صباح الخير ..
‏لكل من استيقظ وقلبه لا يحمل إلا الحب والإحترام والخير لمن حوله ..
‏صباح النعم الجميلة من الله .. والتي يعجز التفكير عن إدراك روعتها وشكرها ..
‏الحمد لك ربي والرضا بما قسمته لنا ..
:
عوده بعد غياب مع ان مافيه احد افتقدني
لكن مشتاقه لجدران المنتدى فقط مو لكم
لان مافيه احد افتقدني

يُقال ان أصحاب الشخصيات المستقلة :
هم اشخاص يعتمدون بأغلب شؤون حياتهم على انفسهم
ولا يحبون ان يطلبون مساعدة أحد ..
‏هذه الشخصية تعرف بعدم قدرتها على المجاملات ،
كما أنهم لا يستطيعون تقديم التنازلات على حساب كرامتهم
لأجل الحصول على مصلحه من أحد !
‏الحياة ستعلمهم الكثير من الدروس .!

جوالي هاليومين عباره عن مقاطع وصور عن امطار حائل
و انا جالسه طبعاً مقهوره واتحلطم ابي اروح لهم
لكن هالعطله ماراح اقدر اسافر لهم جالسه بالشرقيه
والقلب سافر لهم مع الطيور الطايره

مساءكم سعادة وهناء وأجواء جميلة..
مساءكم ليالي واجواء شهر ديسمبر المحبب لقلبي
كم اعشق هذا الشهر من فصول السنه
عشقي لهُ يضاهي عشقي لفصل الربيع
الله يديم علينا هالأجواء الجميله

اخباركم اشتقت لكم نفر نفر
هاه شبيتوا الضو وجلستوا جنبه وانتم تستمعون
لصوت الحطب وهو يطقطق من قوة لهب النار
لا يكون شربتوا حليب بالزنجبيل او شاي كرك ومابقيتوا لي
شكل فاتني هنا الكثير من الفعاليات وأنا غايبه

يقول الشيخ المغامسي :

‏من يعاني من تعثر أمور حياته و يخشى من شيء فليردد
"اللهم ياولي نعمتي و ياملاذي عند كربتي
أجعل ماأخافهُ و أحذره برداً و سلاماً عليّ
كما جعلت النار برداً و سلاماً على إبراهيم"


تصبحون على خير

ابطيت ياريح المطر حي جيتك
وحي الشعور اللي بجيتك جانا

اهداء لنفسي

صباح الخير والفل والكادي