فيني بكية :eiwp:

ليه ما تفتحون هنا مساحة للندبة،، عشان الي يبغى يبكي :(

كان عندي صندوق جميييل مصنوع بسعف النخيل،، يعني كذا شي تراثي،، اشترته لي أختي وأنا صغيرة وصار له معاي ١١ سنة تقريبا

وكنت أحط فيه ذكرياتي الي أحبها سواء من أختي أو من صديقاتي
غفلت عن هالصندوق هاليومين،، وانصدمت أمس إن أمي الله يهديها ويسامحها رمته بالي فيه😭😭💔

ومن أمس متكدرة وخانقتني البكية من جد،، أنا أحب أحتفظ بأشيائي القديمة ما أحب أرميها،، أحب أطالعها بين فترة وفترة وتعني لي كثيييير

الشي الي بقى من الصندوق ورقة صغيرونة،، كانت رسالة من صديقتي المقربة قبل أربع سنين،، وقتها أرسلت لي كم كتاب هدية وحطت فيهم هالورقة

https://e.top4top.io/p_2371m23qg0.jpg

حتى هي وشحتني والله على قولتها:دموع الورد:
تخيلوا آخر مرة شفتها من خمس سنين:30:

https://youtu.be/DOSEwnQ9ejY

حبيت ذا الفيديو،، بشكل عام أحب فيديوهات قناة طحالب
أحسها تناقش قضاية هامة بطريقة حلوة وكوميدية

خذيت لي لفة في المدونات
ويا سلااام ع الأجواء الروحانية:دموع الورد:

جميل لما تلاقي الكل يحتفي بهالمواسم ،، استغرب من الناس الي تحسه شي بداهي ومش لازم نتكلم ،، صح الكل عارف بس في الناسي ويمكن لاشاف كلامك يتذكر
والمتذكر يأنس وتعلا همته

الله يوفقنا وإياكم لكل خير وطاعة في هذي الأيم المباركة ويبلغنا يوم عرفة ويجعلنا فيه من مستجابي الدعاء والعتقاء من النار♥️

يا مساء الفؤح والعافية

تدرون اني اشتقت لكم والا ما تدرون؟؟
عندي ذا اليومين تدوينات كثيرة ودي أكتبها بس الوقت ما يسمح

ببدأ من قبل يومين ،، وصل ياعيني أخوي بعد ٦ أيام سفر،، على قد ما كنا فرحان بجيته ومشتاقين له على قد ما كنا شفقانين عليه من تعب السفر ..

وبما إنه منبهنا وملزم علينا من قبل لا يسافر انه طول فترة إقامته عندنا ما يبي يشوف خلقة الباذنجان لأن طباخ السكن الجامعي كل يوم يأكلهم باذنجان لين طلع من أذانيهم ،،

كان لزاما علي إني أسوي عكس كلامه وأستقبله بالباذنجان:y2o01875: >> هرمون النذالة يرتفع عندي بقوة مع الناس الي أحبهم وأحب أسوي عكس الي يقولونه:icon10:

وقطعت باذنجان ورتبته في صحن وحطيت بعد في الوسط شمعة وكتبت له على ورقة أدري إني وحشتك:MonTaseR_211:

كنت أفكر إني أغطيه بكريمه وأسويه على هيئة جاتو وما يكتشف إنه باذنجان إلا بعد ما يقطعه بس فكرت إنه حرام بعدين ينرمي مع الكريمة ،، لو هو لوحده عادي أسوي فيه مسقعة ثاني يوم

المهم يوم دخل وبعد السلام والأحضان غطيت عيونه واقوله في مفاجأة وطبعا الأطفال الأشرار معاي وأول ما فتح عيونه يناقزون ويقولون له عيد باذنجان سعيييييد ههههههههههههههههههههههههههههههه

مساكم عود وبخور:27:

عايدنا الأهل وجينا نعايدكم،، كل عام والجميع بخير،، ينعاد علينا وعليكم واحنا في أحسن حال:ورده:

التجهيزات لعرس إخواني قائمة على قدم وساق >> مدري ليه أحس انه التجهيزات ذي استعارت قدمي وسيقاني لأن هاليومين ما أحس فيهم من شدة الكرف 🙂

وأهم شي وصل فستاني الي خليت أمة لا إله إلا الله كلها تختاره معي حتى أخوي الي مشغول بامتحاناته ما أعفيته ،،طبعا أنا أهم شي في العرس :y2o01875:

على طاري الفساتين ،، كنت قاعدة أرتب كبتي وطاحت عيني على فستان وذا الفستان كل ما أشوفه أضحك لأن لي معه سالفة هههههههههههه

مرة كنا طالعين أنا وأختي الكبيرة لزفاف صديقتها،، كشخنا وخلصنا ورحنا لأبوي نوريه كشختنا وأبوي يعزز لنا لأنه مغسلين يدنا من نبع الحنان الي ما تحب تعزز أبد💔🙂

وبعد ما أخذنا كفايتنا من الدعم المعنوي من الغالي حفظه الله علق بملاحظة على فستاني يقول ما كأنه قصير!
لا يبه لا قصير ولا شي شوفه لتحت الركبة
هز راسه وهو ماهو بالع الموضوع كثير فانحشت بسرعة قبل ما يغير رأيه ويقول غيريه

خذيت عباتي في ايدي ويادب أحط رجلي عل أول درجة الا أحس أحط يسحبني مع فستاني ،، ألتفت وراي ألاقي أخوي ماسك في إيده سروال سنة ويقول وهو ماسك ضحكته خذي البسيه واستري سيقانك بلا قلة حيا ههههههههههههههههههههههههههههههههههههههههههههه

أنا تلقائيا اتخيلت شكلي وانا لابسته تحت الفستان وتسدحت على الدرج من الضحك:MonTaseR_26::MonTaseR_26: