كح كح كح >> وش هالغبار
سحبت على المنتدى بشكل قوي ولا حتى سجلت دخول ابد
من جاء العيد وراح واحنا بعزايم
حتى بيتي ما نمت فيه اغلبه عند اهللييي وشغله مع العزايم اللي
ما تخلص الين جات عزيمه عند حمولتي
وقروشة العزايم وبعده رجعت بيتي وانقلب نظام نومي وصار لكل شخص
نظام وابوغيث الا اصحى معه ولا غيث اللي يحب يخرب نومي
مرااا تعب وللأسف قررت استقر في بيتي وما اطلع ابد
بس ماش { لم تزبط معنا
طلعنا لـ وحده بالنفاس جايبه مولودولازم اروح مع اهلليي
وبعده رجعت بيتي وخلاص { ابو غيث ما راح اطلع لـ اي مكان سامع
ما امداني اتم يوم الا مصحيني يالله تجهزي بنروح لـ المدينه الفلانيه صد رد
وكالعاده صحيت من عز نومي اتجهز وطلعنا .
ورجعنا بوقت متأخر
وبعده { يالله اصحي بنروح لـ المدينه الفلانيه بنشوف اذا بننام فيها اول لاا
تعب تعب تعب جسسسسدي ونفسي ودماغي ومخي
وان رفضت زعل
واخرته البارح رعت لبيتي وبعده اليوم الثاني طلعت لـ اهللييي
والحين رجعت لـ بيتي
يقالي الحين خلاص بصمل وما راح اطلع بس تذكرت
انو لازم اطلع علشان نبدا نأثث بيت العمر
الطلعات فيني فيني
عاد هالحين بنام لاني تعبانه بشكل خطير
تصبحون على خير

السلام عليكم ورحمة الله وبركاته
كيف حالكم جميعاً
قررت اليوم اترك المنتدى ، واذا الله كتب رجعت بعضويه جديده
لكن والله ما ادري متى
لذلك اتمنى اني كنت ضيفه خفيفه على الجميع
واعذرونا على القصور .
واستودعتكم الله .
مع السلامه.

السلام عليكم
ورجعت لكم بعد غياب طويل ما قدرت اصبر
ايوا صارت احداث كثيره وكيذا واهم مافي الاحداث اني
وضعت مولودي يوم { الثلاثاء } وانتهت رحلة وهن على وهن
بس دعواتكم يطلعونه بكرا وارجع لديره لاني تعبت
وهو بالمستشفى وانا جالسه عند حمولتي
المهم صارت علوم كثيره بس افضى وكيذا والقى وقت
راح اكتبها كلها

وبس والله.

مع مرور الايام ولمن جيت بالشهر الخامس وكشفت عن جنس
الجنين قالوا ؛ وااااااااااااااااو حامل فـ بنت
ومرت الايام وكنت احاول في ابو غيث اطلب ملابس
لـ البيبي وكان رافض يقول لا تستعجلين.
طبعاً مشت الايام والايام وراء الايام ودخلت الشهر الثامن
وجيت المستشفى بالرياض ولمن
سوو سونار طلع جنس الجنين { ولد }
يهيهيهيهيهيهيهيهيهيهيهيههيهييهيهيهيهيهيهيههييهيهيه يهيهيهيهيهيهيه وطلعت
حامل بـ ولد

وسميته { سعود }

سلام >> الحمدلله ياربي اليوم الفرحه مش سايعتني
بعد مرور كم يوم قررو يطلعون ولدي سعود من
المستشفى
الحمدلله دائماً وابداً.

خن اقول السالفه ..
طبعاً يوم الاربعاء تقريباً تاريخ ٣:٢١
قبل اربع طعش يوم جيت المستشفى على اساس
مراجعه لي وبعده بنسلم على اهل زوجي
وراجعين الديره لكنالدكتوره سوت لي دخول لـ المستشفى
لان السكر عندي مرتفع ومو راضي يضبط او يتعدل
وقتها امي كانت جايه لرياض زياره لخوالي
اتصلت فيها وخبرتها باللي صار
وقالت خلاص بكرا راح اجي عندك واكون
مرافق معك
نمت اول ليله لااا طبعاً النوم مجافيني
كان معاي زوجي وغيث عندي بالمستشفى
بس للأسف كل دقيقه يدخلون يشوفون السكر
تقريباً جلست بالمستشفى إلين يوم السبت وطلعت
امي راحت تجلس عند خوالي
وانا اخذني زوجي عند حمولتي لكن السكر
انهبل صار يرتفع وما ينزل تقريباً يوم الاثنين رحت لدكتوره
وموعدي بالاساس الاربعاء
لمن شافت الدكتوره انو السكر مرتفع سجلت لي دخول
وقالت بكرا راح نسوي لك قيصريه
شلون كيذا هذا اللي صار اتصلت في امي وخبرتها
وقالت خلاص بعد العشاء راح اجيك
دخلت الغرفه وانهرت ابكي بحضن زوجي ما توقعت انو
كل حاجه بسرعه
طبعاً ليلي كله ما نمته من التوتر والخوف
اخذو مني تحاليل ولمن جاء الصباح جات الدكتوره
وقالت ليه يا اسيا كيذا الحديد عندك نازل لـ تسعه وتحت
طبعاً وقتها وحامي صار بالشهر الثامن
والوحام { اني اكل طين } طبعاً الدكتوره اللي بالديره حذرتني
وقالت ترا يسبب نقص الحديد
بس انا هبلا صرت اكل ومطنشه .
طبعاً جابو لي كيستين دم لانو مافيه يسون لي قيصريه وانا
الحديد ناقص عندي .
تقريباً قبل الظهر دخلوني لغرفة العمليات
وعلى العصر طلعت وجبت اطلق مولود { سعود } ..
ومرت الايام والعالم صارت تزورني خوالي واهلي جو من الديره
لكن الشي اللي ما حسبت حسابه
انهم بيطلعوني وولدي لااا لان عنده التنفس
هناا انهيار مت صياح الدكتوره تحاول تهديني زوجي من هنا
اومي من هنا عمتي من جهه بس للأسف
وقتها حسيت ما حد حاس بشعوري كـ ام
قلت لـ اومي كلمي خوالي يجيبون لي ورقه من اي امير او ملك
اللي هو بس اجلس مع ولدي لكن زوجي رفض قال لا تكلم احد
حتى خوالي كان بيتصرفون بس زوجي رافض بقوه
قال بنجلس عند اهلي إلين ما يطلع ولدنا
طلعت ورحت اجلس عند الحموله وامي رجعت لديره
ويومياً اروح اشوف ولدي واتطمن عليه
واليوم الحمدلله قالوا بكرا يكتبون له خروج يارب لك الحمد .
وبس والله.