العلاقة الجنسية عبارة عن تلات أجزاء مترابطة: جسدية، نفسية، تواصلية
الخلل في جزء منهم يؤدي لخلل في الشكل كامل ...
الجزء النفسي هو الراحة النفسية والصورة الذهنية اللي عند كل طرف للتاني .. يعني لو الصورة الذهنية كلها غم فالموضوع كده هيبقى جسدي بس
الجزء التواصلي يعني التواصل بين الطرفين و مهارات التواصل بينهم، قدرتهم على التعبير عن مشاعرهم و اللي جواهم للطرف التاني ... لو ده مش موجود فجودة العلاقة حتما هتقل


مشاكل جنسية هتخلق مشاكل أسرية فالمشاكل الاسرية هتقلل جودة العلاقة الجنسية فتزود المشاكل الاسرية و تدخل في دايرة متواصلة من النكد الشامل
الحل ان الدائرة دي تتكسر!
-حسنوا صورتكم النفسية في عقل الشريك .
-قلل التوتر .
-مهارات تواصل و دي نتعلمها و ازاي نعبر عن مشاعرنا و اللي جوانا

على مدار سنين بيتقال ان الإعفاف الجنسي هو إعفاف جسدي فقط !
الإعفاف الجسدي هو ثلث الإعفاف الجنسي ... عشان كده بنلاقي ناس متجوزة و صحيا كويسين بس مش طايقين بعض ...
هل زوجتك بتفرح لما بترجع من الشغل و لا بتتوتر؟
هل زوجك بيفرح لما بيشوفك و لا بيتجنب الشكوى؟
مهارات التواصل بينكم و القدرة على التعبير عن اللي جواكم عاملة ايه؟
السليم صحيا (رجل أو ست) هيقدر على الإعفاف الجسدي لكن مش شرط يبقى قادر على الإعفاف الجنسي.
المفهوم ده المفروض يغير نظرة الناس لشكل علاقتهم كلها!

(ولأهلك عليك حقاً)