صح بدنك

ما هنا إلا إبداعك

صدر وعجز

"سيّل الفقد فيني ذكريات وحنين
ضعت وسط الشعور اللي هوى وانهزم"

ليتها ليتها تنعاد ذيك السنين
قبل قلبي بحب اللي رحل يلتزم

"امحل الواقع اللي دايم وهو حزين
جفّ غصن الأماني ولا ازهر أية حلم"

ضاق بي الفضاء الرحب يا الله تعين
بين مر الصبر وآهات هذا القلم

"انكسر كل ما بي ومابقى لي عوين
ألف خيبة وخيبة تحتويني ألم"

يا سهاد الليالي مشتهي غمض عين
مشتهي لحظه أحياها وانا مبتسم

"ودي انسى ولكن هم صدري دفين
وانغرس في ضلوعي من عذابه سهم"

يا ليالي الفرح بالسَّعْد مدي يدين
ممتلي حزن ابفرح لو مجرَّد وهم

"اشرقي بالسعادة، حسن ظن ويقين
رتّلي امنياتي واعزفيها نغم"

وامطري يا سحابه من شمال ويمين
لين جودك على كل المشاعر يعم


أم الفهدة & سُهيل

فيك ياليلة البارح عشقت الحياة
ضِحْكت بعيني الدنيا بعد عفتها

عشت ذاك الشعور إلين آخر مداه
أجمل أيام عمري البارحه عشتها