كلك غلا – مهندس الحرف مساعد الرشيدي الله يرحمه

كلك تعالي غلا … والا ارجعي كلك
بعض الغلا منك مايستاهل الجيه
طالت وانا في رجا ليتك .. وياعلك
أوراق بالذاكره .. واوراق منسيه

مابل ثوبك مطر شوقي ولا بلك
لوعلتك من سحاب الروح وسميه

ليه امشي الدرب دامه مايوصل لك
تخاف رمضا الضياع اقدام رجليه

يابنت تو الهوى ماصرت انا خلك
للحين .. مازالت الصوره رماديه

ومازال بغض الغموض الشره يحتلك
وشلون انا اعشقك واحبك على النيه

اشوفك هناك قدامي .. ولا ادلك
صعب الكتابه ليا صار الورق ميه

إن كان شمسك تساومني على ضلك
ماعاد ابي منك لا شمس .. ولا فيه

اما تعالي لقلبٍ .. فز لك كلك
والا اتركيني ماابي لك بالهوى جيه

	سحايب ... شوري عليك اطلعي من قروبات الجماعه اللي عندتس واي واحد يحاول يقنعتس ترجعين طقيه حظر وريحي راسك.. انا حاليا قروبات اصدقاء واقارب وعمل اما الجماعه زي ماقلتلتس اللي حاول يتلفسف علي ويقنعني ارجع طقيته حظر .. هذا وقد بلغ عددهم 8 واللي ماعطيته حظر حياء منه وفي نفس الوقت ماسمعت كلامه طقني حظر وقد بلغ عددهم اربعه.. يعني الحمد لله طلعت فايز 8 مقابل 4 هههه

ياهلا اخوي روماانس
شورك وهداية الله لكن انتم يالرجال احسن من النساء كلامهم وتعاملهم
لكن حنا يالنساء غير طبايع الرجال كثيرات ثرثره وبربسه وتفلسف
واصلاً القروبات مااقدر اطلع منها متشابكه ببعضها وعدة قروبات
لكن صرت اتجاهل واطنش الكثير منهم ولا ادخل بعض القروبات
إلا اذا نامت الناس بالليل وهجدوا سكنهم مساكنهم يارب
احسن شيء انك قدرت تعطيهم حظر وترتاح منهم وتفوز عليهم 8

هلا باللي لفاني يا هلا به
عدد دقات قلبي في غيابه
هلا باللي بعد والشوق جابه
عليم الله قلبي ما سخى به
عليم الله قلبي ما سخى به


تذكرون هالأغنيه القديمه لأحمد الجميري
اهديها لنفسي بمناسبة عودتي هنا

مساكم سعاده

	الاخت سحايب شماليه مثل مدرس العربي تكتب علي سطر وتترك عشر يوم هنا واسبوع غايبه...

هلا بك اخوي رومانس
توني اهدي نفسي اغنيه اشوى الحمدلله فيه احد فاقدني هنا
والله مدرس العربي اشوى مني على الأقل يخلص درسه وبكرا ينط بالفصل
على طلابه بدرس جديد لكن أنا اغطس ولا ارجع إلا بعد نص شهر ههههههههه
عاد انا مالي غير مسك اكتب فيه وبرامج هالتواصل اللي اخذت كل وقتنا
ومشاغل الحياة اشغلتنا لكن ماشاء الله البعض دايم متواجدين هنا
كنت قبل سنوات طويله شعله نشاط بالمنتديات فرفره فيها
لكن خلاص حالياً طفيت الظاهر كبرت

	ههههه ياجوك ياشيخه.. ودي احط لك يامرحبا مليار بالزين.. تصدقين تأكدت الان ان حرارة الجو مالها علاقه بالمزاج اهل الجبيل مع حرارة جوهم وغازات مصانعهم هذا هم مروقين اسم ربي عليهم ههههه

يازين اللي يرحب ويهلي تذكرني باهلنا بالشمال
ايه ماله دخل اسم ربي علينا يااهل الجبيل هادين ورايقين حتى لو حرارة الجو ألف
والمصانع تنفث علينا دخاخين لكن جونا عليل وخواطرنا طيبه وسمحه

الفن الاصيل القديم اجمل من الآن
من التراث الاصيل الكويتي بدون موسيقى
المولع قام يلعب شايل فنه وجيله

https://youtu.be/jQlR_TIq_Uw