.،



ميهاف ، عظم الله أجركم
الله يرحمها ويسكنها فسيح جناته ويصبّركم ويصبر قلب أمك


فعلًا الجدات وجودهم بركة وحياة بالبيت

.,

أهلًا ..
رسميًا صرت عاطلة
وياله من شعور
غرابة على حيرة !
ما أنكر أني أرتحت لأن شغلتي كانت متعبة لحد كبير
بس فيه حنين للأمانة
خصوصًا مديري لما عرف خبر إستقالتي كلمني
قال مستعد أنقلك لفرع هادئ أكثر ..
لكن هالقرار ما أتخذته بإرادتي ..
هالمكان بالذات بداية حكاية بالنسبة لي
وبإذن الحكاية القادمة أفضل وأجمل

.،

عادت علاقتي مع الطبخ ، بعد مشاحنات ومصارعات
و إكتشفت أن نفسي حلوة في الأكل إلي اسويه ، وخفيفة
صراحة مبسوطة من نفسي ، لأن الطبخ كان عقدتي على مر السنين ..
وبدأت أفك هالعقدة





أستحق لقب أفضل شيف ياجماعة

.،

أخيرًا صرت عضو محبوب

.،

تقضيتو لرمضان ولا باقي ؟
إحنا اليوم الحمدلله خلصنا ، وسوينا التجهيزات من بدري
أيه صح ، بيكون هذا ثالث رمضان وأنا معكم
ياجمال أجواء رمضان وروتينه ، الله يبلغنا وإياكم لافاقدين ولا مفقودين

.،

الخيبة بعد الأمل والتعلق الكبير
بشع جدًا هالشعور , ما أتمنى حد يتذوق مرارته
اليوم صديقتي كانت تكلمني وهي تبكي !
كان سقف توقعاتها عالي ومليون مرا أنصحها
لا تمنحي هالعلاقة كامل مشاعرك
تقول لي مستحيل يسويها !
الإتزان مطلوب ،
لا تنتظري أحد يعوض النقص العاطفي الي فيكِ
أعرف جدًا موجع أنه مانحصل شخص يعطينا إهتمام
بس التقبل هو الشفاء ..
مرات يراودنا إحساس أننا أشخاص غير مرغوبين ومن هالكلام
وأنا أولهم .. كثير راودني هالشعور
وحاولت أتعالج منه ..
وبدون أي تخطيط
فجأة كذا صرت أخذ واعطي من الغير
وصار لي رأي الخاص ..
هالمرحلة وصلت لها بعد حروب
دخلت في متاهات ودوامة الله لايوريكم
وما أنكر أن هالإحساس مازال يزورني
بس عرفت كيف أسيطر عليه وأتحكم فيه


فلسفة زايدة من الصباح ، أثر الفضاوة إشتغل