..











والزوار 16

صار لي كم يوم مو شايفه هالرقم في الزوار >> هالفيس ما يذكركم بالنايفه

نورتوني














..

..









والزوار 24

لا خلاص الفيس اللي فوق سحبته

شرفتوني












..

..









تذكرت شي الحين وقلت بكتب عنه

فيه ناس مضيعه بين المجامله والكلمه الطيبه

المجامله هي أنك تعطي الأمور فوق حجمها بكثير

اما الكلمه الطيبه ممكن تكون دعوه تدعيها للي قدامك والملائكه تقول ولك بالمثل

تعلموا تتلطفون في الحديث مع اللي تعرفونهم واللي ما تعرفونهم

أنا شخصيا كم مره اروح مكان ما مثلا عندي موعد

أقابل شخص يتعامل بدون نفس والله تلقائيا أنا بعد تنسد نفسي

خلوكم سمحين أخلاقكم حلوه كلامكم طيب

ترا هالشي جدا يأثر على اللي يتعامل معك

سواء في عمل او في الحياه بشكل عام












..

..








فيه وحده اعرفها محطيها كله ناس سلبيه وتحبط من الدرجه الاولى

صراحه مدري كيف متحمله الوضع هذا

الناس السلبيه اذا ما تعرفون تعطون غيركم جرعه ايجابيه

اسكتوا وارحموا اللي حواليكم من سلبيتكم

اصلا ديننا يحثنا على التفاؤل واحسان الظن بالله

الله سبحانه يقول ولا تقنطوا من رحمة الله

مدري كيف فيه ناس مسلمه تصلي وتقرأ قران وطاقتها السلبيه عاليه جدا!











..

..













إلا ما رحم ربي













..

..










مسيتو بالخير >> اذا بتكلم عن شي لازم أمسي عليكم قبل

قريت اخر مشاركه للأخ الفاضل متأمل بخصوص الانجاب في أول سنه زواج

انا أختلف معاه مع كامل احترامي له

انا مؤيده جدا لتأجيل الانجاب ليش؟

لأن كثير بنات تزوجوا وانجبوا في سنه

بعدها حصل طلاق وابتلشوا بالأطفال

سنه عشان يعرفون طبع بعض ويشوفون يقدرون يستمرون مع بعض او لا

بعض البنات لا تزوجت بعد السنه تكتشف مصايب في الزوج

بالشهور الأولى ما يبين كل شي

والطلاق في وجود أطفال شتات

وترا فيه بنات اذا تطلقوا أهاليهم يرفضون عيالهم!

لا تقولون مو صدق والله تحصل كثير

بعدين موانع الحمل ما تنشرب بدون إستشارة طبيبه

واساسا موانع الحمل مؤخرا صار منها انواع تعالج تأخر الإنجاب عند النساء

انا مو اختصاصيه صح بس هاذي المعلومات عرفتها من طبيبه

وبالأخير كل شخص يسوي اللي يريحه في حياته الخاصه

حبيت أعلق على تدوينتك يا متأمل واتمنى رأيي ما يزعجك











..