..








مساء الخيرات

كيف حالكم ؟ عساكم طيبين واموركم زينه

لا تنسون اخوانكم في غزة من دعائكم

مدري اذا الاغلب شاف هالموضوع بالنقاش

https://www.al2la.com/vb/t131075.html

عقبت ع الموضوع من بدايته وخرجت لكن اليوم دخلت وانا اقرأ اراء الاعضاء والعضوات

شفت جزئيه من رد الجميله فيولا حبيت اعقب عليها لكن هنا مو بالموضوع نفسه

ردي وتعقيبي انا بشكل واضح موجود بأول صفحه بالموضوع

لكن يا عزيزتي فيولا انا اتفق من ورا الشاشه ما راح تعرفين الشخص اذا طلع سوي أو لا

لكن وبكل أسف ممكن كمان بالواقع تتزوجين شخص ولا تعرفين انه غير سوي الا بعد ما تعيشين معه ببيت واحد

يعني في الحالتين الإحتمال وارد لأن المهم الصدق من ناحية الأشخاص اللي بتسألينهم عن هالشخص

فيه فئه ما تقول الحقيقه ببساطه تغش بنات الناس عادي عندهم

بالمختصر يعتمد على مدى صدق و أمانة الشخص

وعلى سيرة النقاش تم اغلاق موضوع خيال اللي هو بناتنا الى أين

مدري مين السخيفين اللي طالبو بإغلاق الموضوع ؟

ترا هاذي تصرفات اطفال موضوع كويس وماشي تمام ليه تطالبون انه يتقفل ايش ذنب صاحب الموضوع

نرجع نقول قفلو القسم بكبره وخلاص

وبس

هاذي حصيلة بربرة هذا اليوم

ودمتم بخير











..

..










وينكم يا بنات العرب اللي ذبحتهم الكشخه والاناقه

اللي ما تستغنون عن " البراندات "

قبل تشترون اي شي اسألوا واعرفوا وين تروح أموالكم

ولو اني اشوف مجرد شنطة توصل قيمتها عشرين ألف وزياده تبذير واسراف

لكن حرفيا لازم تعرفون وين تروح فلوسكم لا تروح

لدعم محتل صهيوني يشتري فيها اسلحه لقتل اخوانكم المسلمين والعرب

قاطعوا كل من يدعمهم مقاطعه نهائيه خصوصا جماعة لا يكتمل يومي الا بشرب الكوفي شوب

اللي ما فهموا وش اقصد قصدي ستار بكس مالت عليهم وعلى اللي يشربون من عندهم














..

..












صباحكم امطار وأجواء زينه

بدخل الموضوع مباشره

فيه شي شفته كثير خلال كل هالفتره من حرب غزة

فيه ناس مزعلتهم المقاطعه اكثر من أصحاب الشركات أنفسهم

صدق من قال الصهاينه العرب اسوء من الصهاينه اليهود

ما ودك تقاطع انكتم وفك الناس من شرك

لكن تهاجم المقاطعين وتقول عنهم غير واعيين ومن هالكلام الفاضي

على اساس انت الواعي يعني

كل هذا عشان شركات الغرب اللي يدعمون محتل يقتل اخوانكم واهلكم اللي يدافعون عن أولى القبلتين

انفقعت مرارتي من هالاشكال والله

الاجيال الجديده مدري لوين بيوصلون على هالتفكير المضروب

نصيحه للاباء والامهات علمو ابنائكم وبناتكم ايش يعني فلسطين وقضيتها

لان حرفيا الناس مدري وين عقولهم











..

..










مسائكم مطر واجواء زينه

يا الله من زمان مره ما كتبت شي بالمدونه مدري صارت بالصفحه كم

المهم طمنونا عنكم عساكم بخير

بحاول اني ما أسحب ع المدونه كل هالوقت مره ثانيه

وان عدتها اجلدوني ما عليكم










..

..









قاعده مفروض كل الناس يمشون عليها

اولا لازم نعرف ونفهم انه فيه اشخاص غير اسوياء في الكوكب

لما تبين لهم انك تحبهم يتكبرون عليك او يسوون فيها محور الكون

بالمختصر المفيد أشخاص سامين زي الأفاعي واسوء

عشان كذا لازم يا انسان تتعلم تتجاوز ولا توقف حياتك على شخص ما اخذ محبتك على محمل الجد

كمان رفع سقف التوقعات بزياده راح تدفع ثمنه وثمن باهض جدا جدا

الخلاصه من كلامي لازم الكل يتعلم ما يوقف حياته على احد لا على ناس ولا على مواقف

اللي خلق هالشخص خلق ملايين غيره وبيوم من الأيام راح تلقى شخص يقدر محبتك وشعورك

اما السامين لا تخلون يكون لهم مكان بحياتكم لأن راح يقتلونكم بدم بارد

كمان الأشخاص اللي يحسسونك انك سيئ وانت عارف نفسك انك جيد وجيد بما فيه الكفايه

برضو لازم تطلعهم برا حياتك وتتخطاهم وتكمل ولا تلتفت

كل هذا لازم تسويه عشان صحتك النفسيه وعشان تقدر تعيش بروح حيه

مو تعيش وانت مقتول وتعبان وكأنك جسد بلا روح !











..