|
اللهم في هذا الصباح أفرح قلوبنا وأغسل أحزاننا وهُمومنا وأغفِر ذُنوبنا وخطايانا واشفي مرضانا وأرحم أمواتنا إنك على كُل شيءٍ قدير صباح الخير |
اعتنوا بِطهارة قلوبكم ونقاءها إلّا من أتى اللّه بقلب سليم قلبك أعظم شي ستقابل به ربك فاعتن به. |
اللهُّم اجعلنا في العشر الأواخر من رمضان ممن غفرت لهم ، ورضيت عنهم ، وحرمتهم النار ، وكتبت لهم الجنه نحن ومن نُحب. اكثروا في هذهِ الايام من قول : اللهم إنك عفوٌ كريمٌ تُحب العفو فأعفُ عنّا صباحكم ابتسامه وسعادة دائِمة |
دخلت قبل قليل مدونة اخينا رومانس الله يذكره بالخير ويسعده وين ماكان مضى على حظره حوالي شهر ان شاءالله يرجع ويعم السلام والوئام بين قلوب جميع الاعضاء :y2o01875: |
البارح كانت عندي مراجعه للمستشفى بالخبر ياخراشي يالزحمه كنت ناويه بعد المستشفى نروح السوق اخذ كم غرض على الماشي بس شفت الزحمه هونت غيرت الوجهه للبيت ما أحب الزحمه وخاصه زحمة الشوارع والسيارات يجيني توتر وضيقة خلق افضل جلست البيت على الطلعات اللي فيها زحمه إلا للضروري اطلع انا سبحان الله عكس بعض الناس اللي يحبون الطلعات برمضان احب جلسات البيت دائماً برمضان إلا لزيارات الخفيفه وصلة الرحم فقط .. |
لا تضيّع فـ الحياه الا الحياه خلها باب لدخول الاخره ولا تخلي دنيتك عثرة حصاه عش ليومً بعد موتك ذاخره الزمن لا بد يبلغ منتهاه والبحر تاليه مرسى باخره وكان دمعك ما يبل الا ثراه كل عظمً في ضلوعك ناخره الحياه بكبرها شفت الحياه !؟ ثقب ابره / عند باب الاخره .. سلطان الاسيمر |
اللهم أيام من فرط سعادتها تعكس على وجوهنا أثارها. صباح الخير والسعاده والبهجه لِـ أرواحكم |
عـــيــدكـــم مـــبـــارك كـل عـام وأنـتــم بــخــيــر :x117: ادري متأخره :icon10: |
اليوم جاتني الصيحه والصداع مسك راسي حذفت كل الصور بجوالي بالغلط :28: باقي شويات من الصور الاخيره حزنت صور قديمه ومحتفظه فيها من زمان وذكريات لها اختفت بلمحة بصر :بكى: |
صباح الخيرات يا أهل مسك الغلا أتمنى لكم أياماً زاهيه يحفها الحُب والجمال و الرضا وأتمنى أن تكون الأقدار السعيدة في طريقكم دائماً :نبض: |
صلوا على من جاء بالهُدى لنهتدى به اللهم صلِّ وسلم على نبينا محمد.. |
ولدي قبل ساعه صحى من النوم وقلت له يالله بسرعه غسل وبجهزك للمدرسه انصدم وبعيونه الصيحه مشت عليه يحسب اليوم دراسه رحمته يوم شفته زعل قلت لا لا اليوم عطله الجمعه عاد ولدي مايحب المدرسه يقول ازعاج العيال يطفشونه من اصواتهم بالفصل قلت علم الاستاذ يهاوشهم قال علمته وهاوشهم بس مايسمعون كلام الاستاذ مزعجين :iqf03163: قلت بقلبي عزتيله الاستاذ منكم ابو الازعاج والمسكين متحملكم :MonTaseR_125: عاد ولدي مسوي نفسه الهادي بالمدرسه وهو مزعجني بالبيت الله يصلحه بس والله معركه كل صباح مايبي يروح للمدرسه متعقد من ازعاج الاولاد يقول يصدع راسي من اصواتهم هالولد طالع لي يحب الهدوء :icon10: بس والله بصراحه الله يكون بعونهم المعلمين والمعلمات من ضغط الحصص وازعاج الطلاب والطالبات ومشاكلهم اللي تخوف خاصه هالجيل ما يحترمون معلمينهم ولا معلماتهم سوى بنات او اولاد .. |
ياصاحبي لايحبطك جور الحياة ولا تضايق وأمر ربي من سعه ولا تعيش العمر كله في شتات استرجع الي راح منك واجمعه اللي ماينفع نفسه بعز وثبات والله مايلقى اللي بعمره ينفعه مستقبلك ماله شغل بالذكريات اللي شراك اشره ومن باعك بعه وان قفلت في وجهك الأربع جهات اختر جهه غير الجهات الاربعه الشاعر سعود الطاثوب |
اقتباس:
حياك الله اخوي رومانس النور بوجودك الله يرفق قدرك ويعلي شأنك هذا من طيب اصلك لا بعلق :icon10: الموسوسين كثروا وبكل مكان الله يكفينا الشر لكن انا اطبق المثل هذا بكل حذافيره هنا وبحياتي الواقعيه :icon10: إمْشِي عِدِلْ يِحْتارْ عَدُوَّكْ فِيكْ! وهذا بعد زياده من كيسي ابعد عن العيب والحرام راح يرتاح ضميرك ومخك وترضي ربك ونفسك وبعدها لو شوشتك منفوشه وتركب الجمس الحمر وتشغل بطي البذالي يالله من طشاش بلقاع رشاش :iqf03163: ماعليك من احد ولا احد له شغل فيك عيش جوك وانا اختك ههههههههه :556751: |
الزوار اللي تحت السبعه وش عاجبكم بالمدونه ماعندي محتوى هادف ههههههه كله ثرثره وفضفضه :ياعبيط: على العموم مشرفيني وحياكم الله امسكوا :MonTaseR_2: |
اذا اراد الله وكتب بكرا بالليل عندي دخول للمستشفى تنويم لاجراء بعض الفحوصات الطبيه قسطره تشخيصيه للقلب ويارب يكون خير بصراحه متخوفه الدكتور يوم شرح لي حالتي قلت له طيب لو ماسويت القسطره اللي قلت لي رفع راسه ونظر لي نظرة اللي مشفق علي وفيه الضحكه شكله قال بينه وبين نفسه هذي بتهج هجيج مابعده هجيج خرج ولم يعد ههههههههه بس كان صارم ماعنده تفاهم تنويم يعني تنويم عاد مافيه احد خبرته من اهلي خفت ينشغلون علي وهم بعيد عنا ويسافرون بس وحده من خواتي خبرتها لاني كنت بسالها عن القسطره لانها قبل سوت قسطره وبعدها عملية فتح قلب وكنت معها مرافقه وعارفه الاحداث والاشياء اللي مرت فيها الله يحفظها يارب دعواتكم لي ان يطلع ماعندي شيء وسليم هالقلب اللي الله اعلم بحاله واحواله |
اللهم شكراً وصبراً وحمداً على كل حال وكل شعور صباح الخير والورد … |
بعض المواقف والاحدث اللي تحدث لك بالحياة تغير لك نظرتك للحياة وللأشخاص .. فـ الحمدلله أني محاطه بـ اشخاص كـ الجواهر والدرر فقد يظهرون لي بمواقفي الصعبه كالبلسم على الجرح اللهم احفظهم لي واسعدهم بالدارين يارب العالمين .. فتشوا عن هؤلاء الاشخاص واضيفوهم لحياتكم لِأنكم لابد أن يأتيكم يوم و تحتاجونهم .. |
من طابت نيّته طيّب الله حياته الله يبعد عنّنا كل نيّة قبيحة … |
مدري اقول مساء الخير او صباح الخير :MonTaseR_98: ياشين اذا تلخبطت عندك اعدادات النوم يصير الفيس كذا :105: نمت نومه مااحب وقتها وصحيت والآن ادور النوم ماقدرت اصيده :SnipeR101: :icon10: |
ابيات اعجبتني حاول تخلي جلستك عند العرب ركعة وتر خفيفةٍ تقضي لزومك اذا … صليتها وحاول تخلي كلمتك عند العرب ليلة قدر كلٍ يدورها ولا يدري متى … توقيتها وحاول تخلي كلمتك وقت العتب رشة عطر يفطن لها المخطي ولا تندم اذا… رشيتها لشاعرها ،،، |
من باب الأدب استمع للبشر جيداً أما من باب الاحتياط فلا تصدق كل ما يقولون .. جبران خليل جبران .. |
اللهم في هذا الصباح ارزقنا الرضا والقناعه بِما قسمت لنا واجعلنا من الشاكرين لِنعمك علينا .. صباح الخير |
يُقال : إختر من تزرعهم في أرض قلبك بدقة.. لأن إختيار البـذور أسهل من إقتلاع الأشجار.. |
مساء الخير والعافيه انا صايره هالفتره ماادخل قليل اساسا انا قليل ادخل والحين بزياده ماادخل ماغير جالسه بالبيت ضيوف داخله وضيوف طالعه ابي وقت لنفسي مافيه يالله هانت باقي شويات وافضي لنفسي يالله ان شاءالله يروح ضيوفي الليله بدري واحاول ادخل هنا شكرا لكل من قيمني وسأل عني :نبض: واعتذر للي مارديت عليهم بالخاص مااقدر ارد مشاركاتي قليله :icon10: المفروض يعطوني درع على ثباتي على تاخري بالمشاركات هههههههه |
صباح الخير كنت اتابع بتويتر قبل شوي مساحه بتويتر عن الذكريات وماضينا والحنين للماضي وذكريات الثمانينات بس طلعت منها شيء جميل ويالله على الذكريات ترجعك للماضي وكأنك موجود وتعيش اللحظه عاد المضيف واللي يدير الحوار الرائع عبدالله حمود الرشيد والله محتاجين دائماً لمثل هذهِ الحوارات لاجل الترويح عن النفس تعبنا من الحوارات اللي كلها جديه ومشادات وربما تكون آخرتها مماسك شوش هههههههههه |
هالصباح ودي امسك خط طويل سفر واشغل شيلة ياهل الموتر اللي بأول القاع غبر بس مشكله الحين مافيه ربيع ولا فياض تو وبله تنثر مافيه إلا الحر والغبار مع هالصيف :icon10: سقى ايام الشتاء والربيع والأجواء الحلوه |
استغرب من بعض مفسرين الاحلام كيف يفسرون احلام بعض الاشخاص هل هو علم بزياده او انهم يستعينون بااشياء اخرى لدقة التفسير وفيه اسأله يسألها للي شاف الرؤيا استغرب كيف يعرفها مو لدرجه هذه بصراحه البعض من المفسرين يخوفون لدقة التفسير هل هم يستعينون بطرف ثاني خاصه اللي اشوفهم بالتك توك :x37: :icon10: لكن كلام هذا مو عن المفسرين الموثوق فيهم ومعروفين بتفسيرهم وتدينهم واخلاقهم وصدق تفسيرهم للرؤيا |
اقتباس:
وانا داخله الآن حصلت هالتقييم متت ضحك :iqf03163: ياربي طيب قول مزرعة نخل او حمضيات او عنب او فراوله عاد جالسه اتخيل نفسي بوسط البرسيم :icon10: واخذ صوره سلفي مع البرسيم كأنه عشب وجو ربيع هههههههههه اضحك الله سنك ياللي ارسلت هالتقييم |
احياناً المجاملات تغث وخاصه اذا صرت بقروبات الجماعه والقرايب اذا قلت الصراحه وابديت الرأي تهاوشت معهم وان سكتت قالوا ليه ساكته وان طلعت من القروبات قالوا فيك شيء ليه طلعتي ياربي اكره شيء عندي قروبات القرابه جالسين فيه كأننا مطاوعه ههههههه الكل يجامل ويظهر نفسه مدين وماعندي زلات وهم اكثرهم غلط بغلط بس نغمض العيون عن الغلط لأجل حفظ الود والقرابه بيننا ومتأكده اكثركم عنده نفس الشيء لأجل كذا كلنا داخلين هنا بنكات مستعاره لاجل ناخذ راحتنا بزواي المنتديات نعبر ونتكلم براحتنا وبدون تزييف وتصنع بعيد عن عيونهم اللي تدور الزلات وماكأنهم من لحمنا ودمنا وتربطهم بيننا وبينهم صلة رحم مادري ليش كتبت هالكلام لكن جد منغثه من كثر القروبات ولا لي حيله اطلع منها بيجيبوني من شوشتي :MonTaseR_49: |
كلك غلا – مهندس الحرف مساعد الرشيدي الله يرحمه كلك تعالي غلا … والا ارجعي كلك بعض الغلا منك مايستاهل الجيه طالت وانا في رجا ليتك .. وياعلك أوراق بالذاكره .. واوراق منسيه مابل ثوبك مطر شوقي ولا بلك لوعلتك من سحاب الروح وسميه ليه امشي الدرب دامه مايوصل لك تخاف رمضا الضياع اقدام رجليه يابنت تو الهوى ماصرت انا خلك للحين .. مازالت الصوره رماديه ومازال بغض الغموض الشره يحتلك وشلون انا اعشقك واحبك على النيه اشوفك هناك قدامي .. ولا ادلك صعب الكتابه ليا صار الورق ميه إن كان شمسك تساومني على ضلك ماعاد ابي منك لا شمس .. ولا فيه اما تعالي لقلبٍ .. فز لك كلك والا اتركيني ماابي لك بالهوى جيه |
اقتباس:
ياهلا اخوي روماانس شورك وهداية الله لكن انتم يالرجال احسن من النساء كلامهم وتعاملهم :shutup: لكن حنا يالنساء غير طبايع الرجال كثيرات ثرثره وبربسه وتفلسف :69: واصلاً القروبات مااقدر اطلع منها متشابكه ببعضها وعدة قروبات :icon10: لكن صرت اتجاهل واطنش الكثير منهم ولا ادخل بعض القروبات إلا اذا نامت الناس بالليل وهجدوا سكنهم مساكنهم يارب احسن شيء انك قدرت تعطيهم حظر وترتاح منهم وتفوز عليهم 8 :icon10: |
هلا باللي لفاني يا هلا به عدد دقات قلبي في غيابه هلا باللي بعد والشوق جابه عليم الله قلبي ما سخى به عليم الله قلبي ما سخى به تذكرون هالأغنيه القديمه لأحمد الجميري اهديها لنفسي بمناسبة عودتي هنا :icon10: مساكم سعاده :ah11: |
اقتباس:
هلا بك اخوي رومانس توني اهدي نفسي اغنيه اشوى الحمدلله فيه احد فاقدني هنا :icon10: والله مدرس العربي اشوى مني على الأقل يخلص درسه وبكرا ينط بالفصل على طلابه بدرس جديد لكن أنا اغطس ولا ارجع إلا بعد نص شهر ههههههههه عاد انا مالي غير مسك اكتب فيه وبرامج هالتواصل اللي اخذت كل وقتنا ومشاغل الحياة اشغلتنا لكن ماشاء الله البعض دايم متواجدين هنا كنت قبل سنوات طويله شعله نشاط بالمنتديات فرفره فيها لكن خلاص حالياً طفيت الظاهر كبرت :icon10: |
اقتباس:
يازين اللي يرحب ويهلي تذكرني باهلنا بالشمال ايه ماله دخل اسم ربي علينا يااهل الجبيل هادين ورايقين حتى لو حرارة الجو ألف والمصانع تنفث علينا دخاخين لكن جونا عليل وخواطرنا طيبه وسمحه :icon10: |
الفن الاصيل القديم اجمل من الآن من التراث الاصيل الكويتي بدون موسيقى المولع قام يلعب شايل فنه وجيله https://youtu.be/jQlR_TIq_Uw |
عليك الضمير يحن ياماضيٍ قد راح معاك اجمل ايام العمر مع لياليها |
مساء الخير اخباركم تقبل الله منا ومنك صالح الاعمال بعشر ذي الحجه من ارض الشمال وجو الشمال وجبال الشمال بحايل سحايب تحييكم الحمدلله اليوم الصباح وصلت ديرتي حايل لي سنه ماجيتها من عيد الاضحى العام فيه اشياء تغيرت بحايل والله اشتقت لها يازينك ياديرتي واهلك عاد طبعاً وصلت البيت وعلى الظهر حطيت راسي ونمت وتوي اصحصح وجوالي ماسكت رسايل ومكالمات بس مطنشه من التعب كنت مواصله مافيه نوم وطول الطريق صاحين انا وعيالي بس وصلنا وين السرير عاد الحمدلله وصلت بيتي إلا نظيف قبل فتره زارني اخوي بالشرقيه واعطيته مفتاح البيت لاجل يجيبون شركه تنظفه له سنه مغبر البيت كح كح :icon10: بس علمتهم بنجي قام بالواجب عساني ماانحرم من اخواني وخواتي :نبض: والمهم اني هربت من جو الجبيل الصناعيه حر ورطوبه ماينجلس فيها خاصه شهر يوليو واغسطس وسبتمبر النحشه عاد جاراتي يرسلون لي يقولون رحتي وخليتينا زعلانات :icon10: وجاراتي بحايل يرسلن مبسوطات اني جيت خاصه اللي جنب بيتي بس اجي سحبتني معها كل مشاويرها طلعات استراحات وعروس وتمشي وتعرفني على قرايبها وكل وحده نقابلها تعزني معزه خاصه وهي غاليه علي هي كبيره بالسن وزوجها طيب وكرم حايل كله مجتمع فيه وزوجته بعد طيبه حيل الحمدلله ربي رزقني بجيران سوى بالجبيل او حايل كلهم يتنافسون بالطيب والكرم خلصت بربرتي لي ساعات عشان اكتب هالبربره اشغلوني بالمكالمات والرسايل ماقدرت اكتب ويالله عاد اخليكم اذا فضيت دخلت واذا مادخلت اعرفوني اني ناشبه بطعس او جبل من جبال حايل :iqf03163: |
صباح الخير :x117: لكل اعضاء مسك الغلا كل عام وأنتم بخير عيدكم مبارك أعاده الله علينا وعليكم أزمنة مديدة وعساكم من عوادة :ah11: |
انا الآن جالسه افرفر بالمنتدى والليله عندنا عشاء وضيوف بس جهزت كل شيء الفجر والحين مالي خلق ادخل المطبخ واستقبل الضيوف شكل بيجون وانا عين مفتحه وعين مغمضه يالله اقوم اروح المطبخ قبل يجيني النوم :icon10: |
| الساعة الآن 02:25 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا