ربما الشياطين تُعاني من غلطة إبليس
كما نُعاني نحن من غلطةِ آدم !

توي ببدا اتفاعل بالمنتدى
الا غيث يدخل علليي { ماما انا جوعان
بعدين اجل نتفاعل الحين بروح اعطيه حاجات يأكلها

زعلت والله ..
كل يوم اصوم ولمن بجي بكرا ما يمديني
لان وراي تحاليل سكرولازم احلل وبعده
افطر وارجع احلل
قبل يوم جالسه اضحك على اختي لانها افطرت يوم
كانت بتروح المستشفى وقال لها اخوي بعدين
مو لازم لعب براسها وافطرت
وانا اقولها مستحيل افطر لازم بصوم الايام كلها
وبكرا طلع تحليلي
نهاية الضحك
المهم ما علينا بنوم غيث وارجع اتفاعل بالمنتدى

وللأسف البارح سحبت على المنتدى
نومت غيث وحسيت اني تعبانه سكرت جوالي وحاولت انام
بس النوم رافض يجي وإلين الساعه ثلاث تقريباً بعده
نمت ولمن جات الساعه ثمان الا ابو غيث يرسل { يالله خليك جاهزه }
فارسلت له { موب رايحه ما نمت عدل }
وسحبه على الموعد ، الحمدلله ما كان فاضي لي
سكت وما رد لو كان فاضي وما وراه عمل كان جاء وسحبني
ونمت وصحيت الظهر اجهز الشنط
ابو غيث بيسافر وبروح عند اهللييي وبتعيد معاهم
وان شاءالله ابوغيث يوافق
من كثر ما اروح لـ اهلليي صاير يعصب شسوي اطفش
لحالي بالبيت ومو راضي يفهمني
عاد لو ما وافق بقتله
وبس والله والحين بصلي وبنام بكرا ورانا طلعه وابي اجهز
معي طبق لـ الطلعه وان شاءالله اصحى الظهر
اوك باي

ما شاءالله تقريباً من الساعه ٤ العصر
إلين هالحين الساعه ١٢:٣٦ دقيقه الدنيا جالسه تمطر
طلعت لـ بيتي العصر مع اجواء المطر
وتقريباً قبل يأذن المغرب رحت لـ أهلليييي
نسيت اقولكم كنت اقول لـ ابوغيث خلاص بجلس عند اهلليي لـ العيد
وما امداني اجلس كثير الا البارح جاء واخذنيوزعلان لاني ما
قلت له خلاص بنرجع لـ البيت
المهم جلست مع اهللييي والدنيا تمطر برااا وقال ابوي يالله
بنطلع العزبه قلت برا مطر قال تبين تطلعين
ولا اجلسي بالبيت
وجاء ابو غيث ورحنا العزبه والمطر كل ماله يزيد
وابوي مصر ما نرجع البيت يقول خل نستانس
ونزلني ابو غيث مع اخوي ورحنا عند اهللي وظلينا واقفين
ننتظر المطر يوقف وللأسف جالس يزيد
ورجعنا لـ البيت
ولسى بعد يمطر وبكرا متوقعين اكثر من اليوم
وبس والله

صباح الخير
عيد الله عليكم مباركوكل عام وانتوا بألفف خير
وربي انقطعنا عن المنتدى { بععد الامطار اللي جات النت للأسف
ما ععاد يشتغل وزياده على كيذا ضغط بالشبكات مع
العالم اللي جايه تعيد بالديره
وععاد طفشت من هالحاله وقررت اترك الجوال وكيذا واي نسيت اقولكم
اخذت اللقاح { المشكله مافيني الا العافيه لا حراره ولا حاجه بس
ألمم بيدي الله وكيلك اخذت اللقاح يوم الأثنين وتمنيت ما اخذته
هاليوم لانو الحجز متى ضبط معاي من الزحمه وزياده
على كيذا قبل اطلع { من الشهر الخامس لازم اخذه
وبعد مواصله ما نمت واحس خلاااص التعب ألفففف
نمت تقريباً الساعه تسع الصباح بعد ما قطعوا الضحايا
وصحيت الساعه عشر علشان يصحوني افطر { جايبه فطوري معاي
لاني ما أكل لحم واختي رتبته لي وقمت واكلت
وبعد صلاة الظهر رجعت ونمت في بيتي إلين قبل المغرب بدقايق
جهزت نفسي وجهزت غيث لانو العيد عند اهللييي
وبعدها على الساعه وحده رجعت لـ بيتي
وقلت اجلس إلين اصلي الفجر لانو ابيييي انام مرتاحه
والحين اذن الفجر راح اصلي واخذ ابرتي وانااام اقوا نومه
والععيد هذا ما صورت شي فقط مقاطع وكلهاا بـ { سنابي ولا اعرف كيف
انزل المقاطع هناا
اذا عرفت نزلتها واذا ما عرفت العذر والسموحه
المهم يالله مع السلامه