.,

صباح الخير
أكره ماعندي ألم الأسنان ..
وأمس خلعت ضرس
المهم رحت الدوام اليوم وفجأة بنص الشغل حسيت بألم قوي
قلت يا بنت ما يبغى لها يلا على البيت
لأن لو جلست بتعبي بيزيد الألم شغلتي فيها حركة كثير
الحين الالم راح لكن لو ايش ما برجع
شغلت فلم واحلى وقت مع نفسي

,.

لم يعتذر أحد عن الطريقة التي عاملوني بها .. لقد ألقوا دائمًا باللوم على ردة فعلي

،.

،.

كل صباح أفكر بالإستقالة احس اني بالمكان الخطأ مع الأشخاص الخطأ
سنة كاملة تحمل وصبر وأضطر اتجاهل حتى أتفادى المشاكل ، بس هالفترة بالذات نفذ صبري
صرت حتى مع العملاء الي يعطيني أعطيه !
للأسف كل شيء يصير يؤثر على نفسيتي
تعرفون لما تتعاملون مع أشخاص مُراهقين ، همهم الوحيد هو كيف أجذب الآخرين
وأخليهم " يخقون علي " بمعنى أدق وصريح
أنا إنسانة أركز في الشغل كثير ، وما أحب أسمع واشوف هذه التفاهات
النفسية صفر الأسف صايرة أروح الدوام بالآمين والضالين
ماعاد لي خلق أقابلهم صدقًا

.,

بتكلم عن شيء مسبب لي صراع .. دائمًا اعيش في خوف بسببه
أخاف من نفسي , اخاف أكرر الأخطاء الي ارتكبتها بالماضي
العالم صار مخيف .. الحرام صرنا نشوفه قدام عيوننا وكأنه حلال !
مرات صوتي الداخلي يقول :
" خليني أجرب الحياة مره وحدة وأنت مش بعمر صغير حتى تظلين محبوسة ! "
فجأة أتعوذ من الشيطان ..
قبل كم يوم وحدة قالت لي أنت ليش ما تدخني ؟
قلت لها ما أحب + عندي ربو
قالت لي انت مو عايشة !
ما أعرف هل بعض الناس يشوفون البنت الي ماتدخن ولا تروح وتطلع مع شباب مو عايشة حياتها !

أقدر أسوي الحرام بسهولة أمتلك كل الطرق المتاحة .. لكن ضميري حي
يخاف من الله ولوم النفس وخيانة الأهل !

الله يغنينا بحلاله عن حرامه .. ويبعدنا عن رفقاء السوء
حقيقي الدنيا صارت تخوف

متأمل الغالي .. أنتظر تعليقك ويشرفني أكيد