|
بدأت تجربه جماليه جديده اذا ضبطت راح يسير انهيار ارض جو على كل الاصعده هههههههه بإذن الله تظهر النتائج قبل العيد وبخبركم يابنات بس بالخاص للي حابه .. طبعا مو الحين قبل العيد ان شاء الله |
اكاد اجزم يقينا انو كل امهات الوطن العربي خلصوا تعزيل وتنظيف البيوت استعدادا لرمضان واكاد اجزم انو بدأ مسلسل هروب الخادمات من منازل السعوديين ولله الحمد خلصنا ترتيب وتلميع البيت لم يتبقى الا تركيب الزينه الرمضانيه وايضا عاملاتنا اضربوا عن الشغل والان متسدحات في مكتب الاستقدام وبكره رمضان (^_^) |
مرور سريع لإخراج مدونتي من تحت الانقاض |
اقتباس:
اكملت تقريبا اسبوعين ونصف النتيجه واااو |
شفت مقطع بالتيك توك شخص راح للسوبرماركت يشتري حاجيات البيت وكانت قليله اربع اشياء كتبتهم زوجته له استغربت انو فقط اشتراهم وخلاص ..!!! ابدا ما اضاف اي شي تحت بند (( ممكن نحتاجه )) او اي مفرحات مثل الشيبسات والشوكليت او حتى معجون اسنان ليش انتم يالرجال كذا ..!! مستحييييل اروح اي مكان واشتري اللي احتاجه فقط لازم اضافات جانبيه حتى لو في التطبيقات لو حسيت انو فلوسي بس تكفي احتياجاتي ما اشتري لازم معي زياده اضيف اي شي بطريقي في سلة المشتريات ولازم اضيف اشياء (( ممكن احتاجها )) في زمن من الازمان حتى لو بعد سنه ولا اكتفي بالشي اللي اريده حبه وحده لازم اضيف ثلاث او اربع من نفس الصنف المهم التسوق مع الرجال يقتل المتعه ويركزون عالمكتوب فقط |
أتمنّى أن اجد شخصًا يتحدّث بلغتي ، لئلّا امضي عمرًا كاملاً في ترجمة روحي." |
عيدكم مبارك وكل عام وانتم بخير |
واخيرا بعد ثلاث سنوات غيرت الرمزيه |
لسى سوينا ترند كيكة الليمون اللي بالحجر تتوقعون في اي سنه بنسوي مكرونة الانسجام اللي ترند هذي اليومين ؟ |
قاتل الله الذكور امس رأيت رؤيا تخص صلاتي وخفت مررره فحبيت افسرها ليطمئن قلبي راسلت مفسر بالتيك توك قال التفسير بخمسين وشرحه بـ 100 بصراحه استغربت وقلت يالله بستفسر بالاول ثم ادفع اسئلته مبطنه مثل عفن تفكيره : عندك غمازه ؟ عندك شامات ؟ كم اخوانك ؟ وين موقع بيتكم والحي والشارع طبعا سلكت بمعلومات كذب ثم سويت بلوك له .. اعوذ بالله من مداخلهم القذره وبعد يسأل عن القبله في بيتنا .!!! وهل اتجاه الفيلا شمالي او غربي .!!! ليش الذكور كذا .!!! جد والله اسأل مايفوتون اي مدخل على النساء الا واستغلوه حسبي الله ونعم الوكيل |
من الاشياء اللي ابصرني ربي فيها وادركتها بشكل عميق هو انعدام وجود الوقت يعني [ الوقت ليس له وجود اصلا ] كل ماهو موجود فقط هو الان واللحظه الراهنه وتحدد مواقيت الصلاه باللحظه نفسها بمقاييس محدده عند حدوث هذي المقاييس المكانيه مثل (( ظل كل شي مثله )) يكون دخول الصلاه وعند تغير هذا الحدث ينتهي وقت الصلاه وكذلك. دخول رمضان والحج لايتأكد الا في لحظه ما عندما يكون القمر في منزلة ما لا الماضي موجود ولا المستقبل موجود |
اقتباس:
لو دخل وقت صلاة الظهر هل تصلي الفجر ؟؟ صلاة الفجر قبل شروق الشمس وشروق الشمس انتهى لاوجود له في صلاة الظهر والمحاسبه شي حتمي ماله علاقه بحديثي عن وجودية الوقت طيب مثال اخر في العصر الحجري هل يعرفون ماهو الوقت .؟؟ هم فقط يعيشون باللحظه بكامل تركيزهم ولايعلمون اي شي يحدث خارج لحظتهم الراهنه مثال ثاني في هذي اللحظه اللي تقرء كلامي ركز على مايدور حولك وبعد الانتهاء من قراءة كلامي هل هي نفس الاحداث والاصوات ام اختلفت هي لحظات متتاليه وكل لحظه فيها احداث وللاننا لانركز لاننتبه |
اخوي التوأم زواجه كان يوم الخميس هو صحيح من فئة (( زوجوه يعقل )) بس والله طيب وحبوب ومزعج وصوته عالي عكسي تماما فقدنا جلسته وازعاجه الله يوفقه ويسعده يارب ويرزقه الذريه الصالحه |
الله يبارك فيكم جميعا وعقبال كل العزابيه |
(( وبالاسحار هم يستغفرون )) استغفر الله العظيم عدد خلقه وزنة عرشه ومداد كلماته |
اقتباس:
هذي الفئه من البنات راح يرفسها زوجها ويقرف منها مو لانها مو موظفه او ماتشتغل لا ابدا لانها ربطت حياتها وتفكيرها وشعورها وقيمتها بهذا الرجل مو معقول كمية الذل بالتغريده ترى عادي تحبي زوجك وانتي محافظه على حقوقك وعايشه بشموخ ليش الاستماته والذل للزوج .!!! ليش ماتكون علاقه زوجيه صحيه فيها احترام وسكن و موده ليش الحياه الزوجيه وضعت بين كفتين ميزان يا اما اخضع واتذلل واحافظ على بيتي او احترم نفسي واقدرها واتطلق واكره الرجال الزواج اعظم واقدس من هذي الاهانه والذل الشعوري للزوجه والرجل انسان عادي مايتستاهل هذي القدسيه والخنوع الرجل يريد تقدير واحترام وحفظ لبيته وماله واولاده بالمقابل يجب عليه احترام الزوجه ومعاشرتها بتقدير وامان ورحمه الحياه الزوجيه مو رئيس ومرؤوس ولا سيد ومملوك اصلا شعوريا في كل البشر اي احد يخضع ويتذلل للثاني راح ينفر منه ويهينه يابنات عزوا انفسكم وقدروها واكرموها واطلبوا حقوقكم اللي الله فرضها لكم بالحق من غير تعنت حبوا انفسكم وقدروا حياتكم الزوجيه واحترموا ازواجكم بالحد المعقول دون ذل واهانه الله المستعان بس على هالتربيه للانثى وزرع الذل بداخلها |
ربي يسر لي امري واشرح صدري |
موضوع صحتنا والغذاء على جوي واجوائي وعندي خبره طويييله بمجال التغذيه العلاجيه بس مالي نفس اكتب شي وما احب اتقيد بقوانين |
اقتباس:
صوره لن يفهمها المعددين |
فيني طاقة سوالف بس كلهم نايمين ايش الحل ؟ |
الحمدلله حصلت سالفه اقولها كتبت تعليق في قسم مشاكلنا او مشكللتنا عن الصداع وألم الرأس تعليقي كان عام ومن خبره واعرف ايش اكتب وايش اللي ما اكتبه علقت احدى الاخوات انو مايجوز نأخذ وصفات من النت من غير فحص طبعا انا مؤيده لها 100% .. لكن تعليقي انا فاهمته وعارفه ايش يعني نقص مغنيسيوم وارتفاع كالسيوم وعارفه بلاوي وامراض ارتفاع الكالسيوم ورطوبة الجسم لاني اتكلم من دراسه وخبره لو بتكلم عن مكملات بشكل عشوائي كان تكلمت عن مكملات انا استخدمها ونتائجها جباره بس امانتي وخوفي من الله حتى اخواتي ما اعطيها لهم لان كل جسم يختلف لذلك المنتدى القديم يعرفون هوسي بالطب البديل وطب الطبائع والامزجه والطب التصنيفي الشعوري لكن .. ما اتكلم عنها الا بشكل نادر ومقتطفات بسيطه لان صحة الناس مو لعبه وانا ارفض بتاتا وصفات (( الواتس اب )) المنتشره بين الامهات مثل استخدامات القسط الهندي او المورينجا او الحبه السوداء او اي وصفه خربوطيه يتناقلونها الامهات لان من صميم دراستي لازم اربط مابين طبع ومزاج العشبه مع طبع ومزاج الجسد لذلك الوصفات العشوائيه خطيره جدا جدا واخذها من غير فهم جسدك او فهم طغيان المكونات الاربعه للانسجه وعلاقتها بغذائك وبيئتك خطره جدا حتى في بعض الردود تكلموا عن الحجامه والحجامه لازم ترتبط بطبع ومزاج الجسد حتى تحدد مكان عملها يعني تأكدوا اي معلومه اكتبها تكون جدا عامه ومن خبره وفهم للشخص الي يطرح مشكلته |
اقتباس:
ولأن الشي بالشي يذكر احب اطلع على اي تجارب غريبه بالطب البديل كنت منبهره من علاجات الاشعاع الحمراء وعلاجات الليزر الاحمر غالبا هذا النوع تستهدف العضلات لكن لها استخدامات اخرى لاحصر لها لكن اخر جهاز تم اكتشافه رهيييب وطريقة عمله تعتمد على الذبذبات اللامرئيه يعني مثل ذبذبات الجوال مانشوفها بس يشتغل في الاجهزه الذكيه هذا الجهاز موجود في عيادات امريكا وألمانيا وبريطانيا وحاليا موجود بالكويت فكرته انو يأخذوا الاطافر من المريض في اي مكان بالعالم مو لازم تكون بالعياده عندهم يعني المريض يقص اظافره ويرسلها للعياده عن طريق البريد وهم يستخرجوا الـ dna تبع المريض ويوضع في سيستم الجهاز ثم يبرمجوا هذا الجهاز على المرض اللي موجود بهذا المريض عن طريق ارقام معينه وبعدها يشغلوا الجهاز وخلاص يرسل ذبذبات مثل ذبذبات الجوال للمريض فقط وين ماكان مكانه في العالم توصل له الذبذبات وتعالجه الفكره جبااااره ومخترعها عبقري ماشاء الله وشفت حالات كثييييييير كثيييير استفادوا من الجهاز وهو يباع بأمريكا وسعره اتوقع اكثر من ثلاثة ملايين او اعلى حتى الشيب يعالجه بكود ورقم معين وجميع انواع الامراض معه مجلد يوجد به اكواد لاكثر من عشرة الاف مرض لكن للاسف غير معترف فيها بالدول العربيه ويوجد عند دكتوره وحده بالكويت والشي المؤسف الاخر انو لازم الاظافر تكون طازجه ماتتجاوز الاربع وعشرين ساعه ومدة بقاء الـ dna بالجهاز ثلاث اسابيع ولكل مرض اظافر مختلفه لعلي في يوم ما اشتري هذا الجهاز ويكون مسموح عندنا بالسعوديه بإذن الله |
اكاد اجزم انو كل البنات عندهم هذي المتلازمه وهي متلازمة البكاء اذا شفنا شايب يمشي لوحده قلوبنا ماتتحمل نشوف ضعفه وكبر سنه ووحدته |
|
احد الفنانين الاتراك واكبرهم نجوميه واعلاهم اجر وانجحهم اداء تزوج قبل فتره ولانه بهذي المواصفات كانوا البنات منهارين عنده وهو تأخر على هذا القرار وبعد زواجه انهالت حسابات مشاكل الازواج واخصائيين العلاقات الزوجيه في تحليل زوجته وكانت كل نصائحهم وحتى عملوا كورسات مدفوعه عن كيف تكونين مثل فلانه وتجذبين الرجال الفخمين لك وماهي الصفات اللي (( جابت راس)) فلان وقرر اخيرا الزواج منها وانو فلان الرجل الهيبه واللي محد لفت انتباهه من المعجبات الا فلانه ولانو نمط شخصيته كذا وكذا فهذي الصفات هي اللي ينجذب لها لذلك يابنات أليكم ابرز النقاط اللتي يجب ان تتصفي بها حتى هذي النوعيه الفخمه من الرجال يخطبونك ولاني احب افكر خارج الصندوق سألت : ليش مو هو استمات حتى لفت انتباهها ليش وضع الرجل في موضع سي السيد المعظم والبنات جواري حوله ليش الاخصائيين والاخصائيات دائما كلامهم موجه للمرأه واتهاماتهم لها بسوء علاقتها مع الرجل ليش تقديس اي خطوه للرجل ووصف اللي ارتبط بها ذات حظ عظيم وامها داعيه لها بليلة القدر وطبعا لا اخفيكم انو كانوا مترقبين طلاقها لانو من خلال تحليلهم راح يكتشف حقيقتها بعد الزواج ويخف انبهاره ويرى انها انثى (((( عاديه )))) وانو يستحق انثى لم تخلق بعد ..!!! |
عندي سوالف كثيييره بعضها اتوقع سيتم تبلكي يسببها واخرى سـ يتم شتمي فيها .. واخرى لن يصدقني احد لذلك احب قروب صديقاتي نتكلم بأريحيه وكلهم مثل اهتماماتي |
اقتباس:
المهم من سوالفي اللي محد بيهاجمني عليها الاسبوع القادم اتوقع او اللي بعده مو متأكده ستطرح ارامكو اسهم ثانويه ومن خلال دراستي للاسهم اقولكم اكتتبوا اذا عندكم سيوله ماديه وايضا اسهم stc قويه ولها مستقبل واعد ••• معلومه غير مهمه عني احب التجاره والتجار ولست منهم |
اللهم ارزقني من الخير ماعلمت ومالم اعلم .. |
|
سألتني وحده ايش برجك قلت لها برجي كذا وكذا طلعت كل صفاتي الظاهره والباطنه وكانت صحيحه 100% عاد بعض الصفات خاصه ومو اي احد لازم يعرفها المهم يابنات لاتخبروا احد بأبراجكم ••• للناقدين : مو انو اعرف برجي يعني أؤمن بالابراج |
اقتباس:
انتي اخر وحده قيمتك مايمدي اكتب تقييم المهم بصراحه حللت كل شي فيني عاد انا ماسكت قلت طيب معي توأم وحياته مختلفه عن حياتي قالت الابراج تعطينا الظاهر بشكل عام المهم تكلمت عن جزئيه بحياتي وحياته وايش اوجه الشبه والاختلاف بشكل عام ممكن صح بس ما اهتميت لان حياتي وحياة اخوي بإتجاهات متعاكسه و الواقع مختلف |
| الساعة الآن 04:23 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا