..









مساء الخيرات

وين الناس وين الزوار لي يومين ماعاد اشوفكم

برجع اختفي احسن لي

اقتباس الليله من مدونة أخونا صعفق ابو محمد

سلمت على هالحروف الذهبيه

كل كلمه قلتها صحيحه وفي مكانها

اصلا من خلف الشاشات كل الناس يقدرون يصيرون حلوين طيبين

طعمين يا زينهم

بس محد يعلم النوايا والخافي الا الله والحذر في عالم الانترنت مطلوب








..

..












اليوم الهاشتاق اللي متصدر الترند مقاطعة الكافيهات

تشتكي من ايش القهوة العربيه؟

اصلا مدري وش يحبون بقهوة الكافيهات ذي

مره ايام الدوام وحده من البنات جابت لي قهوه

الله يكرم النعمه ما اطعم الا حليب

مدري وش يحبون فيها اساسا احس الوضع صار تقليد ويعني اني راعية كافيهات

القهوه العربيه ولا يجي مكانها شي

وشكرا










..

..










" لست كما تظن، ولن أكون كما ترغب ."








..

..












صباحكم جمال

صراحه رقم الزوار كبير على خربشاتي هنا !

شكرا وممتنه لكل من اعتاد المرور هنا وترك تعليق او تعقيب بتقييم

وشكرا للزائرين الغير مسجلين تراني أشوفكم تحت

الله يسعدكم










..

..




















..

..







صباحكم مكيفات >> لا تشرهون علي درجة الحراره وصلت 44 أمس

ما علينا

شلونكم وش اخباركم عساكم بخير وطيبين

قاعده اشوف في تويتر في حساب محامي

قال ان تمكين المرأة سبب مشاكل منها

انتشار الخلع

وعزوف الشباب عن الزواج بسبب عدم مشاركة المرأة في المسؤوليات الماديه

وهذا احد اسباب انخفاض المواليد في البلد حسب بعض الدرسات

مالكم بالطويلة كالعاده اي موضوع فيه الرجل والمرأه لازم يصير الوضع انفجار

البنات زعلانين وبقوه من هالكلام

والشباب نسبه كبيره منهم مؤيد لصاحب التغريده

لا نختلف ان بعض النساء لما يتوظفون يحوسون الدنيا

ولكن

الوظايف ساعدت كثير من النساء

الفئه الأولى الأرامل والمطلقات عشان يصرفون على عيالهم

فيه نساء عايشات تحت ذل ازواجهن بسبب إنها بعد الطلاق بتصير في الشارع هي وعيالها

لما اقول ذل ما اقصد تفاهات اقصد الأمور اللي ما ينسكت عنها مثل الضرب والإهانة وغيرها

هل يعقل امرأة تتحمل الضيم والظلم عشان ما عندها مكان غير ( بيت المحروس) ؟

فيه نساء يستحون يرجعون بيوت أهاليهم بعد الطلاق مع عيالهم

ولا ننسى فيه بعض الرجال بعد الطلاق أساسا ما ينفق على عياله

والله لدرجة فيه نساء تنفصل وهي حامل تولد وتربي الطفل لحالها الأب ما عمره صرف ريال على ابنه او بنته !

فيه أسر الأب دخله ضعيف يتوظفون البنات عشان يساعدون ابوهم وحده من الصديقات اللي أعرفهم ابوهم تقاعد له سنتين

الان البنات عددهم ثنتين هم اللي يصرفون على امهم وابوهم ومتكفلات بدراسة أخوهم الصغير

ليش النظره السوداويه هاذي؟

وش فيها يعني اذا البنت توظفت واعتمدت على نفسها ؟

اللي معارض وظيفة المرأة تزوج وحده ما هي موظفه وانتهينا

الوظيفه نعمه فعلا وساعدت فئه كبيره من النساء

وياليت بعض الرجال يغيرون هالتفكير الغريب

في السابق كان فيه نساء مضطهدات بسبب انهم غير موظفات

مدري صرت احس ان بعض الرجال يخافون من المرأة القويه والمعتمده على نفسها

ولا انكر انه فيه نسبه من النساء تطاولوا وتمردوا على من حولهم من الرجال بسبب الوظيفه

لكن هذا ما يخلينا ننكر ان تمكين المرأه نعمه واستفادوا منه الكثير من النساء

بطلوا النظره السوداويه كل شي بالدنيا له سلبيات وايجابيات







..