله انا اللي محتاجه اصلي وادعي فيها وفي كل مره احس ان ربي
يستقبلني ويسمعني مهما كنت مقصره يسمعني ويرحمني ويعطف علي لان في كل مره احس فيها
اني ابي اتكلم يجي في بالي صلاة الوتر شكرا يالله لانك رحيم شكرا على لطفك الدايم علينا رغم تقصيرنا

صلوا الوتر كل يوم والله بتحسون بشعور جميييل حتى لو كنتوا وقتها زعلانين من الدنيا وما فيها
جربوا تعودون نفسكم على صلاة الوتر صدقوني لو مر يوم ماصليتوها بتحسسون بشوووق وشي ناقص بيومكم :نبض::نبض:

احس اني تكلمت وايد المهم الله يسعدكم :x38::رحيق:

[دُرة]

-

كلامك هذا درس لنا ولقلوبنا كي نفهم ان العلاقة مع الله جميله
ولا حاجز بيننا وبين هذه العلاقه / كلامك جدا مؤثر ربي يحفظك


فعلا الله وحده من يحتوينا في كل افراحنا و احزاننا بكل حالاتنا يستقبلنا
رايق الرايق عساك دايم رايق قول امين :رحيق::نبض:

[دُرة]

-

كيف تعرف ان الصيف بدا عندنا :x30::نبض:

https://e.top4top.io/p_2368w87f40.jpeg

[دُرة]

-

صباح الخير
امس طلعت من الدوام واحس بتعب وايد نفس اعراض كورونا
واقول بنفسي خلاص ياني مستحيل اييني مره ثانيه
حتى اني من التعب اعتذرت من الدوام
اني اليوم ماني مداومه وسويت فحص
فعلا طلع كورونا مادري اصيح من التعب
ولا اني بكون محبوسه بروحي اسبوع ويمكن اكثر ):
الله المستعان

[دُرة]

-

كيف اتصالح مع الايام ؟
انا بعدني ماكملت اول يوم محجوره
واحس اني بموت من هالحكره :'( !!

[دُرة]

-

مساء الخير
من مكتبي امسي عليكم
واقولكم ادعوا لي يمر الوقت بسرعه
ودي ارجع البيت الحين واتغدى مع امي
يوعانه :MonTaseR_106:

[دُرة]

-


سبحان الله اكثر الاشياء تخوفنا ماتعدي بسرعه
والله ان بعض الايام اللي تمرني تهد حيلي قبل تمرني
بس اللي اقدر اقوله الحمدالله انها على كثر ماهي صعبه
هالايام انها بالنهايه تعدي بفضل الله على خير
ماعرف شو اقول صدق
لكني فعلا انا سعيده اليوم ومرتاحه وايد
الحمدالله يا ربي دائما لانك تحفظ لنا كل من نحبه:نبض:

[دُرة]

للحين لا صرت ضايقه افضفض مشاكلي وناستي بالكتابه بيني وبين نفسي اكتب تفاصيل المشكله وحتى الوناسه

اسمعكم ترا تقولون شفيها مينونه هاي تراني ما احلل اي حد يسبني :x30:

ترا استفيدوا مني اكتبوا كل اللي تبونه صدقوني بتحسون خلاص مافي طاقه فيكم تفضفضون لحد هههههه
منها تستفيدون تتعلمون تحلون مشاكلكم بروحكم وتبطلون دلع
ومنها ماتزعجون احد بمشاكلكم :x30:


وبس والله حاليا اتقهوى مع امي اللي يبا يتقهوى
ينورنا في الوثبه:MonTaseR_148:

[دُرة]

-

اليوم قاعده مع اخوي و اشوف الحجوزات لـ مكه
باذن الله نسير مكه نهاية شهر 8
يا رب تتسهل الامور :نبض:

[دُرة]

-



(اللهمَّ إني عبدُك وابنُ عبدِك وابنُ أَمَتِك ناصيتي بيدِك ماضٍ فيَّ حكمُك عَدْلٌ فيَّ قضاؤُك أسألُك بكلِّ اسمٍ هو لك سميتَ به نفسَك أو أنزلتَه في كتابِك أو علَّمتَه أحدًا مِنْ خلقِك أو استأثرتَ به في علمِ الغيبِ عندَك أنْ تجعلَ القرآنَ ربيعَ قلبي ونورَ صدري وجلاءَ حُزْني وذَهابَ هَمِّي)

[دُرة]

ضايق صدري
في موضوع كل ما اسعى فيه يتعرقل
صار لي ثلاث سنوات اسعى كل ما اوصل
لـ اخر نقطة يوصلني مسج تم الرفض
الاكيد انها خيره لي لكني مادري ليش للحين
انا اسعى في كل مره اقوم من رقادي على
مسج تم الرفض اسال نفسي لين متى بسعى لـ هالشي.
ايني شعور احيانا ان خلاص مفروض ما اسعى وخيره لي
ومرات احس لازم اصبر واسعى .. انا في حيره صدق
دعواتكم لي:نبض:

[دُرة]

-

من صرنا نداوم حتى يوم السبت
وصار الويكند عندي الاحد ويوم بنص الاسبوع
صرت ما احس بطعم الويكند وحياتي كلها شغل في شغل
روتين ممل جدا لكنه افضل بكثير من وقت الفراغ
ما اقول الا الله المستعان وكل شي خيره
مثل ما قرروا يحطون دوام في الويكند اكيد ان ممكن يلغونه بعد
كل شي متوقع لازم نتفائل شوي :x38:

[دُرة]

-

اذا الله استجاب لأبليس.. ماتبينه يستجيب لعبد كل يوم يقول سبحان ربي الاعلى.. حتى وان تأخرت تطمني .. دام الرحمن الرحيم ربي وربك ورب كل شء .. اسأل الله العظيم ان يجبركي الله جبر يخليك تحسي إنك انولدتي من جديد


ايه والله صدقت .. اللهم امين 🙏
شكرا لدعوتك اللي اسعدت قلبي
واسال الله ان يسعدك ويوفقك وين ماكنت اخي صعفق كندي :رحيق:

[دُرة]

-

ماودي اتحرطم بس صدق الحياه صارت كلها دوام عندي شغل شغل من صرت اداوم حتى يوم السبت
صار كل شي مو حلو اكيد ان الوظيفة نعمه ولازم نحمد الله عليها بس استغفرالله الدوام في القطاع الخاص سي جدا
صح اني تعودت عليه واحب دوامي وزميلاتي اللي هناك وايد مصبريني ع الدوام الطويل لكني كل مارديت بعد يوم طويل وكل ما نشيت بدري يوم السبت والكل توه بينام بحكم ان ويكند اييني شعور الاحباط من هالدوام ودي بوظيفه حكوميه عشان يكون وقتي مثل وقت اهلي :outhg!:
ادري بتقولون احمدي ربج حصلتي وظيفه مثل ما امي تقولي اذا ييت اتحرطم لكني صدق بعد هالحرطمه احمد ربي
واحبها كثير وظيفتي لكني اتمنى دوام مثل خلق الله في وظيفه حكوميه او في خاص بس اقلها يحسون بتعب الموظف ويعطونه راحه ):
احس اني تكلمت كثير وكلامي بدون هدف بس افضفض
بس ادعولي احس وظيفه ثانيه قبل افجرها وافنش من هالضغط:MonTaseR_158:

[دُرة]

-

" الله يوفقك يارب وتحصلي وظيفه تروق لك وترتاحي فيها يارب"

اللهم امين ويوفق الجميع شكرا مره لك:رحيق:

[دُرة]

-

عجزت القى حل للكحه مستحيل يمرني الشتاء بدون ماتلعوزني هالكحه
جربت كل العلاجات حرفيا من العياده من البيت
وللحين الوضع مستمر:thumbdown:
الله المستعان

[دُرة]

-

اخر ابديت للايفون سي جدا يعني
مو معقوله اسوي ريفرش للصفحات من تحت
حركه غبيه ودي اتهاوش مع اللي سواه :)

[دُرة]

-

قدمت على اجازه لاني اكثر شي احتاجه هالفتره هي الاجازه
:MonTaseR_74:

[دُرة]

-

اذكر اني بديت السنه اليديده 2022 بتعب وحمى بسبب كورونا
واليوم استقبل السنه اليديده 2023 بكحه شلعت ضلوعي:nosweat:
ما اقول الا الله يعطينا خير هالسنه بس :x30:

[دُرة]

-

اللهم ارزقنا حبك و حب من أحبك و حب كل عمل يقربنا لحبك:نبض:

[دُرة]

-

هي ركعةٌ في غسَقِ الليل تُسمى وترًا،
هي معبرُ سكينةٌ تتبعُها جنَّة بإذن الله
فلا تحرموا أنفسكم لذتها الوتر:نبض:

[دُرة]

-

يقول ميـحد حمد :


ياشجون القلب لو تدري كم قلبي يعشق عيونك
بك مولع يا بعد عمري من جمالك صرت مفتونك

حبكم بالدم بي يجري ماريد العمر دونك
يالغلا يا حبي العذري ليش عني تخفي شجونك :67:

[دُرة]

-

اعترف لكم اعتراف صباحي

رغم اني ما احب دوام السبت وزعلانه على هالقرار وللحين مو متقبلته
الا اني كل يوم سبت اداوم اول وحده بالقسم مادري يجيني شعور
اللي يلا تعالي بدري عشان الدوام يخلص بدري
وانا اصلا جي ولا جي بقعد لين 3 ونص الظهر :MonTaseR_212::x30:

[دُرة]

-

يقول محمد عبده :

لا تاقف الدنيا على اول طريق
فرقى الاحبة يا هوى
لا تسأل جروحي
متى خان الرفيق
عهد المحبة والهوى

لا طاحت نجوم السماء
ولا تاه في الظلماء قمر
لا تاقف الدنيا وتسأل عن خبر
ما به جديد

مرتني الدنيا بتسأل عن خبر
مابه جديد
عشاق ليلة تفارقوا صاروا بعيد

[دُرة]

-


‏كنت "حلم"
‏أواجه الدنيا علشانه لحالي
‏وصرت لي ذكرى مع الأيام
‏عن عيني بعيده

‏تنبت البسمة على وجهي
‏إذا مريت بالي
‏من عرفتك كل لحظاتي معك
‏كانت سعيده .