..







قاعده اشوف هالاسبوع بما أن يوم عرفه قرب

الناس يتكلمون ويسألون بعض: هل دعواتكم في عرفه الماضي استجابت ووقعت؟

أنا اشوف هالاسئله مالها لزوم

لأن الانسان سبحانك يارب ما يدري وش الحكمه

ممكن دعيت دعوة في عرفه الماضي وانت تشوف انها ما تحققت

ما تدري لعل الله استجابها ولكن مو الحين وقتها

أو تكون سبب في دفع أذى عنك او يدخرها الله لك للآخرة

احس هالسوالف تدخل اليأس في نفس المسلم

ادعوا وادعوا لا تملون الله يحب العبد اللحوح

واهم شي مع يقين وحسن ظن بالله

وتأكدوا كل شي من الله سبحانه خير

استغلوا كل أوقات الاجابه والأيام الفضيله في الدعاء

وكل شي يجي في وقته ورب العالمين قريب مجيب

واذكروا من حولكم في دعواتكم








..

..






الله يسعدكم جميعا ويعطيكم حتى يرضيكم

ويشفي مرضاكم ويرحم موتاكم ويغفر ذنوبكم ويصلح حالكم ويسهل لكم كل ما تعسر من أمور الدنيا يارب

اللهم ارحم والدي وجدي واجعلهم في عليين

دعوات لكل من مر من هنا الله يتقبل من الجميع






..

..






بما أني دايم اعاني من موضوع التقاييم

ولا القى احد اقيمه عشان أرد

برجع ارد هنا بالمدونة أفضل

تعقيب من مدونة رومانس

ولو اني ما حبيت افتح مواضيع بما أننا في يوم فضيل

هو نقاش يا الطيب اولا واخرا ما عليه جائزة " من سيربح المليون "

وحط تحت كلمة نقاش ألف خط اذا ما كان بطريقه راقيه ومتحضره وبعيدا عن " السب أو التطاول "

هذا صار ساحة ثيران الله يعافي الجميع

وبس كفايه كذا








..

..







كل عام وانتم بخير

وعساكم تعودونه كل عام يارب

وتقبل الله طاعتكم جميعًا







..

..








مسائكم خير

كيف مرت عليكم أول يومين عيد؟

عساكم استانستوا وعيدتو

مريت ع المدونات شفت رد وصراحه حبيت أعقب عليه

من مدونة صعفق

أظن انك ما عرفت تميز الفرق بين التسلط والقوة

الأم يا عزيزي لازم تكون شخصيتها قويه

ولا شلون تربي عيالها وتكون لها كلمه عليهم؟

شفنا بهالزمن أمهات ضعيفات مع العمر

عيالهم سحبوا عليهم التربيه صح لها دور

لكن لازم هيبة الأم تكون موجوده

وكيف تكون الهيبه موجوده اذا الشخصيه ضعيفه؟

وقوة شخصية الأم ما يلغي دور الأب

لكل واحد دوره ومحد ياخذ مكان الثاني

وترا فيه مواضيع كثير بالدنيا تستحق النقاش

مو كل شي " المرأة المرأة " بارك الله فيكم

وارجع اقول التسلط شي وقوة الشخصيه شي ثاني تماما

وسلامتكم







..

..
















" إحتفظـي بصورة أبيك ، و تأمليها كُلما إحتجتي إلى قـوة ."













..