يا مساء الاعياد والايام الجميله

كيفكم حبايبي وكيف كان عيدكم ؟

لحد يسألني عن العيد .. لأنه بالنسبه لي يعتبر لخبطة روتين وجدول
صحيح هو ايام جميله وجلسات وسهرات ولقاءات
لكن مو معقوله ننام الظهر ونقوم اخر الليل
هذا الجدول احسه يجيبلي الاكتئاب والنفسيه
و اجلس فتره طويله احاول استعيد توازني وارجع لوضعي الطبيعي

ع العموم عشان بكره الدوام ..قررت اني اضغط على نفسي اليوم

فقلت يا استمر الين الليل وارقد … أو ان غلبني النوم راح اكتفي بكم ساعه

وفعلا غلبني النوم ع العصر ….. و صحيت بقلة الحيا المغرب

والصدمه الغير متوقعه اني الآن مصحصح ومافيني نوم





وذلحين .. كيف الطريقه

صباح الخير يا أصدقاء

تقريبا نقدر نقول عدلنا الجدول ولله الحمد >> الله يخلي الدوامات

المهم صحيت وكلي نشاط وحيويه .. والدليل اني جالس اكتب هذا الكلام الآن قبل الدوام

اليوم يقولو عندهم معايده في الدوام … يعني اجواء لطيفه وحلويات وقهوه الين الظهر

ماذا بقي ؟

هل سمعتم بعلم النفس المظلم !!

امس اكنت اتجول في صفحاته وافكاره … سيئة جدا افكاره

حاجه كذا انتهازيه وتعتمد على التلاعب بالناس بطريقه ذكيه

الجميل فيها انو مو اي واحد يقدر يطبقها

احد هـ الكتب تم شرح وتمثيل جزء من افكاره في مسلسل اسمه ( تفاحة آدم)






والآن … الى الدوام يارفاق

صباح الخير يا أصدقاء
متى تخلص حلويات العيد ؟؟
في كل مكان اروحله ألاقي حلويات و شكولاتات ..

المهم ..امس لما تقابلت مع الزملاء في حفل المعايده … وشفتهم كلهم جالسين مع بعض

المحبوب والكريه والملقوف والأناني ووو …كل الشخصيات

جلست افكر ..!!

ياخي فيه شخصيات نقابلهم في حياتنا متعبين .. ويسببون لأنفسهم وللي حولهم المتاعب

خصوصا في مجتمع العمل .. لأنهم ليسو اختيارنا بل مجبرين على الجلوس و التعايش معهم

هـ الشخصيات ماتقدر تقول عليها مريضه .. ولا تقدر تقول عليها طبيعية

ولما تجي لعلماء النفس تشوف اش قالو فيهم .. تلقاهم يصنفونها بأنها شخصيات لديها اضطرابات
ولكنها قادره على العيش والتعايش مع الناس بشكل طبيعي ( يعني مو مريض )



وبما اني متكي وفي فمي قطعة حلاوه عيت تذوب للأسف

خليني ادردش معكم شوي فهـ الشخصيات … علّ قطعة الحلوى هذه ان تذوب وتختفي



يتبع

الي ماخذ مقلب فنفسه
اخر حبه هذا مشكله …وعلمياً نعتوه بالنرجسي .. يرى نفسه اضخم وأكبر مما هي عليه في الواقع
المشكله انه يبغى العالم يعاملونه على هذا الأساس
وهو مصدق نفسه فعلا انه حاجه كبيره وانه فلتة زمانه
الله يذكرك بالخير يا ( عبيد) يقول الي تحصله زي كذه اكسره ونزل من قيمته هذا افضل علاج له


المصلحجي
هذا الانسان خطيييير ولسلوس وما يهرول عبث
الناس بالنسبه له فرص وفوائد .. وقيمتك عنده تساوي مقدار الفائدة الي راح يجنيها منك
المشكله انه ما يستحي على وجهه .. بمجرد ما تنتهي مصلحته منك يبتعد عنك بكل سهوله

ابو مزاج متقلب
اكثر واحد ما يعرف مصلحته ويجيب المشاكل لنفسه
كفانا الله واياكم هـ النوعيات .. ماله صاحب
عواطفه تنقلب من الموجب الى السالب في لمح البصر
ما تقدر تعيش معاه في أمان .. كل شي في الحياة معتمد على مزاجه
قد تكون حبيبه المقرب .. وفي لحظه .. تصبح عنده من المنبوذين


اعتقد أن قطعة الحلوى قد ذابت الآن واختفت

القاكم على خير أحبتي

صباح الخير يا أصدقاء

كيف أصبحتم ؟

فيه مسابقه عاملتها دكتورتنا الياسمين ..لأعضاء مسك الغلا
المختلف و المميز في هـ المسابقة انها رصدت جوائز ماليه للفائزين بقيمة 500 دولار للفائز

وهذا المبلغ كبير بالنسبه لعالم المنتديات …
اذكر اخر مسابقه شاركت فيها وكان فيها جوائز نقديه
مسابقة رصدو للفائزين فيها بطائق شحن بقيمة 50 ريال

مافي مقارنه الصراحه

فشكرا والله لهذا الدعم الكبير و السخي

ع العموم … انا شاركت في هـ المسابقة … فالجائزة صراحتاً مغرية
والمبلغ راح يتكفل بسداد جزء من قسط البنك الشهر القادم

لكن المشكله وين ؟

المشكله كيف تفوز امام هذا الكم من المتميزين في مسك الغلا

اذا ما فزنا …راح نقول يكفينا شرف المحاوله

وصباحكم جميل أحبتي

جاسم يقول

أسعد الله صباحك وجميع أوقاتك .. الله يسهل أمورك .. أنت حضورك بحد ذاته فوز الله يوفقك وتستاهل كل خير يالراقي . حضورك جميل وفيه طاقة إيجابية


ياخي أنت والله الطاقه الايجابيه.. وتقييمك ومتابعتك .. وكلماتك تشرح الخاطر
ياجمالك يا جاسم ربي يسعدك ولا يحرمنا من هـ الطله