اعجبتني المجارة من الشاعر عتيق ماشاء الله سلاسة وتصوير ومعاني مبدع ياعتيق
والقارض مايحتاج اشاده ينظم وصح لسانه

تسلم حطاب الغدري هذا من طيبك

صمنا وتغير مسرب القاف .... ياحول
والا نوينا نعطي للقاف .......... هيبة
يا مرحبا بالقاف من عينة ..... زحول
اللي لهم بين النشاما ............. نهيبة
يا مرحبا بك يا فتى الجود .. والقول
عتيق القاف ومحلي القاف .... طيبه
وش عاد لو قلبي على الحب مجبول
راحت عليه يا عتيق .......... الحبيبة
وقعدنا عقب الترف مع جرة .. الفول
صارت علينا يالسنافي .......... غليبة
عذره بياض الشيب في خدي يجول
عزاه لمن بيض العذارى ........ طليبه
نصيحتك وصلتني والنصح .. مقبول
ولولا الصبر صارت حياتي ..... غريبة
الشاعر/ القارظ العنزي
========================
. --<<<< { استبشر بالخير } >>>> .
بس نفطر يالقارظ وندق للحرب الطبول
إن حب يجي حبيبك بطيب وإلا غصيبه

عند الشدايد نلقاك وتلقى رجال الزحول
ماتهاب الموت اليا اشتدت حرب اللهيبه

يفداك الحال و المال والروح على طول
والعاصي بقدرة الله القوي بالقوة نجيبه

ابشر بسعدك ما دام قلبك بحبها مجبول
استبشر بالخير غدا تقول جات الحبيبة

غدا تقعد مع العسل تصلي على الرسول
تارك الفول ومستبشر بالفوز بعد الغليبة

الشيب ما يعيب حامل السيف المسلول
كل العذارى تفاداه لصاحن بيوم الطليبه

ترى الهوى اللي هوابك قلبك عنه مسؤل
والصبر يا خوي دواء للجروح العطيبة
الشاعر/ حمد بن فهد المخالده السبيعي

عشت وصح السانك على
جمال المجاراة شاعرنا الفذ
واخونا حمد بن فهد لاهنت