..









عندي كلمه بقولها عشان حسيت انه فيه ناس فهمتني او ممكن تفهمني غلط

عشان كلامي اللي كتبته بالمشاركه اللي قبل هاذي

انا في مدونتي أكتب ارائي الخاصه ووجهة نظري كمان الخاصه

واذا علقت او عقبت على كلام أي احد من الأخوه او الأخوات هنا

أكيد راح أعلق عليه بكامل الأدب والاحترام لشخصه ولـ رأيه

انا أدري أسلوبي فيه حده وهاذي حده ربانيه من الله

لكن مثل ما ذكرت فوق أهم شي اني أحترم الكل هنا واحترم أرائهم مهما كنت لا أتفق معها

الإختلاف ممكن لكن الإحترام أهم

وانا لا يمكن اني أقصد الإساءة لأي شخص هنا









..

..












وصلني هالتقييم من واحد من أخواننا المحترمين بالمنتدى

راح أتكلم عن النقاط اللي ذكرتها

أنا طبعا ضد المهور العاليه اللي توصل 80 الف 100 الف وزياده

انا أساسا اشوف المهر فوق 50 الف مسخره

ادري بتقولون 50 كثير انا أقول اذا كانت العادات

تلزم البنات أنها تشتري ذهب الخمسين مو كثير لأن الذهب غااالي مثل ما الكل يعرف

وبرضو انا ضد الفشخره والمظاهر في حفلة العرس

انا ان كتب الله وتزوجت من الان ماراح أسوب عرس كبير

حفله صغيره وصلى الله وبارك

أما جزئية أهل البنت يوقفون معها وهي غلطانه

ترا حصلت عندنا قصه مثل كذا

شخص محافظ تزوج وحده مفتحه جدا >> من ناحية اللبس

بعد العرس باسبوعين تمشكلوا على اللبس وراحت لأهلها

وابوها كان واقف بصفها ووصلوا للمحكمه

اخرتها تطلقت البنت هنا صح الأهل غلطانين

وادري انه فيه اهالي يشجعون بناتهم على الغلط في كثير من الأمور

لدرجة الزوجه تهين زوجها وتمسح بكرامته القاع

هذا مرفوض طبعا واي امرأه عاقله ورزينه راح ترفض هذا الأمر

بس نتكلم عن شغله مهمه

فيه ظلم واقع على الشباب فيه

لكن والله مو قد البنات لا تهاجموني

انا اتكلم عن الواقع صح فيه أمهات يتدخلون في حياة بناتهم الزوجيه ويخربونها

بس الأكثر تدخل أم الزوج لدرجة بعضهم تخلي ابنها يطلق بنت الناس

اللي بوصله من كلامي هذا انا ارفض الظلم للجنسين

بس تبقى المرأة هي اللي يقع عليها ظلم أكبر و أكثر

مع كامل احترامي وتقديري لك يا صاحب التقييم

وارجع اقول انا ضد الفشخره في حفلات الزفاف وضد غلاء المهور وضد الشروط التعجيزيه
وضد ان المرأة ترمي اطفالها على الخدم وهي ما تدري عنهم

وضد التفريط في الحجاب من قبل بعض البنات

بس اتمنى من أخواننا الشباب لا يتحسسون ويزعلون ذا تكلمنا عن ظلم النساء

ترا ابائنا واخواننا واعمامنا وخوالنا واجدادنا كمان من معشر الرجال
















..

..













اقتباسين من مدونة اخوي الفاضل سفر

اول شي انا من جيل التسعينات >> حسيت كأنه احد صفقني كف

نرجع للموضوع

كلامك كله صحيح ولا غبار عليه

اول شي كل شخص فينا يعبر عن وجهة نظره

لكن انا اشوفكم يا اخواننا الشباب متنرفزين من الموضوع

انا قلت فيه ظلم على الشباب لكن مو كثر البنات

بعطيك أقرب مثال

الحين البنت لو تعدت الثلاثين وما تزوجت الناس يحسسونها انها مسويه جريمه ويضغطون عليها

اذا تزوجت وما خلفت نفس الشي كمان يحسسونها انها مسويه جريمه

ويلومونها على شي أصلا مو بيدها الأمرين هاذي كلها رزق من الله

الشاب ما يلومونه لهالدرجه مثل ما يلومون البنت

احنا تكلمنا عن ظلم المرأة وليس الطلاق

الطلاق له اسباب كثيره وانا بنفسي أقول

بنات هالأيام مو قد مسؤولية الزواج الا ما رحم ربي >>عاد قولوا همس تطبل للبنات بس

بس ياليت محد يزعل لا بد نحترم وجهات نظر بعض وارائهم حتى لو ما نتفق معها

بعدين الساده الكرام اللي يقولون روقي وربي اني رااايقه

ولا لو المزاج ماش ما كان اكتب ردود هالطول















..

..








بس بوضح شغله ذكرتها في كلامي فوق

يوم قلت ما تكلمنا عن الطلاق قصدي ما فتحنا نقاش عن اسبابه

بس احنا ذكرنا ان بعض النساء يتمرمطون في المحاكم عشان الخلع

ذكرنا هالشي من ضمن قائمة العقبات اللي يعانون منها بعض النساء

دايم اذا تكلمنا عن هالموضوع يصير فيه شراره والجو يتكهرب

روقوا روقوا













..

..








اول شي انا ساكنه في السعودية

وما عندي خبره في القانون عشان اتفلسف

والقانون الكويتي ما اعرف عنه اي شي اعتذر منك،

الظلم له عدة أوجه يا اخوي سفر

فيه نساء تتعنف وفيه نساء تنعضل وفيه نساء تعيش مذلوله عند زوجها

عشان عيالها اذا تطلقت بيحرمها من عيالها او اهلها ما يبون عيالها وما تقدر تخليهم

وفيه نساء انغشت واكلتها بسبب " زوجوه يعقل "

وفيه نساء اهلهم ياكلون حقهم في الورث وفيه نساء أهاليهم يزوجونهم غصب

هاذي الاشياء تقريبا تتصدرها المرأه

وفيه امور ينظلم فيها الرجل بلا شك

لكن القسم الأكبر النساء،

>> أحسني تعبت وانا اكتب














..

..












الأجيال الجديده فيها خلل لأن الخلل في التربيه اصلا

ومواقع التواصل الحين صارت بيد الصغير قبل الكبير

والناس متأثرين فيها بزياده عن اللزوم وهذا كارثي

الله يصلح شبابنا وبناتنا

ولا تزعلون ترا احنا نناقش بعض الأفعال السيئه

احنا نساء وننقهر على النساء المظلومات

وقلت مسبقا اي رجل محترم على راسي






.
.




الزوار 20

شكلكم تحبون النقاشات مو

حياكم

وصبحتو بالخير جميعا













..