ً
ً

تقول اختي جودي :
" اخونا متامل
غادر قبل يومين وفي قلبه غصه على
اهل المخيمات والاطفال
لست وحدك متأمل نحن معهم بأضعف الايمان(ألسنتنا) "

اي والله صدقتي ما قدرت اكمل من الالم
وبقيت الى هذا الوقت متألم ..
لهم الله وحده

شكراً اختي جودي



ِ

عندنا مثل يقول :
" ليتهم ذيك الليل رقدوا "
عاد اللي يعرف المثل راح يفهم قصدي
يعني بدل ما تدعي لهم وتحث على مساعدتهم
تتشمت فيهم !!

راح يجيني واحد مطفي النور ويقول :
مو شماته هو يقصد بانهم لو بقوا على حالهم
وما تظاهروا وتمردوا وما كان هذا وضعهم ..!

بالله هذا كلام يقال ؟

اصلاً وش خلاهم يتظاهرون ويخرجون !
الا القهر والذل والفقر والحاجة ..

انا شخصياً رحت سوريا وشفت بعيني كل شي
الناس هناك يخافون من ظلهم
وصور بشار الكلب وابوه
في كل مكان وعلى السيارات وعلى كل شيءٍ
والسبب الخوف منه ومن بطشه
يعني معيشهم ابوه في خوف طول حياته
وذا جا يكمل المشوار ..

الحياة هناك كانت كلها خوف وذل
وعندهم كل شيء الا الفلوس
يعني الخيرات عندهم بلا حد
بس مافي فلوس مافي مصاري
ومجبورين يعملون بكل شي
عشان يحصلون فلوس
حتى اللي في البارات والرقاصات وغيرهم
كلهم يسوون كذا عشان لقمة العيش

لانه ذلهم الى درجة خلاهم
يسوون اي شيء مقابل المال
حياتهم كلها مزيفة
مدح وثناء وولاء للرئيس
وحالهم فقر وعوز وعذاب

مره وانا راكب مع صاحب تاكسي
قلت له اشوف صور بشار وابوه بكل مكان !
قال ولو هيدا الرئيس وكلنا تحت امرو
قلت بس ما يصير كل ذي المبالغة
قال خيو اسكت بس
لو ما نعلق صورهم نروح في ستين داهيه

المهم اخذنا الكلام الين وصلنا للفلوس
قال لي شوف ..
لو تبغى زوجة بشار بنفسها
بس ادفع وهي تجيك
يقصد بانهم في حال لا يحسدون عليه
وكل الرقاصات وبنات الهوى
في الاصل بنات ناس
بس الفقر والعوز احوجهم الى ما صاروا اليه
ومع كل هذا شفت ناس متعففين ومحافظين
ولا همهم فلوس ولا غيرها .. لان معدنهم اصيل


المهم الدكتور الفوزان اظنه مثل اللي يقول :
بغى يكحلها اعماها
يمكن قصده طيب بس خانه التعبير
لكن ومع هذا لا يعذر ابداً
لانه لو سكت كان افضل له من هذا الكلام
ولكن اراد الله ان ينطقه بما لم يريد
واراد الله ان يجعلنا طوق دفاع عن اهلنا في سوريا

واقول له ولغيره :
احمدوا الله الذي عافاكم مما ابتلى به كثير من الناس
واتعضوا ولا تظنون بانكم خير من غيركم
الخيرية في التقوى والدين
اما الفساد والمهرجانات الغنائية والتبرج
فوالله ان عاقبتها اليمة
ولعلمكم كانت سوريا ودول الشام ومصر
في نعيم وخير وكنا في فقر وعوز
ولكن بطروا وفسدوا وتعدوا حدود الله
فاذاقهم الله لباس الخوف والجوع
ونحن الان في عافية ونعيم وخير
وان بطرنا وفسدنا وطغينا
فسوف نصبح مثلهم تماماً
لذلك لا نفرح بما نحن فيه الان من اوضاع
ونسأل الله العافية والعودة للهدى والدين

وكما قال الله :
" وتلك الايام نداولها بين الناس "



ِ

^
^
عشان تفهمون المضمون
فيه تغريدة للدكتور عبدالله الفوزان
يقول فيها :
نتائج عربيهم العربي
يعلق على صورة البنت اللي ترتجف من البرد ..

ِ

المشكلة ما ظهرت وحاولت اكثر من مره احملها
لكن ما ظهرت
عشان كذا بينت القصد …


ِ

ً
ً

" انتقم من الشدائد بنسيانها "


ِ