الـــســلام عليكم ورحمة الله وبركاته

ها أنا اليوم أضع بين يديكم روايتي الأولى بهاذا المنتدى
نعم فقد طرحت في منتدى آخر روايات ولكن لم أستطع أكملها بــسـًبب ظروف خــاصه وقــاسيه ولـكن حمداً لك ي الله فهيا فتره وعدت
وها أنا اليوم أقف بعد سقوطي عدت مرات وانا أوقع على محاولاتي ب الفشل ولكن عدت اليوم أقوى من قبل وأمل أن أكمل روايتي ويكون لي بــصمه بين الـناس عندما يقولون الـكاتـبه غموض نجحت ب روآيات عديده لها
لا أريد أن أطيل عليكم ف سأبدأ بدايه شامخه ب اذن الله



اترك لكم الخيار ب إكمال مسيرتي الكتابيه وتشجيعي ام لا






استودعتكم الله

( ربي أدخلني مدخل صدق واخرجني مخرج صدق)
'الاسراء'

مدخل /
غمازتك في سما خدك دايم تشع. ونظرات عيونك تفوز بألذ حُب .

ياعُيونك الي تاخذنِي عن الكُون ياعُيونك اللي أشوفها كون ثانِي.


الــــبارت الـــــاول

في إحدى ڨلل الرياض
منار كشرت / يمه تكفين يعني انا أصغر وحده ليه كل مكان تاخذيني المفروض لمى أو فاطمه مب انا
ام فيصل / فاطمه مخطوبه ولمى محيره لولد عمكم هاني بس باقي انتي يمكن وحده تشوفك وتخطبك لولدها
منار بغرور/ مامي حبيبتي نسيتي ذا الشهر ٣ خاطبيني وانا رافضه
ام فيصل / ي ليل انتي وغرورك اخلصي علي والبسي
منار صعدت لجناحها وهي مب طايقه الروح ب الاصل لبست فستان اسود لين نصف الساق جاي على جسمها يجنن وكعب اسود برضو واكسسوارات وفكت شعرها اللي يوصل لين نهاية ظهرها وڨيرت شعرها وحطت ايلاينر و روج خفيف وضبطت نفسها وحطت مناكير احمر ناظرت نفسها ب إعجاب/ فديتني وفديت جمالي يحق لي اغتر
طلعت عباتها وطرحتها والنقاب ولبست وأخذت شنطتها ونزلت
منار / ماممم خلصت
ام فيصل اللي كانت جاهزه ب الاصل / يلا فيصل ينتظرنا على الباب
ركبو السياره
منار / فصصولي ممكن طلب
فيصل رفع حاجب / كم مرا قلت لك لأ تدلعيني بس زوجتي تدلعني
منار/اوكك فيصل ب الله عندي مشششروع أحياء وضروري اخلصه اليوم لأن التسليم بكرا ابي مساعدتك
فيصل ب تأفأف/ يخي انا كم مرا قلت لك انا دارس أدبي مب علمي
منار / فصصصيل بلا لعانه ادري بك دافور علمي
فيصل ب ملل / اكك بس ترجعين ب ساعدك
منار / ثاااااااااانكككككككيوووووووو ي احلا اخ
فيصل ضحك على الخفيف على أخته
وصلو ل ڨلة صديقة امها
نزلت ودخلو. أول ما دخلو لقت الخادمه واقفه عشان تأخذ عباياتهم عطتها وضبطت نفسها على المرايه اللي ب اول المدخل دخلت ب ارتباك داخلي خلف امها لاكن من الخارج ثقه وغرور
سلمت على ام خالد صديقة امها
ام خالد ب إعجاب /انتي منار مب كذا
ضحكت منار وفص الألماس اللي بسنها بأن / الا انا ي خاله كيف حالك
ام خالد / بخير الله يسلمك ويحفظك اي سنه تدرسين
منار / آخر سنه ثانوي
ام خالد / الله يوفقك تفضلي قالتها وهي تتحسر بداخلها* مالت على حظي ليت عندي ولد ثالث ازوجه منار *
دخلو المجلس وهي وأم خالد يتكلمون ومنار تبتسم واللي زاد جمالها الغمازات اللي بخدها
سلمت على الحريم وجلست وعيون الحريم عليها كانت جالسه جنب حرمه كبيره ب السن لأكن باين عليها من الطبقه فوق الريح
ام ناصر / قريتي على نفسك ي بنيتي شوفي الحريم ماشالو عيونهم من عليك لأ يصكونك عين
ضحكت منار / والله نسيت راحت عن بالي لو تدري امي كفختني
ام ناصر / معاها حق عيون الناس ما ترحم حصنت نفسها منار
وماهي الا شوي تسمع صوت حرمه تكلم امها / الا ي ام فيصل أخبر عندك بنات مخطوبات
ام فيصل / اي وانتي الصادقه بنتي الكبيره فاطمه تجهز لعرسها وبنتي لمى محيره لولد عمها بس مسافر عشان كذا ماملكو
ام ضاري / الا ومنار بنتك مهيب مخطوبه
ام فيصل/ لأ والله رغم أن خطابينها كثار الا انها ترفض عشان دراستها
ام ضاري / والله ي ام فيصل الخطابين إذا راحو مايردون
ام فيصل حطت رجل على رجل /والله ي ام ضاري منار رافضه للزواج بتاتاً وابو فيصل معاها تعرفين اصفر عياله ومدلعها وكل ما رفضت يقولها ليه تتزوجين ما هو ناقصك شيء
ام خالد / اي ماشاءالله تبارك الرحمٰن مب ناقصها شيء الله يرزقها الزوج الصالح اللي يسعدها
منار حست بتوتر العيون كلها عليها حتى أن ام ناصر انتبهت لرجفت يدها لأن منار إذا توترت قامت ترجف
رن جوال منار وكان ب اسم الغالي ردت / هلا يبه
ابو فيصل / وينكم فيه
منار / عند خاله ام خالد
ابو فيصل / طيب عمك ابو هاني جاينا ارجعو البيت عشان تجهزون وإذا امك بتبقى عادي بس تعالي انتي تخبرين احب ترتيبك
ضحكت منار / ابشر ي ابو فيصل من عيوني
ابو فيصل / يسلمهم
سكرت منار من ابوها
ارسلت لأمها واتس / مام ترا ابوي يقول ارجعو عمي ابو هاني جاينا
ام فيصل اعتذرت من ام خالد وقامت هي ومنار طلعت ام فيصل وجت منار لاحقتها لاكن يد ام ناصر مسكتها / عطيني رقمك ي بنيتي
منار / ابشري ي خاله سجلت رقمها لام ناصر اللي اعطتها جوالها وحطته ب اسمها منار طلعت منار عقب ما سلمت على ام ناصر

اما عند ام ناصر ب ابتسامه وبنفسها / طحت ي صقر ومحد سمى عليك ربي يجعلها من نصيبك


ب إحدى قصور الرياض
جالس مع جدته
ام ناصر / الا ماقلت لي وش تبي مواصفات زوجتك
صقر بورطه وهو يطلع شروط تعجيزيه/ اممممم ابيها حلوه وشعرها طويل اي ولها غمازات وفيها غرور ولاتكن طويله ولا قصيره وابيها كشخه وذوق وبنت ناس
ام ناصر بخبث / لقيت لك وحده فيها كل ذي الصفات
صقر بصدمه / مستححححيل
ام ناصر ركت ظهرها على الكنبه / تجنن وهيبه ولها غمازات ولاهي طويله ولا قصيره وشعرها طويل وبنت واحد معروف ب السوق وكل ما دخلت مكان الأنظار عليها
جهز نفسك بنروح نخطبها
صقر / مستحيل مافي بنت زي كذا
ام ناصر / بشوفها ب الشوفه وبتقول امي ما غلطت
قال بنفسه صقر / شذي الورطه وكيف بطلع منها


بعد كَم يوم
فبيت ابو فيصل
تحديدا جناح منار كانت تحفظ بجهد عندها اختبار أحيا بكرا
آن جوالها برقم غريب ردت / هلا من معاي
ام ناصر / انا ام ناصر اللي شفتيني عند ام خالد
منار تذكرتها/ يهلا والله كيف حالك ي يمه عساك بخير
ام ناصر / اي والله الحمدالله بخير الا بسألك فاضين اليوم
منار / اي ماعندنا شيء
ام ناصر والله ودي اعزم امك مسويه جمعة حريم وابيكم تجوون
منار / خلاص ان شاءالله أعلم امي وارد لك
ام ناصر / طيب ف امان الله

نزلت منار لعند امها / يمه تذكرين ام ناصر اللي يوم رحنا لعند ام خالد كانت موجوده؟؟
ام فيصل / اي اذكرها
منار / خذت رقمي ذاك اليوم وتوها اتصلت تعزمنا قالت مسويه عزيمة حريم وتبينا نجي
ام فيصل/شكلك اعجبتيها ونبي تأخذك لواحد من احفادها عاد ماشاءالله تبارك الله كل واحد له شركه
منار بتسليك / اي يمكن معاك حق لأ إله إلا الله أللهم زدهم وبارك المهم بتروحين أو لأ
ام فيصل / اكيد بروح وباخذك معاي
منار بصدمه/ يمه عندي اختبار أحياء بكرا
ام فيصل / عادي صار لك من الصباح تدرسين
منار/ يمههه
ام فيصل/ انتهينا روحي البسي
لمى وفاطمه كاتمين ضحكتهم
منار /اضحكو ليه كاتمينها
فقعووو ضحك/ ي ربي لك الحمد مخطوبات
لفت بغيظ منار وطلعت وهي تتحلطم / انا خبله احد قالي لأ اتزوج ولا انخطب بظل كذا لين اعرس اففففففف
لبست فستان ليكي وكعب اسود ومكياج خفيف بسس طلعت خيااااال ومع ساعه جابها لها ابوها بمناسبة نجاحها تصميم مخصص لمنار بس لبسها ولبست عباتها وطرحتها والنقاب وأخذت شنطتها ونزلت وهي تتحلطم طلعت هي وامها مع السايق متوجهين لبيت ام فيصل بعد ما أرسلت ام فيصل اللوكيشن
وصلو قدام قصر ام فيصل انبهرت منار رغم أن ڨلتهم ماتقل فخامه عن القصر هاذا
نزلت هي وامها دخلو وكانت ام فيصل تنتظرهم سلمو عليها ورمو عباياتهم ودخلو جلست منار ب اخر المجلس عشان لأ تكون الأنظار عليها بسس رغم هاذا ما سلمت كانت تذاكر من الجوال جتها ام ناصر /بك شيء ي بنيتي
منار / لأ والله ابد يايمه ما فيني شيء
ام ناصر / عادي تجين معاي ابي اجيب الحلا ومايمدي اشيله
منار / افا عليك ورا ماقلتي لي من البدايه مشت. مع ام ناصر لين المطبخ جتها دوخه ام ناصر وبغت تطيح لاكن منار مسكتها / بسم الله عليك جلستها على الكرسي ونزلت عشان تكون بمستواها سألتها عندك السكر ي يمه
هزت رأسها ام ناصر عرفت منار انه انخفض مسكت قطعة حلا وقربت من ام ناصر وعطتها كولي ذي ي يمه عشان يتعدل السكر عندها
ام ناصر بعد ١٠دقائق وقفت!/ مشكوره ي بنيتي م قصرتي
منار بعتب / افاا ترا ازعل كذا ماسويت شيء وانتي زي امي
ام ناصر ب ابتسامه / الله يسعدك ويرزقك ولد الحلال اللي يحبك ويسعدك
ضحكت منار وهي داخلها فرحه كل م احد دعى لها / الله يسعدك ي يمه
شالت صينية الحلا وحلفت على ام ناصر ما تشيل شي ودتها وضيفت الحريم ورجعت تأخذ القهوه من المطبخ م انتبهت لشخص واقف يناظرها بصدمه من جمالها










إلى هنا أقف معكم
انتظر تعليقاتكم بكل شغف وحب
استودعتكم الله٨

حــبـايبي
تـنزيل البارتات ب اذن الله كل احــد وثلاثاء
ما أوصيكم ب الصلاه م احلل ترا اللي يلتهي عن الصلاه بسبب روايتي
اسـتـودعـتكم الله الذي لا تضيع ودائعه❤️

الــبــارت الثـاني

سأقف معك حين يظن الجميع بأنك سيئ سأقول بأنك تخصنِي بكل سيئاتك
في ساعة اللُقيا تذوب همومنا
ويضوعُ من زهرِ السعادة طيبُ
الناس أحبابٌ بفطرة ربهم
فمتى تعود الى الوئام قلوبُ����


###################################


شالت صينية الحلا وحلفت على ام ناصر ما تشيل شي ودتها وضيفت الحريم ورجعت تأخذ القهوه من المطبخ م انتبهت لشخص واقف يناظرها بصدمه من جمالها رغم أنه تزوج كثـير مسـيار الا انهم ولا شي بجنب جمالها
رجعت شعرها لورا اذونها بملل من الحر وببحه صوتها الخقق تكلمت/يويلي ي حر الرياض يذبح لازم اقول لـفصول يسفرنا ذي السنه خارج المملكة الحر يقتل خذت الصينيه وطلعت بعد م ذوبت قلب شخص ببحة صوتها وجمالها
ضيـفت الحريم
وتكـلمت وحده من الـمجـودات / الا ي ام ناصر وين حفـيداتك ولـا شـغالاتك م يـضيفون ولا بس الضـيفه تـشتـغل
تكـلمت منـار قـبل ترد ام ناصر/ واللـه اعذريني ي خاله برد علـيك بس ام ناصر بعد قلبي زي امي وعلـى راسي خدمـتها هـي وضـيوفها وهـي تـعتبرني زي حـفـيداتها ولا مـاكانت طلبـت مني اجي للـعزيمه
انكتمت الحرمه بعد ذا الكـلام اما ام ناصر زاد إعجابها بمنار بعد كلامها بعد ساعه بدو الضيوف يروحون اما منار كـانت تكلم اخوها مـشاري
مشاري/ كـيف أجواء الرياض
منار / تكفى لا تذكرني حرررر موت
مشاري / والله بريطانيا جوهم برد دايم
منار / تكفى جيبني عندك موتني حر الرياض
مشاري بتسليك/ اي اي طبعا بجيبك
منار / طيب ادري تسلك المهم احنا عند صديقة ماما شويات بنروح اكلمك ف البيت بأي
مشاري / بأي
سكرت منار الجوال شـد انتبهها كلام ام ناصر
ام نـاصر بحزن وتلميح /والله ي ام فيصل تعـبت من هـالحفيد اللي عندي بيطق ال ٣١ سنه وهو ماتزوج وودي اشوف عياله لاكن مصمم على شروطه بزوجته المـستقبليه والله العظيم تـعجيزه بس لـقـيـت وحـدهـ بـها كل المـوصفات
ام فيصل / طيب زين اخطـبيها
ام ناصر / المصيبه أن البنت رافضه الزواج وياكثر اللي تـقدمولها ورافضه تقول بكمل جامعه وحتى انها ثالث ثانوي وودي اخطبهاش قبل تدخل الجامعه تخبرين الوحده من تدخل الجامعه تصير أنظار الكل عليها وهي ماشاءالله تبارك الله عليها جمال يجـنن بس وربي كـذا نفسي بذي البنيه تفهم علي وتفهمني
ام فيصل بتعاطف / ربي يكتبها مو نـصـيب حفـيدك عـلـيك ب الـدعاء بس
رفعت رأسها مـنار وبفضول اشتعل/ الا يايمه ماقلتي وش هي المواصفات
ركت ظهرها ام ناصر على الكنبه لأنه قام يوجعها / قال يبيها حلوه ولاهي طـويله ولا قـصـيره وشعرها طويل ولها غمازات وبنت ناس وذوق وثقه بنفسها عاليه
منار عقدة حواجبها / وش ذي المواصفات اللي يبيها كلها تعجيزيه وبعفويه كيف متحملتيه ي يمه انا لو مكان امسك العصا والحقه اظن يبي يعجزك بذي المواصفات اللي يبيها عشان لا تجيبين له طاري الزواج
ضحكت أم ناصر!/ وانتي الصادقه بس والله لقيتها يـاليـتها تـقبل ب الزواج من بكرا لاخطبها لـه
مـنار بعاطفيه / ي حياتي ي يمه ربي ييسر له ويتزوج اللي فبالك أن شاءالله
اما ام فيصل اللي تبسمت بلعانه بعد م فهمت مين ذي البنت مافتتها نظرات ام ناصر لـمنار ضحكت بداخلها والله ذي المره مانيب تاركتك ي منار ترفضين!!!

رن جـوال مـنار وتبسمت بقوه / هلا ي روحها
ابو فيصل /. تسلم روحك ي عيون ابوك انا واقف عند الباب
منار / ثـواني وحنا طالعين
سكرت منار من ابوها / يمه ابوي عند الباب @
ام فيصل ومنار لبسو وسلموا على ام ناصر وودعوها وطلعو وأم فيصل م وقفت عن المدح ب ام ناصر


####################################


فـي مكان ثاني ب الرياض
في احـدى المنازل اللي لاتقرب الحديثه ب اي صله قديمه جداً
كانت جالسه هي وامها ب الصاله اللي أكثر م يقال عنها بسيطه متهالكه بشكل كبير
جـُمانه / يمه تكفين يعني عاجبك وضعنا كذا انا ابي سلمان يكمل دراسته زين ما ابي يتأثر ب اي شيء ولا ينقصه شي
ام سلمان / ي يمه مستحيل اسمح لك تشتغلين
جـُمانه / يـمه صدقـيني ما بيصيبني شيء تكفين يمه والله وضعنا بيتحسن
ام سلمان بعد تفكير عميق زفرت بعمق / مـوافقه
جمانه ابتسمت واخيرا بتبتسم لنا الحياه حضنت امها بقوه تعبيراً عن شكرها
وقامت بتروح لسليمان تشوف وضعه مع الدراسه
دخلت الغرفه وابتسمت وهي تشوفه يطقطق بجواله من الملل من جو الدراسه
جمانه / انا ماقلت مافي جوال لين تخلص دراسه
سلمان ب استعطاف/ حبيبتي ي جومانتي طفشت من الدراسه
ابتسمت جمانه / اوك موافقه ساعه وحده بسس
سلمان حضنها بقوه / شكرا ي احلى اخت ف الدنيا
مسحت على شعره جمانه هو وامها أكثر شيء يسعدها ب الحياه طلعت من غرفة سلمان متوجها لغرفتها ألقت نفسها على السرير المتهالك ونامت بمعمق وهي ميقنه تماما أن ربها بيسعدهم ويفرج عليهم وما بعد الضيق الا الفرج


#######################################


وب بريطانيا
في إحدى العمارات اللي كانت بحي يشتهر بأن العرب تكثر به
بشقه مشاري و صديقه سامي
الشقه عباره عن غرفتين وصاله وحمام ومطبخ
رمه نفسه على الكنبه / اخيرا آخر يوم بكرا م أصدق اننا خلصنا وبنتخرج أخيراً
مشاري / صادق وأخيراً م بغينا نخلص
سامي / لاتنسى تغسل المواعين اللي عليك
هز راسه مشاري بتسليك لسامي وسامي داري انه م بيسوي اللي قال عليه ولا بيحرك صحن هز رأسه بيأس ومشى لغرفته

#########################################

من جمالك م يكررك الجمال انتي حاجه … ما تكرر مرتين
أنتي دُعائي بين ربي وبيني ������
قلوبنا لبعض ، لو بينا ألف بُعد ������


########################################


فـاليوم التالي

بشـركة صــقر نــاصر الـ.........
فـمكتب المدير
مركي رأسه على الكرسي وفـكره كله مع اللي شـافها امـس كـل الـمواصفات اللي يبيها فيها الزين والطول والشعر والغازات والثقه والغرور كلها مجتمعه بذي البـنت
جاه صوت داخلي / يـمكن متزوجه ي صقر وحرام تفكر فيها
نطق ب داخله / مسـتحيل هي لي
جاه صوت آخر / وش المستحيل ي صقر انت تدري ان كل اللي يجون لجدتك متزوجات يعني مستحيل ذي مب متزوجه
نطق بستنكار وتملك/ مستحيل هي ملكي لي وحدي م بخلي احد ياخذها
جاه صوت من عقله الباطني /صقر انت حتى اسمها م تعرفه وتبيها لك
هز راسه يطلع الأفكار اللي دخلته من أمس وماتركته بحاله توديه يمين وشمال



انـتـهـى الـبـارت إلـى الـقاء فـيوم الـثلاثاء بـاذن الله

لا إله إلا الله وحده لا شريك له الملك وله الحمد وهو على كل شيء قدير
استغفر الله العظيم واتوب اليه