أعترف أن هناك نوع من الفتور يعتري قلمي

لكن سنحاول تمرين هذا القلم علّه يستعيد عافيته

تعتقدون البرد له دخل ؟

للعلم ماعندنا برد ونشغل التكييف البارد

صحيح أهل جده تجمدوا

لكن هذا لاينطبق على اللي جربوا الدرجات الصفريه

الآن يجي الأستاذ رايق مطفي النور ويحتج

" ليه تتنمرين على أهل جده " ؟

ماعليكم من ردة الأستاذ رايق
إذا كان اتحادي فالليله ليلة انس عنده وماراح يعصب

المهم ..
ذكرت ضمن اجاباتي بالناقد قصة حوار دار بيني وبين بعض الصبايا
تعالوا أكمل لكم الحوار
الحوار كان عن واجبات الزوجه تجاه زوجها
الجيل القادم تمت " برمجته " بشكل مغاير جدا لما هو معتاد
بصوت واحد يقولون المرأه غير ملزمه بخدمة الزوج
" راح فيها هالزوج "
طبعا وان كنت انافح عن حقوق المرأه لكن لايرضيني هذا الانسلاخ من واجباتها
سألتهم ، ليه يتزوج الرجل اذا ماتكونين مسؤوله عن بيته وأولاده
ردت " كبيرتهم " الشيخ قال ان المرأه غير ملزومه بالطبخ والنفخ لحضرته
إذا يبغى خادمه يروح مكاتب الاستقدام
ما أدري ، تحس دين جديد نزل عليهم
المهم سألتهم ، طيب انتم ليه تتزوجون ؟
قالوا من أجل الانجاب فقط
قلت يعني " مكنات تفريخ "
ليتكم قاعدين على صفتكم الاولى بس
قلت طيب المساكين اللي تجيبونهم تبع من ؟ ومن يخدمهم ؟
أصروا على ضرورة استقدام عامله لأن حضرة المرأه مش مربيه لعياله
عاد وحده منهم نشبت لي ، وكنت أعرف مدى تعلقها الشديد بوالدها
إلتفتت لوالدتها وقلت
من بكره لاعاد تطبخين لابوها ولاتخدمينه بأي شكل
ترى الشيخ قال مايلزمك
صاحت فيني لااا إلا بابا
وقلت لها قولتي المشهوره " الخلا بس "

شوفوا يامعشر الرجال
الأجيال السابقه استبدت تجاه المرأه بدعم كلي من المجتمع والقانون
خلونا نحصرها خلال كم عقد مضت
عاد هالجيل بيطلع الإستبداد من خشومكم
والله ودي أساعدكم لكن ماباليد حيله

أتوقع قريبا ينزل مع عقد النكاح
" منيو " الطبخ الأسبوعي
ولابد من اتفاق الطرفين
عاد المحظوظ اللي يلاقي بنت تقبل تطبخ له
هذا كل النسوان يحسدون أمه قبل يحسدونه

وأعتقد بيلزمهم التوقيع على الوجبات
الافطار بيض بالطماطم
الغدا … ماله داعي
ممكن تجي أيها الشاب المسكين من العمل ميت جوع
تسأل عن الغدا وترد عليك بثقه ماسجلناها
فتضطر تروح تجهز لك طبق اندومي

تبون نصيحتي !

لاتتزوجون

اقعدو ببيوتكم

بروا امهاتكم ابرك لكم

وتبون الجد ..

مؤسسة الأسره تهدم بمعاول عده
البناء بطريقه للإنهيار
البطاله
العزوف عن الزواج
المفاهيم الغريبه
انعدام المسؤوليه
نواقيس تدق أساسات هذا البناء


وبس