.،

إجازتي خلصت بسرعة وبكرة دوام ،
يا الله الشعور إلي أحس فيه بشع جدًا وأحاول ما اكترث
لكن الأجواء غصب تخليني اتهيأ أنه بكره بداوم
قلت لأهلي لزوم نطلع اليوم وإلا بجلس طول اليوم متنكدة

.,

أحب الكلام الي تكتبونه لي بالتقييم ، التمسه من كل قلبي
شكرًا لكم الله يسعدكم

.
.

ودّي يغيرون تحديث المنتدى ويخلونه على النظام الجديد ، أسهل أكثر

.,

جمعة طيبة يا أحبة
اليوم العائلة قررت نتجمع برا ونغير جو ،
طبعًا بعد عدة محاولات وافقوا
عاد يا رب الجو يكون بارد لأني أكره الحر
رغم البرد يتعبني بس أحب شعور الدفئ
البس بلوفر وأجيب بطانيتي وأشرب شاي
نوافيكم بالأحداث والصور إن شاء الله < قولوا يارب ما أسحب على الصور

وبس والله

.,

أمس نمت متأخرة ،
وصحيت ٥ الفجر اتجهز للدوام
والآن منتهية نوم ، لكن ماعليه نتحمل

.
.

ما أدري هالفترة أحس بخمول من نواحي كثيرة
فيه شيء داخلي منطفئ ، بريق كان يومض دائما
او بالأصح ملازمني هالأمر من سنتين تقريبًا
لما أشوف الصور كيف كنت مفعمة بالحياة !
الحين كل شيء في عيني صار باهت

.,

مساء الخير
كيف حالكم عساكم بخير ؟
.
.

تلقيت رفض من أي شيء يحصل في حياتي ؟
وظيفة ، زواج ، أصدقاء .. الخ
إكتشفت أني لازم أتقبل هذا الرفض ، أي نعم
بالبداية ماتقبلته وواجهتني مشاعر كثيرة وغريبة
لكن في النهاية أنا هي هاجر ما أحد بيحدد شخصيتي على حسب نمطه ومعاييره الخاصة !
عندي قبول في جوانب أخرى ..
أستمتع بالحياة ، ماعاش من يشوهها والله

؛،
أكره أكون معلّقة
بين نعم ولا !
أساسًا مش عارفة أبدأ ولا لا !
أبغى جواب واضح وشافي وحقيقي