((لملم جروح قلبك يا أنا واستريح
لا متى متعب القلب المعنَّى معاك))
كل ما طاب جرحٍ فز جرحٍ يصيح
ياجروح الهميني وين ابلقى دواك
((رغم إن الدوا موجود لكن شحيح
والوصال استحال بمن هويت وهواك))
ضاع درب المواصل في الغياب الفسيح
واجهد البعد قلبي بالشعور وبكاك
((وفي النهاية ترى م يصح غير الصحيح
قلبي اللي تعلق فيك راضي جفاك))
بس لو تلتفت له وتحفظه لا يطيح
خيّل الوجد فينا وانهمر من سماك
((أمطري يا مناة النفس غيثك يزيح
عن عيوني عذاب البُعد لحظة لقاك))
وانتشي يا قصيدة كاس حبك مديح
شاعرٍ بالمعاني والمشاعر بداك
فاحت حروف شعره زيزفونٍ وشيح
وسكنت في خفوقي زفرةٍ يوم جاك
((غردي يا بيوت الشعر محكي وفصيح
واجزلي في مديحه بين هذا وذاك
عبري عن شعوري له مُكنَّى وصريح
قولي سهيل نجمٍ به تزيَّن مساك))
في غيابك يعاني وله فؤادٍ جريح
سامح الله من هو عن عيوني خذاك


((سُهيل)) & ام الفهده

صدر وعجز

سيّل الفقد فيني ذكريات وحنين
ضعت وسط الشعور اللي هوى وانهزم

امحل الواقع اللي دايم وهو حزين
جفّ غصن الأماني ولا ازهر أية حلم