!!

النايفه بمدونتها !

ذكرت الشاعره مويضي البرازيه انها ماتبي الشجعان تبي ضعيف الحال !!

لاوالله مويضي تبي خبل لكن انقلب الوضع عليها ..
بحكي لكم قصتها ..

هذه مويضي ترد على اخته ( بنا )

اختها تقصد وتمدح زوجها الطيب

هي دخلت بالعكس قالت مابي الكريم اللي كل يوم وانا اغسل قدوري من وراه
ومابيه شجاع كل يوم وهو معركه ويدي على قلبي اما مذبوح والا ماخوذين

ابي واحد مايتعدى البيت

تقول بنا البرازي :
‏شوقي غلب شوقك على هبت الريح
محصل(ن)فخر الكرم والشجاعه
‏وركاب شوقي كل يوم(ن)مشاويح
‏واليا لفى صكوا عليه الجماعه
‏يالبيض شومن للرجال المفاليح
‏لاتقربن أهل الردى والدناعه
‏
فردت مويضي البرازي :

ماهم بغاويني رجال الشجاعه
‏ودي بهم مار المناعير صلفين
‏أبغاه مندسٍ بوسط الجماعه
‏يرعى غنمهم والبهم والبعارين
‏واليا نزرته راح قلبه رعاعه
‏يقول ياهاف الحشى ويش تبغين
‏وأن قلت له هات الحطب قال طاعه
‏وعجلٍ يجيب القدر هو والمواعين
‏ولو أضربه مشتدةٍ في كراعه
‏ماهو بشاكيني ولا الناس دارين


في احدى المرات قالها زوجها ياطويله الحجب .. اي ياطويله الكراعين او الساقين /

هنا ظهرت مويضي بقصيده هجائيه على زوجها اللي تمنته .!!

طول الحجب ماعذربن كل قبّا
‏يوم اللقا مايركبه قاصر البوع
‏.
‏اجلس ببيتك جعل بيتك يهبّا
‏ياعل بيتك بين الابيات مجدوع
‏.
‏عسى الصغيّر بيننا مايربّى
‏عساه مايلعب على فرخ جربوع
‏

!
صباح الخير ..

تفائلو ..
فأن الرسول صلى الله عليه وسلم
!يحب الفأل ..
ويكره الطيره .. والتشاؤم

وقال صلى الله عليه وسلم .!

(بشرو ولاتنفرو )

و( تفائلو بالخير تجدوه )

عندما قص يوسف عليه السلام رؤياه على ابيه يعقوب قال له :

لاتقصص رؤياك على اخوتك فيكيدو لك - فكادو له -

وعندما اراد يعقوب ان يمنع يوسف من مرافقه أخوانه قال اخاف أن يأكله الذئب
( فصنعو قصه من الذئب )

وعندما طلب والي مصر اخوهم الصغير حتى يزيد لهم الكيل

قال يعقوب اخاف يغيب مثل ما غاب اخيه يوسف ( فغاب ايضا

ليست قصه يوسف تشاؤمً
ولكنها جات في بالي وذكرتها ..