الله يسلمك عزيزتي سماء
مبسوطه انو فكرة المسابقة راقتلك
وبرافو عليكي الآهم من الفوز هو المشاركة وتحدي الذات
شكرا لمرورك الرائع ولتقديرك بحقي وبحق المسابقة

بتمنالك كل التوفيق وآكيد رح تنورينا بمشاركتك الآنيقه
المشتركة السابعة

لا لا غاليتي ,, مش مطلوب منكم ترسلولي مشاركاتكم ع الخاص
لآني انا عملت لالكم المسابقة مخصوص كرمال تشاركو بأساميكم وشخصياتكم هون
وتبرزو عن طاقاتكم الكتابية والتعبيرية الهائله وتتحفونا بــــ ابداعاتكم ومواهبكم

بما بمعني كل عضو يشارك بموضوعه وبأسمه وينزله بهيدا القسم يلي نحنا موجودين فيه
ابداعات أقلام الاعضاء الحصريه ( أقلامُنا )
https://www.al2la.com/vb/f67.html

كل عضو الو كامل الحرية بالكتابة والتعبير والوصف والسرد بالطريقة يلي هو بارع فيه
وكل عضو لازم يشارك ويختار فصل 1 فقط ,, الفصل المفضل والمحبب لديه
وموضوعه لازم يكون ع شكل نص ادبي او نثر او الخاطرة او طرح قصير
(متل اغلب مواضيع هالقسم ويفضل ان يكون معتدلا , يعني مايكون نص كتير قصير او كتير طويل)

ومش مطلوب منكم تحطو أي لوحة او شعر او قصة ,, وانما فقط الكتابة
لآنو القسم حصري بالمواضيع الكتابية والنثرية
بس اذا حدا حابب يحط في موضوع مشاركتو صورة عن الفصل المفضل عندو
او يحط لوحة طبيعية او يضيف بيت 1 من الشعر او يسرد ذكرى صايرة معو بخصوص الفصل
من باب تجميل وتزيين الموضوع ,,انا ماعندي أي مانع
بس بيكفيني الكتابة تكون حصرية بقلم العضو ولمنتدانا فقط

بتمنى اني قدرت اوضحلك الفكره واجاوبك بوضوح
ونشالله بعد شوي رح نزل ملاحظات لالكم وموفقي

الله يبارك فيكي ويسعدك غاليتي نورس
شهادتك فيى وفي مواضيعي واختياراتي مصدر فرحي وفخري
وهيدا من كتر ذوقك ولطفك وانتي وحكياتك الاروع
ذكرتيني بـــ الآخ الراقي والمذوء وكاتبنا اللامع (آمين) ربنا يوفقو ويسعدو وين ماكان
عطول كان يندهني بلاميرة المبجلة ,, ياريت لو كان موجود معنا بهالمنتدى
لكان ابدع بهيدي المسابقة واتحفنا بقلمو الانيق

نورستي آكيد بتنورينا بوجودك متابعتك الجميله
شكرا لحضورك الزاهي وشهادتك الثمينة بحقي ودعواتك القلبيه ولكي بالمثل

لا شكر ع واجب آخي الكريم
آهم شي المسابقة تنال أعجابكم
ونشالله الخريف يكون وشو خير عليك
شكرا لحضورك المميز وتقديرك

بتمنالك كل التوفيق وآكيد رح تنورنا بمشاركتك الآنيقه
المشترك الثامن // فصل الخريف