تنشد عن القريحه ووين هي مياديني
ووين فتل ابيات الشعر ومتى انتعاشه

انا ذخرت القصيد حطب نارٍ بشراييني
ماتوقد الا بعلمٍ كايد ومواقف جيّاشه

على كثر مايطري الشعّار الحب وفنونه
تظن البشر مافيها حاقد ولا حــــاسد

خفّوا علينا ياللي حصاد الهوى تجنونه
ندري ان بحر المشاعر بقلوبكم راكد

طيب …




يمدي الواحد يتبرع بقلبه وهو حيّ !
ويبقى بلا قلب ..ولا حب .. ومشاعر

أحيان .. ودك تطوي ايامك كلها طيّ
ملّيت .. من أيام سود كالخنـــاجر

ماهي كآبه .. ولاحزن كامن ولا شيّ
مجرد هواجس .. وإحســــاس عابر

وش فايدة أقلامنا اذا ماكانت الضيّ
حبرها وقود .. وسَنانها سهم كاسر

ونرجع نشرب الرضـــا شرب الميّ
مسلم بنعمة المولى ماني كافـــر


،،

،،


وانا ياما جرّعتني الليالي مالا اطيق
وشربت مرّ الايام قبل اذوق حلوها

مازلت واثقٍ بالفرج حتى لو تضيق
وانطح حظوظي شينها قبل زينها

من عهد ادم ماصفت للمخاليق
وش عاد حنا علشان نسلّم لها !


،،

وحتماً ..




بتزين ، غصب عن سود الليالي بتزين
لو جنود الياس تزحف بجيوشها زحف

اقولها ..وقولي يغني عن حلف اليمين
ماتشين .. ورب الخلايق ان قدّر لطف


،،

الحين انا " أحرّج " على قلبي والا قلبك ؟

عاد ذا القلب لو أهبه لحد رماه بخشتي