..









" أنا عودت عيني تشوف كل الناس جميله وطيبه،
ولما حد يطلع عكس كده .. عيني مش بتشوفه أصلا ."










..

..







" ولا تقبلين القِل وانتي كثيرة
ولا تطلبين الحل وانتي الإجــابات ."








..

..










يسعد صباحكم يا حلوين >> كلكم حلوين انا متأكده

طمنونا عنكم عساكم بخير وطيبين

من زمان عن المدونه الاسبوع الماضي كله مر وانا في معاناه مع وجع ضرسي

لكن الحمدلله على نعمة دكاترة الأسنان الله يعطيهم العافيه

امس اظن الاغلب شاف النقاش اللي حصل بقسم مشكلتي

في موضوع الاخ اللي يبغا يعدد في العلن زوجته تبغا الطلاق ويقول وش رايكم اسويها في السر

المشكله اغلب المؤيدين للتعدد وينصحون غيرهم

ولا يهمهم دمار البيوت او تشتت الأطفال هم العزاب اصلا

عزيزي السنقل انت تزوج الاولى اول بعدين انصحك غيرك ياخذ ثانيه وثالثه

للأمانه ما ادري ليه هالموضوع شائك عند اخواننا الرجال

دام حياتك ماشيه وامورك تمام ليه تجيب لنفسك النكد

بعدين فيه امور كثيره بالحياه تستحق تاخذ اهتمام اكثر

واضافه على كذا اكثر كلمه يقولونها الاناث اضعاف الرجال

مدري يجهلون ان اصلا البنات يرفضون المعددين غالبيتهم

محسسينا ان هالبنات بيموتون عشان ياخذون المعددين !

لا تفسرون كلامي انه اعتراض على ما أحله الله لا

احنا نتكلم عن الاضرار اللي تصير بحكم الحالات اللي نشوفها في الحياه

والنساء اغلبيهم ما يتقبلون التعدد لان غالبا بنسبه كبيره فيه وحده تنظلم يا الاولى يا الثانيه

وبس والله

من امس ابغى اكتب هالسطور والحين جاني النشاط والهمه

ودمتو بخير يا زواري الاعزاء










..

..





اهل ليبيا وضعهم مأساوي وصعب جدا

الله يجبر مصابهم و يعينهم ويربط على قلوبهم






..

..

























..