|
أنهُ وقت المنصه والتيمز يالله انك تعين :MonTaseR_31: :eiwp: اشوفكم على خير :Dl3: |
مساء الخير مرحبتين كبااار اشتقت لمسك الغلا واهله |
انا هالفتره لا نوم منتظم ولا اقدر انظم وقتي ضيوف رايحه وضيوف جايه البيت منعفس فوق راسي اليوم العصر بيجون ضيوف وبالليل معزومه يعني مادري متى يروحون واجلس اتجهز للعزيمه احتاج مصباح علاء الدين :iqf03163: مشكله لما تتجمع عليك الامور كذا لو ماني مشتاقه لصديقاتي كان مارحت لجمعتنا الليله عاد من زمان عنهم وعن القاعات والطقطقه والوناسه :41556: |
اقتباس:
هلا بك اخوي رومانس هي جت بس على الدحيه الحين كل شيء تغير الله يعين على هالجيل عاد انا احب شيء عندي التراث الاصيل بـ انواعه وبكل شيء الله يحييك ويبقيك ويفرح قلبك بكل خير وسعاده يالاصيل اختك سحايب |
مادري ليه صايرين بعض البنات يستهينون بالحجاب وليت بس شايلين النقاب لا حتى الطرحه منزلينها على الكتف والشعر طالع او بس تلفها شيء بسيط على راسها ليه يابنات يعني حنا مسلمات بالاسم يعني البعض تقول حريه شخصيه وهذا اللي دمرنا كلمة حريه شخصيه ومفهومها الخاطىء يعني لما ربي يامرنا بشيء ونخالفه هذا عصيان لاوامره ماهي حريه شخصيه ولما تتجملين وتتمكيجين وتتعطرين وتخرجين بوسط الرجال وتقولين حريه شخصيه اقول لا وألف لا هذا تدمير لنفسك ولغيرك من الرجال والله والله لما اشوف هالمنظر من البنات اقول حسبي الله ربي يهديهم ويصلح حالهم مره من المرات تناقشت مع وحده وصار جدال بيننا بسبب الحجاب تقول عادي هم الرجال ليش مايغضون بصرهم لما يشوفون بنت مو محجبه بالنقاب تقصد عادي كاشفه وجهها ومطلعه شوي من شعرها قلت صحيح نساء ورجال امرنا الله ان نغض بصرنا بس هذا مو معناته انه انتي ماتتحجبين وتتجملين وتقولين يالله غضوا بصركم يالرجال لاتنظرون لي اساسا انتِ ليش ولمن متجمله يوم تطلعين بالمنظر هذالمكان عام سوق او كوفي قالت ايش يعني اغسل وجهي واطلع كذا بدون مكياج ؟! قلت لا ألبسي النقاب استر واريح لك ولغيرك وطاعه لربك .. وانتهى نقاشنا وهي مصممه على رأيها مشكلة هالجيل متأثرين بالغرب والحريات ومفهومها الغير سوي وخارج فطرتنا كمسلمين .. كلامي هذا قلته لانه شايفه هالفتره الاخيره صاروا بعض البنات مايتغطون ابد كاشفات الوجه والشعر والاختلاط بزياده صاير .. انا لستُ كامله وملتزمه دينياً كلنا عندنا اخطاء ونواقص لكن لانجاهر بالمعصيه ونقول حريه شخصيه سواء بنات او شباب .. فأسأل الله أن يلطف بنا وأن يصلح أحوالنا كتبته الآن وان وجد اخطاء املائيه فالعذر لانه على عجل كتبته عن أسامة بن زيد رضي الله عنهما، عن النبي صلى الله عليه وسلم قال: ((ما ترَكتُ بعدي فتنةً هي أضرُّ على الرِّجالِ مِن النساءِ))؛ متفق عليه. قال سَماحة العلَّامةِ الشيخ ابن عثيمين - رحمه الله -: قال المؤلِّف رحمه الله تعالى في ما نقله عن أسامة بن زيد رضي الله عنهما: إن النبي صلى الله عليه وسلم قال: ((ما ترَكتُ بعدي فتنةً هي أضرُّ على الرِّجالِ مِن النساءِ)). والمعنى أن النبي صلى الله عليه وسلم يُخبِرُ بأنه ما ترَكَ فتنة أضرَّ على الرجال من النساء، وذلك أن الناس كما قال تعالى: ﴿ زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنْطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالْأَنْعَامِ وَالْحَرْثِ ﴾ [آل عمران: 14]. كلُّ هذه مما زُيِّن للناس في دنياهم، وصار سببًا لفتنتهم فيها، لكنَّ أشدَّها فتنةً النساءُ؛ ولهذا بدأ الله بها فقال: ﴿ زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ ﴾ [آل عمران: 14]. وإخبار النبي صلى الله عليه وسلم بذلك يريد به الحذر من فتنة النساء، وأن يكون الناس منها على حذر؛ لأن الإنسان بشرٌ، إذا عُرِضَتْ عليه الفِتَنُ، فإنه يُخشى عليه منها. ويستفاد منه سدُّ كلِّ طريق يوجب الفتنة بالمرأة، فكل طريق يوجب الفتنةَ بالمرأة، فإن الواجب على المسلمين سدُّه؛ ولذلك وجب على المرأة أن تحتجب عن الرجال الأجانب، فتُغطِّي وجهها، وكذلك تغطِّي يدَيْها ورِجلَيْها عند كثير من أهل العلم، ويجب عليها كذلك أن تبتعد عن الاختلاط بالرجال؛ لأن الاختلاط بالرجال فتنةٌ وسبب للشرِّ من الجانبين؛ من جانب الرجال، ومن جانب النساء. |
مساء الخير للحلوين اللي خلف الشاشات هالفتره اعتبروني امكم خالتكم اختكم الكبيره تمون عليكم وتدلعكم مره تقول لكم ياحلوين ومره تقول لكم ابنائي الاعزاء اخواني واخواتي الغالين :icon10: لأن احساس العجايز طاغي عندي هالفتره بسبب ظروف الايام اللي فاتت اثرت علي و خلتني احس اني صرت عجوز انهكها الزمن ومردغها تمردغ :iqf03163: المهم غبت ورجعت ومااحد فقدني إلا مدونتي الغاليه علي |
عزيزتي حين تريدين الزواج حاولي بقدر المستطاع تتزوجين رجل يكون موظف بنفس منطقة اهلك لان الغربه والبعد عن الاهل متعبه تمرضين تتعبين تحتاجين اهلك جنبك ويوقفون معك وحتى مناسباتهم احيانا ماتقدرين تحضرينها او هم يحضرون عندك خاصه العزايم والطلعات واذا صار عندك مناسبه فهم بعيدين عنك واحيانا الظروف ماتسمح لهم ولك وانتي تحتاجينهم جنبك مافيه مثل الاهل الاخوان والاخوات الله لايحرمنا من وجودهم ووصلهم اقول كلامي هذا لاني جربت البعد عن الاهل وخاصه لما تنجبين اطفال وترتبطين معهم وبمدارسهم يكون صعب عليك السفر لاهلك كل فتره .. لكن مانقول إلا كل شيء نصيب ومكتوب بحياة الشخص .. |
رشفة من فنجان قهوة واغنية فيروز سلملي عليه تزورني ذكريات مضت لن تعود ابداً .. |
اقتباس:
اهلن اهلن باللي حظرت هنودتي شوفي الزواج لازم يكون فيه عنصر من المفاجأه بعدين نعرف خليك متفاجأه هههههههههه الزواج كله على بعضه مفاجأت :icon10: كل شيء من اقدار الله فيه خير لنا ونحنُ لانعلم |
صباح الخير يالغوالي عوده لكم من بعد غيبه وحشتوني فـ انتم بيتي الثاني بس قلت اريح شوي من برامج التواصل الاجتماعي وانشغلت شويات مع ان برامج التواصل الاجتماعي صارت من ضمن حياتنا اليوميه ولا نقدر نستغني عنها رغم انها اشغلتنا عن تواصلنا مع القرايب والاصدقاء ويمضي معظم وقتنا عليها لان كل شيء نريد معرفته نجدهُ فيها من اخبار واحداث يوميه خاصة انا لي سنوات مااتابع التلفزيون إلا اذا صدفه لان كل شيء موجود بالجوال صار الاستغناء عن التلفزيون عادي مو ذاك الاهميه بالنسبه لي عاد مادري وش اللي خلاني اقول هالكلام غير اني سهرانه وطفشانه وجالسه بالحوش ومضبطه الجلسه ولابسه فروتي بهالبرد كأني عجوز متهاوشه مع ابو عيالها وزعلانه :iqf03163: المهم اخباركم خيمتوا بالعطله او سافرتوا وإلا جالسين بالبيت مثل حالتي :icon10: هالعطله من قصرها غمض عين فتح عين جت المدرسه :69: |
ابتسامة صباحيه من المواقف الطريفه وحده تقول أمي اول ماجابوا تلفزيون كانت جدتي تخليهم يرتبون البيت عشان المذيع يشوف البيت نظيف ومرتب :icon10: وتتغطا وتقول لخالاتي تغطوا لا يكشفكم ويسكرون التلفزيون الين يخلصون مشاغلهم :iqf03163: على اساس المذيع ينتظرهم :PV503112: |
الزوار اللي تحت جالسين يالله انك تحييهم اقلطوا تقهوووا :x117: |
يوم الجمعة افضل ايام الاسبوع فيه ساعة استجابة أكثروا من الدعاء والاستغفار لِـ أنفسكم ولِـ أهاليكم واولادكم ولمن على الأسرة البيضاء ادعوا لهم بالشفاء العاجل ويلبسهم ثوب الصحة والعافيه والهناء ولمن رحلوا عنا ولم يبقى لهم إلا الدعاء فلا تبخلوا عليهم من صالح دعائكم .. اللهم ارحم امي وابوي وجميع امواتنا واموات المسلمين .. |
صبحكم الله بالخيرات الحمدلله بلا سبب ، الحمدلله بلا طلب الحمدلله بلا عدد ، الحمدلله حتى يرضى .. |
https://i.top4top.io/p_2177v8w090.jpeg بالامس توفى محمد الشمري هو وبنته وولده الرضيع بحادث مروري الله يرحمه ويغفر له ويسكنه فسيح جناته تأثرنا بخبر وفاته وخاصه انه توفى مع ثنين من اطفاله كنت دوم اتابعه باليوتيوب وزوجي طول امس متأثر بخبر وفاته ومحزن عليه كل شوي يفتح مقاطعه ويدعي له سبحان الله الموت ليس هو النهاية والدنيا فانية وان طالت .. كلنا على نفس الطريق وأنما هو ترتيب في الدور لا نعلم من يأتي دوره نسأل الله أن يحسن خاتمتنا و يغفر له ويرحمه ويتجاوز عنه وعن جميع امواتنا واموات المسلمين يارب |
دخولي سريع ولي عوده بإذن الله لكل اللي قيموني جعل السعاده والخير والتوفيق مايفارق ارواحكم :Dl3: لكم كل المحبه والاحترام من اختكم سحايب :MonTaseR_222: |
يقول بدر بن عبدالمحسن: إذكريني كل ما شفتِ غيمه سحاب قولي تراه يحبني كثر المطر .. وبعد هذا البيت الجميييل اقول لكم صباح الخير والمسرات |
الجو اليوم مغيم وحلاته طلعه وتمشيه ماهو جلسه بالبيت ومقابل الجدران الله يرزقنا المطر والأجواء الزينه ويديم علينا الرخاء والامن والامان جد نعمة الامن والامان اكبر نعمه نغبط عليها بعض الدول محرومه من هذي النعمه الله يحفظ حكامنا وبلدنا ويبعد عنا كل مكروه |
صباح الخير .. صباح الأمل .. صباحك طمأنينه وراحة بال .. صباحكم سعاده لا تفارقكم .. صباحكم كما تحبون و تتمنون انا مادري وش مصحيني هالحين قمة شبعانه نوم قلت اصبح عليكم واتفقدكم مثل الام اذا جا تالي الليل تمر على غرف عيالها وبناتها وتشوف من طايح من سريره واللي ماهو متغطي وتغطيه واللي سهران تدبغه تضربه بعصاتها ليه سهران للحين نام لاجل تصحى للصلاة :icon10: اييه الليله صاير احساسي احساس العجوز اللي كبرت وبس جالسه تهش بعصاتها هههههههه :iqf03163: عاد تدرون ماني صاحيه شبعانه نوم تسذوب زوجي مصحيني يقول تسبدي حايمه علي قلت ليكون توحم انكت عليه هههههههههه :icon10: طلع متعشي عند خوياه بالبر والظاهر اللي طابخ لهم غاثينه وطابخ لهم بنفس شينه ومكثر الزيت والفلفل لهم ههههههههه عاد ياشين الرجل اذا انمرض بس يتولول ويمشي ويعرج لو الوجع بضرسه ههههههه نزلت تحت بالصاله شوي إلا لاحقني ببطانيته شفته متت ضحك عليه :iqf03163: جد تروا الرجال مايتحملون المرض مثل المرأه لاجل كذا الله سبحانه وتعالى جعل الحمل والولاده للمرأة فـ هي تحمل وتلد وترضع وتربي وتشتغل بالبيت وهذا الشيء لا يستطيع الرجال تحمله او العمل به الله يخلينا يانون النسوه فنحنُ نتحمل مالا يستطيع تحملهُ الرجال ثرثره صباحيه لاني ماشبعت نوم :MonTaseR_70: بروح اشوفه باقي حلتيته ومره وانزروت ماعطيته ههههههههههههه طب العجايز :icon10: |
يُقال : العبوس يسبب تجاعيد الوجه .. - الحقد يٌمرض القلب .. - المقارنة مع الأشخاص تجلب الأكتئاب .. - الروتين يأتي بالملل .. - الكره يخلق العداوة .. |
مساء الخير للموجودين هنا واللي غايبين اخباركم عساكم بخير كلكم عوده بعد غياب عن المنتدى هالفتره اللي راحت قررت اخذ اجازه عن بعض برامج التواصل فتره ورحت لمكه المكرمه واخذت عمره الحمدلله يارب وجلست بمكه كم يوم وبعض الوقت بجده ومانسيتكم دعيت لكم كلكم يااعضاء مسك الغلا ان الله يحقق لكم ماترجونه من الله انا لاعلم مافي صدوركم من اماني لكن حق المسلم على المسلم الدعاء له بالخير والهدايه والتوفيق .. ارجو من الله سبحانه وتعالى ان يتقبل مني ومنكم الدعاء .. |
يوم جيت جده اتمشى ياخراشي على الزحمه خاصه الشاطيء الوضع مايطمن الكورونا تصيح بالزاويه :69: مادري ليش يسمح بالتجمعات كذا بالوقت الحالي مكه جيتها مو كذا زحمه منظمين ولازم تصريح ونظام لكن جده فوضه وزحمه ولا نظام ابد حتى بالشوارع صدم ومصادم بالسيارات مادري كيف يسوقون البنات فيها من الزحمه يااهل جده لاتزعلوا من كلامي لكن هذا اللي شفته بالشوارع بس اهلها نفوسهم طيبه مره ولهجتهم تاخذ العقل ودي اتقن لهجتهم بس ماعرفت هههههههههه |
ياشين التقاييم لازم اروح اقيم شخص ثاني عشان ارجع اقيم نفس الشخص مااحب احط احد كبري عشان بس اقيم والرسائل الخاصه لازم اوصل 500 مشاركه عاد انا سلحفاة بالمشاركات انتظروني اوصل السنه الجايه هههههههه |
ماشاءالله بعض الاعضاء متغيره ألوانهم يستاهلون مبرووووك لكم وعقبالي وعقبال البقيه تزدهر ألواننا |
|
لا تصاحب إلا من يكتم سرك ويستر عيبك وينشر حسناتك ويطوي سيئاتك فإن لم تجده ؛ فلا تصاحب إلا نفسك !“ - علي الطنطاوي |
سلاماً على القلوب النقيه التي تزرع فينا الحب والأمل :Dl3: |
بدو الهيام من المعاليق شدت والشوق مثل البدو نازل ورحال |
ضرسي له كم يوم احس بألمه يزيد ومعه نبض قلبي يزيد من الرعب وبيني وبين نفسي اقول ياضرسي تكفى اهجد لاتقوم علي والله رعب الروحه لدكتور الاسنان :28: يارب يروح ألمه ولا اروح للدكتور صار لي فتره طويله مارحت لعيادة الاسنان :kkp00697: |
مساء الخير والمطر والأجواء الشتويه الحلوه اليوم ماشاءالله الجو خيااال الله يديم الأجواء الجميله:نبض: |
https://e.top4top.io/p_2209pcvxl0.jpeg اللهم اسألُك العفو والعافيه والستر بالدنيا والآخره بصراحه اذا دخلت التك توك والانستقرام او السناب شات واشوف بعض المناظر والمقاطع اردد اللهم استرنا بالدنيا والآخر ليه قل الحياء وارتكاب المعاصي صاروا يجاهرون فيها نعلم ان كل زمان فيه معاصي وارتكاب للذنوب لكن كانوا لايجاهرون فيها يستترون لانهم يخافون الآن لايخافون لا من عقوبة الله ولا من كلام الناس مااقول إلا نسأل الله السلامه من كل مكروه ويحفظنا ويحفظ بناتنا وشبابنا ويهديهم ويصلح بالهم وحالهم كلام بالخاطر وقلته .. |
يأتي مع المساء كل شيء أنيق مساء الخير لأصحاب القلوب الطيبه والكلام اللطيف |
اليوم عندي موعد تخطيط مخ واعصاب ان شاءالله تكون الامور زين يارب دخلت هنا ألطف جوي شوي لاني اول مره اسوي التخطيط هذا أنا اكره شيء عندي مراجعة المستشفيات ريحتها تجيب التوتر الله يشفي كل مريض يعاني من مرضه صدق ان الصحه تاج على رؤوس الاصحاء |
أنا صايره الفهاوه وضعف الذاكره عندي مليوووون :icon10: لدرجة انزل تحت ادور جوالي وارجع لغرفتي فوق احصله بيدي :iqf03163: ايش اللي حاصل فيني شكلي كبرت لا لا الظاهر فيوزاتي معطله مؤقتاً :MonTaseR_64: لحين استرجاعها ارجو من اللي مارديت على تقييمه يعذرني :MonTaseR_222: |
لزواري اللي تحت جالسين انتم سعاده الله يسعد قلوبكم خوذوا :73344::73344: |
مساء الخير وكل شيء حلو ورايق يقولون : لا تعطي أحد وجه والله تعالى يقول ( إنما المؤمنون إخوة ) انا مادري ايش يحاولون يزرعون فينا البعض خاصه اللي يسوون دورات عن تنمية الذات وتطوير الذات احسهم يهدمون الذات والمجتمع بكلماتهم الرنانه خاصه اذا قالوا عيش او عيشي لنفسك اولاً واخيراً ولا عليك من احد يحسسونا إننا عايشين بغابه الكل يقول نفسي نفسي ونسوا او تناسوا ان مبدأ الدين عندنا الرحمه والاحسان والبر والتقوى والتعاون بين الاخوه والأزواج والاقارب والمجتمع شيء طبيعي ان الانسان يبحث عن التطوير بكل شيء لكن الذي يدعون للانفصال وعدم الترابط بين الناس انتم خراب في خراب انتم وكلامكم المزيف والمخبب البعض يبني والبعض يهدم منهم كلام بخاطري وقلته :b090: |
لي ساعه احاول انزل مشاركتي من دخلت المنتدى ويطيرني برا ليش يامسك الغلا :23: |
﴿وجاءتهُ البشرى﴾ يارب شعور هذه الآية لنا جميعًا.. مساء الخير لِـ أصحاب القلوب الطيبه والكلام اللطيف .. |
لأن وجودهم نادر الآن تمسكوا باصحاب الوجه الواحد ، و الموقف الواحد ، و القلب الواحد .. |
مساء الخير في ظل أيام وليالي الشتاءالجميلة :m42: |
| الساعة الآن 08:19 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا