| |||||||
2313Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| إضافة رد |
| | LinkBack | أدوات الموضوع | انواع عرض الموضوع |
05-13-21, 11:10 PM
| #61 | ||||||||||||||
  صحراء نجْد
|  .. اليوم صلينا العيد بمسجدنا بالعاده مسجدنا صف ونص اذا امتلى .. لكن اليوم غير ثلاث صفوف ونص من غير النساء بعد طلعنا لاحظنا عجائز طالعات من المسجد .. الناس متعطشه للمساجد بعد وباء كرونا وتخوف الناس والحجر والتباعد .. شعر الناس بتقصيرهم وتفريطهم .. واليوم شفنا استقبال الناس لشكر الله في هذا اليوم فاللهم لاتحرمنا عفوك وعطفك علينا اللهم اننا تهاوننا في عبادتك فاللهم قليل عفوك يمحي عظيم ذنوبنا .. | ||||||||||||||
| سمو المجد and أوتار الأمل like this.  |
|
05-13-21, 11:19 PM
| #62 | ||||||||||||||
| صحراء نجْد
| !! عندما سأل الشيخ صالح الفوزان عن التخوف من المستقبل وعدم التفأؤل قال مستقبلك الاخره ضع مستقبلك فيها الدنيا سوف تتركها ماهي لك انت فيها عابر سبيل !!! لو انها عند الله شيء كان ما اسقى غيها عاصي شربه ماء والله انه صادق نزعل ونتضايق ونتهاوش ونكد ونشقى واخرتها مودعينها راحلين ومالك فيها من شقاك الا كفن لاو وبعد على حساب الخيريه وفاعلين الخير ماهو من مالك ... والورثه بكره اخذين شقاك ومبذرينه تخيل واحد من عيالك بكره وراث منك مليونين ورايح يطيرها سياحه ويشتري فيها قط بعشرين الف والا سياره بثلاث ميه الف وانت خلك بقبرك لاحد متصدق ولاحد باني لك مسجد !! فكرت فيها زين اجل خلاص تصدقو واعفو وسامحو وعيشو حياتكم ..! ابو ملايين ان بغيت رقم حسابي حاضر !؟ | ||||||||||||||
| |
|
05-14-21, 05:36 PM
| #63 | ||||||||||||||
| صحراء نجْد
|  استراحه محارب .!! | ||||||||||||||
| |
|
05-18-21, 12:53 AM
| #64 | ||||||||||||||
| صحراء نجْد
| .. مره كنت جالس في مزرعتنا على طاوله مستديره صغيره ومقابل لي صاحب السمو الملكي الامير سلطان بن عبدالعزيز ( رحمه الله ) ووكيل اعماله قحطاني !! كنا نسولف بكذا موضوع ثم اراد الله يرحمه ان يكرمني بأعطائي قطعه ارض بالجنوب فقل لوكيله اكتبها له الارض الفلانيه فأنا حز بخاطري بعد مكانها فبيني وبينها فوق الالف كيلو فلمح رحمه الله ناظري وكأني لم اهلهل بالفرح فقال نشتريها منك بدل ماتتعب بنقلها ومشاوير ففرحت صراحه .. فقال باربعه ملايين قلت اتمها خمسه قال ماتسوى قلت انت كريم وانا استاهل فقال خذ الخمسه ( لابارك الله فيك او زي كذا حولها بننبره مزح هههه انا صراحه الاربعه مليون تكفي وراضي فيها ولكن طلبت هالمليون زياده لاعطيه خواتي الست خاص لهن بدون اخواني وامي لانهن متزوجات لكن هذه اللحظه جن في بالي ونويت ان افرد شي خاص لهن !! رحمه الامير سلطان بن عبدالعزيز رجل الخير والايادي البيضاء من يفسر لي هالحلم حلمت فيه برمضان اللي امس  ؟!! | ||||||||||||||
| الفريده and أوتار الأمل like this. |
|
05-23-21, 10:55 PM
| #65 | ||||||||||||||
| صحراء نجْد
| .. الحلقه الاخيره من مسلسل يوم اخر .. وخاصه وفاه خالد  هاليوم ما انساه كل ما اتذكره ترجع بي الاحداث له في يوم الحلقه الاخيره توفى رئيس نادي النصر الامير عبدالرحمن بن سعود وهذا احبه بقووه واعشق ناديه وفي يوم الحلقه الاخيره زواج ولد خالتي .. تدرون رحت للزواج شوي ثم رجعت اتابع المسلسل هالمؤلفه والممثلين ابدعو في تصويرهم للقضايا حتى شاركناهم كمتابعين وتاثرنا معهم مع اني غير مهتم بالمسلسلات لكن هالمسلسل الله يسامحهم كسرو قلبي فيه الله يرحم عبدالرحمن ويوفق ولد خالتي ويسامحك يالمقله والكواري خربطتو مشاعرنا بذيك الليله !! تحبون هالمسلسل :: طيب وأنا ( بصوت خالد او خلوود كما يناديه ابوه رحم الله عبدالعريز الجاسم | ||||||||||||||
| أوتار الأمل likes this. |
|
05-23-21, 11:22 PM
| #66 | ||||||||||||||
| صحراء نجْد
| .. ببيع البدواه وحياه الشقى والذود وحتى الخزامى والشمطري ونواره من صار نص التواصل اهل منقود وكلن يبي يكسب من البدوان معياره شريت اربع عصافير بيض وسود وبحط بالصاله بيانو وقيثـــــاره !! وياريم اشتري للربايع براقع سود ولا يالبخاري انطح الغاره بغاره | ||||||||||||||
| الفريده and أوتار الأمل like this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
