صباح الخير

صباح الدفا اللي بدا

اليوم في كثير من المنازل أشبه بالعيد

بهجة الاطفال بالعوده للمدارس رائعه

طبعا المفروض هالقرار من بداية العام الدراسي

لكن مزاجية وزارة التعليم

يعني الفايروس منتشر الآن أكثر من بداية العالم

كفانا الله شر الوباء

وأتم العافيه والنقاء على البلاد والعباد

الآن روسيا ناويه جد على غزو أوكرانيا ؟

ياترى ماهو " الأكشن " المصاحب ؟

أحجار كبيره بتتحرك من مواقعها

إحنا مالنا شغل ، نتفرج واحنا ساكتين

وأصاله تقول

ياحبيّبه صباح الخير

أصاله تقول انا مالي شغل

فيما يخص منشور بوادر الحرب بين روسيا وأوكرانيا

أدري ان العرب كريمين ولازم يحاسبون على المشاريب

لسنا في معزل أبدا ولن نكون

لكن تناولت الموضوع " شطف " من باب السلامه


وبعدين جماعتنا تكفون اركدوا
ترى أوكرانيا مافيها جهاد
صحيح بناتهم حلوين لكن مافيها جهاد

شفتوا الشيخ الي أفتى بعدم وجوب خدمة المرأه لزوجها
هو نفسه اللي يحث الشباب على التعدد بحجة إحياء السنه

انا شخصيا مع التعدد " للكفو "
لكن المشكله ماعاد فيه كفو
صاير التعدد أشبه " بهبه "
يشرد اولاده وزوجته علشان نزوه ويقول إحياء للسنه
مايدري اولاده بأي مرحله دراسيه ويقول تعدد
مكنة تفريخ انت ووجهك
لاابوها من طواعه
قسم بالله أشوف بعيني قصص تشيّب
لكن أبشركم ماعاد فيها مستحى
غسلت شراعهم غسل


أكمل دورك كأب وزوج ثم " تقلّع " وتزوج


ونكتفي بهذا القدر