"أنا مقدر على الوصل الهزيل وخاطري مخنوق
وأصابعنا مع الغيبه نست وشلون تتشابك

عطيتك دمعةٍ تخفى ولا تظهر على مخلوق
وسترت الحزن في صدرٍ تحداني وهلّا بك

على مهل اللقاء باقي زمان بغيبتك مسروق
وبقايا عطري المجفي زمن تلقاه بثيابك

كثر ماخابت الهقوه سنين وماتحب تروق
أنا خسران لو أنه طموحي أكسب أعجابك

أنا آسف على عسف الشعور وقسوة المنطوق
يد التلويح لا ترقب صداها يطرق أبوابك

ترا أحبابك على موعد، وأنا ماني بناقص ذوق
عسى الله يستر جروح الزمان ويحفظ أحبابك".